ହାଲେ (ଜର୍ମାନୀ),୨୨।୬(ଏଏଫ୍ପି): ରୋଜର ଫେଡ୍ରର ଏକ ତିନି ସେଟ୍ ବିଶିଷ୍ଟ ମ୍ୟାଚ୍କୁ ଜିତି ଏଠାରେ ଚାଲିଥିବା ହାଲେ ଓପନ ଏଟିପି ଟୁର୍ନାମେଣ୍ଟର ସେମିଫାଇନାଲରେ ପ୍ରବେଶ କରିଛନ୍ତି। ସେ ୬-୩, ୪-୬, ୬-୪ ସେଟ୍ରେ ରବର୍ଟୋ ବୌତିସ୍ତା ଅଗୁତଙ୍କୁ ହରାଇ ଦେଇଛନ୍ତି। ବିଶ୍ୱର ୩ୟ ର଼୍ୟାଙ୍କଧାରୀ ଫେଡ୍ରର ୧୫ ଥର ଏହି ଟୁର୍ନାମେଣ୍ଟର ସେମିଫାଇନାଲରେ ସ୍ଥାନ ପାଇଛନ୍ତି। ଚଳିତ ଥର ସେ ୧୦ମ ଟାଇଟଲ ହାତେଇବାକୁ ଲକ୍ଷ୍ୟ ରଖିଛନ୍ତି। ସୁଇଜରଲାଣ୍ଡ କିମ୍ବଦନ୍ତୀ ଖେଳାଳି ପରବର୍ତ୍ତୀ ମ୍ୟାଚ୍ରେ ପିଏରେ ହୁଗୁସ ହର୍ବଟଙ୍କୁ ଭେଟିବେ। ଅନ୍ୟ ଏକ ମ୍ୟାଚ୍ରେ ବିଶ୍ୱର ୫ମ ର଼୍ୟାଙ୍କ ଆଲେକ୍ସଜାଣ୍ଡର ଜେଭରେଭ ୬-୩, ୧-୬, ୧-୭(୩/୭) ସେଟ୍ରେ ଡେଭିଡ ଗଫିନଙ୍କଠାରୁ ପରାସ୍ତ ହୋଇଛନ୍ତି।
