ମୁମ୍ବାଇ: ବଲିଉଡ୍ ନାୟକ ବରୁଣ ଧଓ୍ବନ ତାଙ୍କର ଅପ୍ କମିଂ ଫିଲ୍ମ ‘ଷ୍ଟ୍ରିଟ୍ ଡ୍ୟାନ୍ସର-୩’ର ନୂଆ ପୋଷ୍ଟର ଶେୟାର କରିଛନ୍ତି। ନିଜ ଇନଷ୍ଟାଗ୍ରାମ୍ ଆକାଉଣ୍ଟରେ ସେ ଏହି ପୋଷ୍ଟରଟି ଶେୟାର କରିବା ସହ ଫିଲ୍ମର ଟ୍ରେଲର ଡିସେମ୍ବର ୧୮ରେ ରିଲିଜ୍ ହେବ ବୋଲି ମଧ୍ୟ ସୂଚନା ଦେଇଛନ୍ତି। ‘ଏବିସିଡି’ପରେ ତାଙ୍କର ଏହି ଫିଲ୍ମକୁ ଅପେକ୍ଷା ରଖିଛନ୍ତି ପ୍ରଶଂସକ। ରେମୋ ଡିସୋଜାଙ୍କ ନୃତ୍ୟ ନିର୍ଦ୍ଦେଶନାରେ ଫିଲ୍ମଟି ଡ୍ୟାନ୍ସରେ ଭରପୁର ହୋଇଥିବ ବୋଲି ଦର୍ଶକେ ଆଶା ରଖିଛନ୍ତି। ଆସନ୍ତା ବର୍ଷ ଜାନୁୟାରୀ ୨୪ରେ ଏହା ପରଦାକୁ ଆସିବାକୁ ଥିବା ବେଳେ ଏଥିରେ ବରୁଣଙ୍କ ବ୍ୟତୀତ ଶ୍ରଦ୍ଧା କପୁର, ପ୍ରଭୁ ଦେବା ଓ ନୋରା ଫତେହି ଲିଡ୍ ରୋଲରେ ଅଛନ୍ତି।
