ସାମ୍ବାଦିକ ରାମହରି ମିଶ୍ରଙ୍କ ପରଲୋକ
3:11 amMay 26, 2019May 26, 2019 / 21

ଭୁବନେଶ୍ୱର,୨୬।୫(ବ୍ୟୁରୋ)- ବରିଷ୍ଠ ତଥା ଜଣାଶୁଣା ସାମ୍ବାଦିକ ରାମହରି ମିଶ୍ରଙ୍କ ଶନିବାର ପରଲୋକ ଘଟିଛି। ଭୁବନେଶ୍ୱରସ୍ଥିତ ଏକ ଘରୋଇ କ୍ଲିନିକରେ ସେ ଇହଧାମ ତ୍ୟାଗ କରିଛନ୍ତି। ତାଙ୍କୁ ୮୫ବର୍ଷ ବୟସ ହୋଇଥିଲା। ବାର୍ଦ୍ଧକ୍ୟଜନିତ ରୋଗରେ ସେ ପୀଡ଼ିତ ଥିଲେ। ଏକ ଗଣମାଧ୍ୟମ ଏଜେନ୍ସି ସହ କାମ କରୁଥିବା ମିଶ୍ର ପୂର୍ବରୁ ଆନନ୍ଦ ବଜାର ପତ୍ରିକା, ନ୍ୟାଶନାଲ ହେରାଲ୍ଡ ଭଳି ପ୍ରମୁଖ ଖବରକାଗଜ ଓ ଓଡ଼ିଆ ଖବରକାଗଜ କଳିଙ୍ଗ ସହ ଜଡ଼ିତ ଥିଲେ। ଦେଶର ଜରୁରିକାଳୀନ ସ୍ଥିତି ସମୟରେ ସେ ଗଣମାଧ୍ୟମର ସ୍ବାଧୀନତା ପାଇଁ କାମ କରୁଥିଲେ। ଗତବର୍ଷ ତାଙ୍କ ସ୍ତ୍ରୀଙ୍କ ଦେହାନ୍ତ ହୋଇଥିଲା।