ଅଦାରେ ଅନେକ ଉପକାରୀ ଗୁଣ ରହିଛି। ଅନେକେ ଅଦା ଚା’ ପିଇବାକୁ ଭଲପାଆନ୍ତି। ରୋଷେଇରେ ଏହାକୁ ମସଲା ରୂପେ ବ୍ୟବହାର କରାଯାଉଥିବା ବେଳେ ଆୟୁର୍ବେଦରେ ବିଭିନ୍ନ ଔଷଧ ପ୍ରସ୍ତୁତିରେ ବ୍ୟବହାର କରାଯାଇଥାଏ। ତେବେ ଅଦା ଯେତିକି ଉପକାରୀ, ଅଦାପାଣି ତା’ଠାରୁ ବେଶି ଉପକାରୀ। ଜାଣନ୍ତୁ, ଅଦାପାଣିର ସେଭଳି କିଛି ଉପକାରୀ ଗୁଣ ସମ୍ପର୍କରେ-
* ପେଟଜନିତ ସମସ୍ୟା ପାଇଁ ରାମବାଣ ସଦୃଶ ଉପଶମ ଦେଇଥାଏ ଅଦାପାଣି:
ଏଥିରେ ଫାଇବର, କ୍ୟାଲସିୟମ୍, ପୋଟାସିୟମ୍, ଆଣ୍ଟିଅକ୍ସିଡାଣ୍ଟ ଗୁଣ ଭରି ରହିଥାଏ। ପ୍ରତିଦିନ ଅଦାପାଣି ପିଇବା ଫଳରେ ପାଚନତନ୍ତ୍ର ଶକ୍ତ ହୋଇ ଖାଦ୍ୟ ଭଲ ହଜମ ହୋଇଥାଏ। ଏହା ସହ ପେଟଜନିତ ସମସ୍ୟାରୁ ମୁକ୍ତି ମିଳିଥାଏ।
* ରକ୍ତଶର୍କରା ନିୟନ୍ତ୍ରିତ କରେ:
ଅଦାପାଣିରେ ଜିଙ୍କ୍ ପରିମାଣ ଅଧିକ ରହିଥାଏ। ଏହା ଶରୀରରେ ଇନ୍ସୁଲିନ ପରିମାଣକୁ ବଢ଼ାଇଥାଏ। ଏହା ମଧୁମେହ ରୋଗୀଙ୍କ ରକ୍ତଶର୍କରା ନିୟନ୍ତ୍ରଣ କରିଥାଏ।
* ମେଦବହୁଳତା ଦୂରକରେ:
ଅଦାପାଣି ନିୟମିତ ସେବନ ଫଳରେ ଭୋକ ହୋଇ ନ ଥାଏ। ଏହାସହ କ୍ୟାଲୋରି ପରିମାଣ ନ ରହୁଥିବାରୁ ମେଦବହୁଳତା ଦୂର କରିଥାଏ।
* ମାଂସପେଶୀ ଶକ୍ତ ହୁଏ:
ପ୍ରତିଦିନ ଅଦାକୁ ହାଲୁକା ଗରମ ପାଣିରେ ମିଶାଇ ପିଇବା ଦ୍ୱାରା ମାଂସପେଶୀ ଶକ୍ତ ହୋଇଥାଏ।
