ଦିଗପହଣ୍ଡି(ଡି.ଏନ୍.ଏ.)/ପାଟପୁର,୧୭ା୪- ଦିଗପହଣ୍ଡି – ଚିକିଟି ମୁଖ୍ୟରାସ୍ତା ଗୁପ୍ତେଶ୍ୱର ଶୈବପୀଠ ସମ୍ମୁଖରୁ ଦିଗପହଣ୍ଡି ପୋଲିସ ଗୁରୁବାର ସ୍କୁଟି (ନଂ.ଓଡି୦୭ଟି-୯୫୩୮) ସହ ୨୫୦ ଦେଶୀମଦ ପାଉଚ ଜବତ କରିଛି। ଦେଶୀମଦ ଚୋରା ଚାଲାଣରେ ସମ୍ପୃକ୍ତ ଅଭିଯୋଗରେ ଦିଗପହଣ୍ଡି ସୁନାରିସାହିର ସୀମାଞ୍ଚଳ ଚୌଧୁରୀ, ଫୁଲସୁନ୍ଦରୀ ସାହିର ଜଗା ବାଡତ୍ୟାଙ୍କୁ ଗିରଫ କରି ଶୁକ୍ରବାର ଥାନା ମାମଲା ନଂ.୮୩/୨୦ରେ କୋର୍ଟ ଚାଲାଣ କରାଯାଇଛି। ଜାମିନ ନାମଞ୍ଜୁର ହେବାରୁ ଅଭିଯୁକ୍ତ ଦ୍ୱୟଙ୍କୁ ଦିଗପହଣ୍ଡି ସବ୍ଜେଲ ହାଜତକୁ ପଠାଇ ଦିଆଯାଇଛି। ସେହିପରି ପାଟପୁର ଥାନା କଣ୍ଟାବାଉଁଶ ଓ ପୀତାମ୍ବରପଲ୍ଲୀ ଗ୍ରାମରେ ପାଟପୁର ଥାନା ଅଧିକାରୀ ଅଜୟ କୁମାର ବାରିକଙ୍କ ନେତୃତ୍ୱରେ ପୋଲିସ ଟିମ୍ ଚଢ଼ାଉ କରି ୧୩୦ ଲିଟର ଦେଶୀ ରନ୍ଧାମଦ ଜବତ କରିବା ସହ ୨ ଜଣଙ୍କୁ ଗିରଫ କରି ଶୁକ୍ରବାର କୋର୍ଟ ଚାଲାଣ କରିଛି l ସେମାନେ ହେଲେ କଣ୍ଟାବାଉଁଶ ଗ୍ରାମର ରାଇବାରିଆ ରଇତ ଓ ପୀତାମ୍ବରପଲ୍ଲୀର ହାଡୁ ମଲିକ।
