ରୋହତକ୍୍,୮।୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହରିୟାଣା ବିଧାନସଭା ନିର୍ବାଚନ ପାଇଁ ରବିବାର ଶଙ୍ଖନାଦ କରିଛନ୍ତି। ରୋହତକରେ ଆୟୋଜିତ ଏକ ସଭାରେ ସେ ଭାଜପା ସରକାରଙ୍କ ଶହେ ଦିନର ସଫଳତା ବିଷୟରେ ଉପସ୍ଥିତ ଲୋକଙ୍କୁ ଜଣାଇଛନ୍ତି। ଗତ ୬୦ ବର୍ଷ ଧରି ସଂସଦରେ ହୋଇ ନ ଥିବା କାମ ମୋଦି ସରକାରଙ୍କ ଦ୍ୱିତୀୟ ଇନିଂସ୍ର ଶହେ ଦିନରେ ସମ୍ଭବ ହୋଇ ପାରିଥିବା ସେ କହିଛନ୍ତି। ହରିୟାଣାକୁ ଭାଜପାର ଡବଲ ଇଞ୍ଜିନ୍ର ସୁଫଳ ମିଳିଥିବା ସେ କହିଛନ୍ତି। ସେ ହରିୟାଣା ମୁଖ୍ୟମନ୍ତ୍ରୀ ମନୋହର ଳାଲ୍ ଖଟ୍ଟରଙ୍କ ପ୍ରଶଂସା କରି କହିଛନ୍ତି ଏବେ ରାଜ୍ୟର ଘରେ ଖଟ୍ଟରଙ୍କ ବିକାଶର ବାର୍ତ୍ତା ପହଞ୍ଚିପାରିଛି। ଲୋକ ସଭା ନିର୍ବାଚନରେ ରାଜ୍ୟର ୧୦ଟି ଆସନ ଭାଜପା ଖାତାକୁ ଆସିଥିବାରୁ ମୋଦି ଉପସ୍ଥିତ ଜନତାଙ୍କୁ ଧନ୍ୟବାଦ ଦେଇଛନ୍ତି। ଏହି ଅବସରରେ ମୋଦି ଏକ ବିଶାଳ ରାଲିରେ ଯୋଗଦେଇଥିଲେ।
