ଲେହ୍,୧୫-୯: ଭାରତୀୟ ଷ୍ଟେଟ୍ ବ୍ୟାଙ୍କ(ଏସ୍ବିଆଇ) କ୍ରମାଗତ ନିଜର ସୁବିଧା ବଢ଼ାଇବା ସହିତ ସୁଦୂର କ୍ଷେତ୍ରରେ ଉପସ୍ଥିତି ଜାହିର କରିବାରେ ଲାଗିଛି। ଏହି କ୍ରମରେ ଲଦାଖର ଲେହ୍ରେ ଏକ ବ୍ରାଞ୍ଚ ଖୋଲିଛି। ଏସ୍ବିଆଇ ଅଧ୍ୟକ୍ଷ ରଜନୀଶ କୁମାର ଲେହ୍ ଜିଲ୍ଲାର ନୁବ୍ରା ଉପତ୍ୟକାର ଦିସ୍କିତ୍ ଗାଁରେ ୧୪ତମ ବ୍ରାଞ୍ଚକୁ ଉଦ୍ଘାଟନ କରିଛନ୍ତି। ଏହି ଗାଁ ସମୁଦ୍ର ପତ୍ତନଠାରୁ ପ୍ରାୟ ୧୦,୩୧୦ଫୁଟ ଉଚ୍ଚରେ ଅବସ୍ଥିତ। ଜମ୍ମୁ-କଶ୍ମୀରରୁ ୩୭୦ ଅନୁଚ୍ଛେଦ ଉଚ୍ଛେଦ ପରେ ଏସ୍ବିଆଇ ପକ୍ଷରୁ ପ୍ରଥମ ବ୍ରାଞ୍ଚ ସ୍ଥାପନ କରାଯାଇଛି। ଏହି ଗଁାରେ ପ୍ରାୟ ୧୭୬୦ ଜଣ ବସବାସ କରୁଛନ୍ତି। ନୂଆ ବ୍ରାଞ୍ଚ ଖୋଲିବା ପରେ ଏହି ଗ୍ରାମବାସୀମାନେ ବ୍ୟାଙ୍କିଙ୍ଗ୍ ଓ ଆର୍ଥିକ ସେବା ସହଜରେ ପାଇପାରିବେ।
