ବରଗଡ଼ ଅଫିସ୍,୨୧।୪: ଘାତକ କରୋନା(କୋଭିଡ୍-୧୯) ଭୂତାଣୁ ସଂକ୍ରମଣକୁ ପ୍ରତିହତ କରିବା ପାଇଁ ଦେଶବ୍ୟାପୀ ଲକ୍ ଡାଉନ୍ କଟକଣା ଲାଗୁ ହୋଇଛି । ଏହି କ୍ରମରେ ବରଗଡ଼ ଜିଲାରେ ଏହି କଟକଣାର କାର୍ଯ୍ୟକାରିତାକୁ ଜିଲା ପୋଲିସ, ପ୍ରଶାସନ ଗୁରୁତ୍ୱର ସହିତ ନେଇଛି । ମୁହଁରେ ମାସ୍କ, ରୁମାଲ କିମ୍ବା ଗାମୁଛା ବାନ୍ଧିବା ସହିତ ସାମାଜିକ ଦୂରତ୍ୱ ଅବଲମ୍ବନ କରିବାକୁ ପରାମର୍ଶ ଦିଆଯାଉଛି । ଏହାକୁ ଯେଉଁମାନେ ଉଲ୍ଲଂଘନ କରୁଛନ୍ତି ସେମାନଙ୍କଠାରୁ ପୋଲିସ ନିର୍ଦ୍ଧାରିତ ମତେ ଜୋରିମାନା ଅସୁଲି କରୁଛି । ଇତିମଧ୍ୟରେ ୨୪୫ଜଣ ଅମାନିଆଙ୍କଠାରୁ ପୋଲିସ ମୋଟ୍ ୪୯ହଜାର ୩୦୦ ଟଙ୍କା ଜୋରିମାନା ଆଦାୟ କରିଛି । ସେଥିମଧ୍ୟରୁ ମାସ୍କ ପିନ୍ଧି ନ ଥିବା ୨୪୪ଜଣଙ୍କଠାରୁ ୪୮ହଜାର ୮୦୦ଟଙ୍କା ଏବଂ ଲକ୍ ଡାଉନ ସମୟରେ ଦୋକାନ ଖୋଲିଥିବା ଯୋଗୁ ଆଉଜଣଙ୍କଠାରୁ ୫୦୦ ଟଙ୍କା ଜୋରିମାନା ଆଦାୟ ହୋଇଛି ।
