ବିଶାଖାପାଟନା,୨।୧୦: ପ୍ରଥମଥର ପାଇଁ ଟେଷ୍ଟରେ ଓପନିଂ କରୁଥିବା ରୋହିତ ଶର୍ମା ଦକ୍ଷିଣ ଆଫ୍ରିକା ବିପକ୍ଷରେ ଦମଦାର୍ ବ୍ୟାଟିଂ କରିଛନ୍ତି। ପ୍ରଥମ ଟେଷ୍ଟର ପ୍ରଥମ ଦିନରେ ରୋହିତ ଟେଷ୍ଟରେ ୪ର୍ଥ ଶତକ ହାସଲ କରିଛନ୍ତି। ସେହିପରି ଅନ୍ୟତମ ଓପନର୍ ମୟଙ୍କ ଅଗ୍ରୱାଲ ୭୬ ରନ କରି କ୍ରିଜ୍ରେ ଅଛନ୍ତି। ଫଳରେ ଭାରତର ସ୍କୋର ୫୪ ଓଭରରେ ବିନା କୌଣସି ଉଇକେଟ୍ ହରାଇ ୧୭୮ ରନ୍ କରିଛି। ଅଧିନାୟକ ବିରାଟ କୋହଲି ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲେ। ତେବେ ମ୍ୟାଚର ପ୍ରଥମ ଅଧଘଣ୍ଟା ଦକ୍ଷିଣ ଆଫ୍ରିକାର ଦୁଇ ଦ୍ରୁତ ବୋଲର ଭେର୍ନନ ଫିଲାଣ୍ଡର ଓ କାଗିସୋ ରବାଡା ନିଜର ବୋଲିଂ ବଲରେ ରୋହିତ ଓ ମୟଙ୍କଙ୍କୁ ବାନ୍ଧି ରଖିଥିଲେ। ବିଶେଷ କରି ରୋହିତ ଶର୍ମା ଦକ୍ଷିଣ ଆଫ୍ରିକା ବୋଲରଙ୍କୁ କଡା ପ୍ରହାର କରିଥିଲେ।
