ଦେବଗଡ଼,୧।୩(ଡି.ଏନ.ଏ)-ଦେବଗଡ଼ ଜିଲା ରିଆମାଳ ବ୍ଲକ ଆଡସ ପଞ୍ଚାୟତ ଅନ୍ତର୍ଗତ ନବଡିହି କରଡାପାଲ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷକ ନିଯୁକ୍ତି ଦାବିରେ ବିଦ୍ୟାଳୟ ପରିଚାଳନା କମିଟି ସଭାପତି ବସନ୍ତ କୁମାର ବିଶ୍ୱାଳଙ୍କ ନେତୃତ୍ୱରେ ତିନିଦିନ ହେଲାଣି ବିଦ୍ୟାଳୟ ଫାଟକରେ ତାଲା ପଡିଛି। ଶନିବାର ବନ୍ଦ ଆନ୍ଦୋଳନ ଓ ଗଣଧାରଣା ତୃତୀୟ ଦିବସରେ ପହଞ୍ଚିଛି। ଏହି ଆନ୍ଦୋଳନରେ ନବଡିହି, ଅଁଳାକୁଳି, ଝରଝରିଖୋଲ, ରତାଖଣ୍ଡି, ଚାଙ୍ଗୁଡିଆ,ବାଇଲଡିହି ଓ ମାଳିଚୂଆ ଗ୍ରାମର ଶତାଧିକ ଅଭିଭାବକ ଓ ଗ୍ରାମବାସୀ ଅଂଶଗ୍ରହଣ କରିଛନ୍ତି। ଅଞ୍ଚଳବାସୀଙ୍କ ଦାବିପୂରଣ ପାଇଁ ଶିକ୍ଷା ବିଭାଗ କର୍ତ୍ତୃପକ୍ଷ କୌଣସି ଠୋସ ପଦକ୍ଷେପ ଗ୍ରହଣ କରିବା ପରିବର୍ତ୍ତେ ହାତବାନ୍ଧି ବସିଛି ା ଫଳରେ ବିଦ୍ୟାଳୟର ଛାତ୍ରୀଛାତ୍ରମାନଙ୍କର ଭବିଷ୍ୟତର ସୁରକ୍ଷା ନେଇ ଅଭିଭାବକ ଓ ଅଞ୍ଚଳବାସୀଙ୍କ ମଧ୍ୟରେ ନାନା ପ୍ରଶ୍ନବାଚୀ ସୃଷ୍ଟି ହୋଇଛି ା ଏଠାରେ ସୂଚନା ଯୋଗ୍ୟ ଯେ, ବିଦ୍ୟାଳୟରେ ଆବଶ୍ୟକ ସଂଖ୍ୟକ ଶିକ୍ଷକ ନିଯୁକ୍ତି ସମେତ ବିଦ୍ୟାଳୟରେ ରହିଥିବା ବିଭିନ୍ନ ସମସ୍ୟାର ସମାଧାନ ଦାବିରେ ଗୁରୁବାର ପୂର୍ବାହ୍ନରୁ ସମ୍ପୃକ୍ତ ଅଞ୍ଚଳବାସୀ ବିଦ୍ୟାଳୟ ପରିଚାଳନା କମିଟି ସଭାପତି ବସନ୍ତ କୁମାର ବିଶ୍ୱାଳଙ୍କ ନେତୃତ୍ୱରେ ବିଦ୍ୟାଳୟର ମୁଖ୍ୟ ଫାଟକରେ ତାଲା ପକାଇ ବସିରହିଥିଲେ ା ଫଳରେ ଉକ୍ତ ବିଦ୍ୟାଳୟରେ ଶିକ୍ଷାଦାନ ସମ୍ପୂର୍ଣ୍ଣ ବନ୍ଦ ରହିଥିଲା। ମାତ୍ର ସନ୍ଧ୍ୟା ପଯର୍ୟନ୍ତ ଶିକ୍ଷା ବିଭାଗର କୌଣସି ଅଧିକାରୀ କିମ୍ବା କର୍ମଚାରୀ ସେଠାକୁ ନ ଯିବାରୁ ସନ୍ଧ୍ୟରେ ଗ୍ରାମବାସୀ ନିଜ ଘରକୁ ଫେରି ଯାଇଥିଲେ ା ତେବେ ଶୁକ୍ରବାର ଓ ଶନିବାର ପୂର୍ବାହ୍ନରୁ ପୁଣି ଥରେ ଉପରୋକ୍ତ ଦାବିରେ ବିଦ୍ୟାଳୟର ମୁଖ୍ୟ ଫାଟକ ସମ୍ମୁଖରେ ବସିରହିବା ସହ ପୁଣିଥରେ ବିଦ୍ୟାଳୟ ମୁଖ୍ୟ ଫାଟକରେ ତାଲା ପକାଇଥିଲେ। ଫଳରେ ଛାତ୍ରୀଛାତ୍ର ଶିକ୍ଷାଲାଭରୁ ବଞ୍ଚିତ ରହିଛନ୍ତି ା ଅନ୍ୟ ପକ୍ଷରେ ପରିଚାଳନା କମିଟି ଓ ଗ୍ରାମବାସୀଙ୍କ ଦାବି ପୂରଣ ନ ହେବା ଯାଏଁ ଆନ୍ଦୋଳନ ଜାରି ରହିବ ବୋଲି ଆନ୍ଦୋଳନକାରୀ ମାନେ ନିଜ ଜିଦରେ ଅଟଳ ରହିଥିବା ଜଣା ପଡିଛି ା ସୂଚନାଯୋଗ୍ୟ ଯେ, ଗ୍ରାମବାସୀ ନବଡିହି କରଡାପାଲ ଉନ୍ନିତ ପ୍ରାଥମିକ ବିଦ୍ୟାଳୟରେ ଆବଶ୍ୟକ ସଂଖ୍ୟକ ଶିକ୍ଷକ ନିଯୁକ୍ତି ପାଇଁ ପୂର୍ବରୁ ଅନେକଥର ଶିକ୍ଷା ବିଭାଗ ନିକଟରେ ଗୁହାରୀ କରିଥିଲେ। ମାତ୍ର କୌଣସି ସୁଫଳ ନମିଳିବାରୁ ଏନେଇ ଜିଲାପାଳଙ୍କ ଅଭିଯୋଗ ପ୍ରକୋଷ୍ଠର ଦ୍ୱାରସ୍ଥ ହୋଇ ସମସ୍ୟାର ସମଧାନ ପାଇଁ ନିବେଦନ କରିଥିଲେ ା ଏଥିସହ ଫେବୃୟାରୀ ୨୬ତାରିଖ ମଧ୍ୟରେ ବିଦ୍ୟାଳୟରେ ଶିକ୍ଷକ ନିଯୁକ୍ତି ସହ ଅନ୍ୟାନ୍ୟ ସମସ୍ୟାର ସମାଧାନ ନହେଲେ ୨୭ତାରିଖ ଠାରୁ ବିଦ୍ୟାଳୟରେ ଅନିର୍ଦ୍ଧିଷ୍ଟ କାଳ ପାଇଁ ତାଲା ପକାଇବେ ବୋଲି ଲିଖିତ ଚେତାବନୀ ଦେଇଥିଲେ ା ଏହାସତ୍ତ୍ୱେ ସେମାନଙ୍କର ଦାବି ପୂରଣ ନ ହେବାରୁ ପୂର୍ବ ନିର୍ଦ୍ଧାରିତ କାଯର୍ୟକ୍ରମ ଅନୁଯାୟୀ ଅଞ୍ଚଳବାସୀ ବିଦ୍ୟାଳୟ ଫାଟକରେ ତାଲା ପକାଇ ଧାରଣାରେ ବସି ରହିଛନ୍ତି ା
