ଝାରସୁଗୁଡା ଅଫିସ,୩୧।୩-କରୋନା ଭୂତାଣୁ ସଂକ୍ରମଣ ନ କରିବା ପାଇଁ ସବୁ ବେଳେ ସମାଜିକ ଦୂରତା ରକ୍ଷା କରିବା ସହ ସଫା ସୁତୁରା ରହିବାକୁ ପରାମର୍ଶ ଦିଆଯାଉଛି। ଝାରସୁଗୁଡା ଜିଲାପାଳଙ୍କ କାର୍ଯ୍ୟାଳୟରେ ମଙ୍ଗଳବାର ହୋଇଥିବା ବୈଠକରେ ଏହାକୁ ସ୍ବାସ୍ଥ୍ୟ ମନ୍ତ୍ରୀ ନବ କିଶୋର ଦାସ କଡାକଡି ଭାବେ ନିଜେ ପାଳନ କରୁଥିବା ଦେଖିବାକୁ ମିଳିଥିଲା। ବୈଠକରେ ବାରମ୍ବାର ସେ ନିଜ ପକେଟରୁ ସାନିଟାଇଜର ବୋତଲ ବାହାର କରି ହାତରେ ଲଗାଉଥିଲେ। ଏହା ସହିତ ନିଜ ସହିତ ଏକ ସାନିଟାଇଜ ମେଶିନ ଧରି ବୁଲୁଛନ୍ତି। ଯେଉଁଠି ସେ ବସୁଛନ୍ତି ସେଠାରେ ସାନିଟାଇଜର ମେସିନ ଦ୍ୱାରା ସାନିଟାଇଜ କରାଯାଉଛି। ବୈଦ୍ୟୁତିକ ଗଣମାଧ୍ୟମ ପ୍ରତିନିଧିଙ୍କୁ ପ୍ରତିକ୍ରିୟା ଦେବା ପୂର୍ବରୁ ସମସ୍ତ ବୁମ୍ଗୁଡିକୁ ସ୍ବାସ୍ଥ୍ୟମନ୍ତ୍ରୀଙ୍କ ଜଣେ ସହଯୋଗୀ ସାନିଟାଇଜ ମେସିନ ଦ୍ୱାରା ସ୍ପ୍ରେ କରିଥିଲେ।
