ଅଶ୍ୱଗନ୍ଧାରେ ନାନା ଔଷଧୀୟ ଗୁଣ ଭରି ରହିଛି। ଶରୀରରେ ରୋଗ ପ୍ରତିରୋଧକ କ୍ଷମତା ମଜଭୁତ କରିବାକୁ ଚାହୁଁଥିଲେ ଅଶ୍ବଗନ୍ଧା ବ୍ୟବହାର କରନ୍ତୁ। ଅଶ୍ୱଗନ୍ଧାର ଫଳ, ଫୁଲ ଏବଂ ଛେଲି ବିଭିନ୍ନ ରୋଗ ପାଇଁ ବ୍ୟବହାର କରାଯାଇଥାଏ। ବିଶେଷକରି ଏହାର ଚୂର୍ଣ୍ଣକୁ ସେବନ କରିବା ଦ୍ବାରା ରକ୍ତ ପ୍ରବାହ ଠିକ୍ ଭାବରେ ହୋଇଥାଏ। ଅଶ୍ବଗନ୍ଧା କୋଲେଷ୍ଟରଲ ସ୍ତରକୁ ନିୟନ୍ତ୍ରଣ କରିବା ସହ ମାଂସପେଶୀକୁ ମଜଭୁତ କରିଥାଏ। ଫଳରେ ଶରୀରରେ ରକ୍ତ ଜମାଟ ବାନ୍ଧି ନ ଥାଏ। ଏହାକୁ ସେବନ କଲେ ହୃଦରୋଗ ଆଶଙ୍କା କମ୍ ଥାଏ। ସେହିପରି କ୍ୟାନସର ଭଳି ମାରାତ୍ମକ ରୋଗ ସହ ଲଢ଼ିବା ପାଇଁ ଅଶ୍ୱଗନ୍ଧା ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ଅଶ୍ବଗନ୍ଧା କ୍ୟାନସର ସୃଷ୍ଟି କରୁଥିବା ସେଲସ୍କୁ ନଷ୍ଟ କରି ଦେଇଥାଏ।
