ଭୁବନେଶ୍ୱର, ୪।୪(ବ୍ୟୁରୋ): ସୂର୍ଯନଗର ଓ ବମିଖାଲ କରୋନା ରୋଗୀଙ୍କ ଟ୍ରାଭେଲ ହିଷ୍ଟ୍ରି ଲିଙ୍କ ବାହାରିଛି। ଉଭୟ ମାମଲାରେ ଆକ୍ରାନ୍ତଙ୍କ ରାଜ୍ୟ ବାହାର ଲିଙ୍କ ବାହାରିଛି। ସୂର୍ଯ୍ୟନଗରରେ ରହୁଥିବା ପ୍ରଦୀପ୍ତ ଦଳ ବେହେରାଙ୍କ ସମ୍ପର୍କୀୟ କଲିକତା ଯାଇଥିଲେ ସେଠାରୁ ସେ ସଂକ୍ରମିତ ହୋଇଛନ୍ତି ଓ ବମିଖାଲ କରୋନା ରୋଗୀଙ୍କ ବାପା ଭୋପାଳରେ ରୁହନ୍ତି, ସେଠାରୁ ତାଙ୍କ ପୁଅ ସଂକ୍ରମିତ ହୋଇଛନ୍ତି। ଉଭୟ ମାମଲାରେ ବାହାରେ ରହୁଥିବା ଆକ୍ରାନ୍ତଙ୍କ ସମ୍ପର୍କୀୟ କରୋନା ପୋଜିଟିଭ ବୋଲି ଜଣାପଡିଛି।
ସେହିପରି ପୁରୀ ଜିଲ୍ଲାର ବ୍ୟକ୍ତି ଯିଏକି କରୋନା ଆକ୍ରାନ୍ତ ଅଛନ୍ତି ସେ ଭୁବନେଶ୍ୱରରେ ପୋଷ୍ଟମ୍ୟାନ ଭବେ କାର୍ଯ୍ୟ କରୁଛନ୍ତି। ଭୁବନେଶ୍ୱରର ବିଜେବି ନଗରରେ ଥିବା ପୋଷ୍ଟ ଅଫିସରେ ସେ କାମ କରୁଥିବା ବେଳେ ସେ ବିଜେବି ନଗର ଅଂଚଳ ରେ ଚିଠି ବାଣ୍ଟିଥିବା କଥା ବିଏମସି ଜାଣିବାକୁ ପାଇଛି। ଦୀଲ୍ଲିରୁ ଫେରିବା ପରେ ସେ କରୋନା ଆକ୍ରାନ୍ତ ହୋଇଥିଲେ। ବିଜେବି ନଗରରେ ବସବାସ କରୁଥିବା ଲୋକଙ୍କୁ ୧୦୪ରେ ନିଜ ନାମ ପଞ୍ଜିକରଣ କରିବା ସହ ନିଜେ ନିଜକୁ ହୋମ କ୍ୱାରେଣ୍ଟ।ଇନରେ ରହିବାକୁ ବିଏମସି କମିଶନର ପ୍ରେମଚନ୍ଦ୍ର ଚୌଧାରୀ କହିଛନ୍ତି।
