କଟକ ଅଫିସ,୧୯ା୧୨- ଏସ୍ସିବି ମେଡିକାଲ ସମେତ ରାଜ୍ୟର ୧୩ଟି ସ୍ବାସ୍ଥ୍ୟ ଅନୁଷ୍ଠାନକୁ ଅଙ୍ଗ ପ୍ରତ୍ୟାରୋପଣ ନିମନ୍ତେ ମେଡିକାଲ ଶିକ୍ଷା ଓ ତାଲିମ ନିର୍ଦ୍ଦେଶକ(ଡିଏମ୍ଇଟି)ଙ୍କ ପକ୍ଷରୁ ଅନୁମତି ପ୍ରଦାନ କରାଯାଇଛି। ଏହି କେନ୍ଦ୍ରଗୁଡ଼ିକୁ ଅର୍ଗାନ ହାର୍ଭେଷ୍ଟିଂ ସେଣ୍ଟର ଭାବେ ମାନ୍ୟତା ଦିଆଯାଇଛି। ଏହି ସ୍ବାସ୍ଥ୍ୟ ଅନୁଷ୍ଠାନଗୁଡ଼ିକ ମଧ୍ୟରେ ଏସ୍ସିବିକୁ କିଡ୍ନୀ ଓ ଚକ୍ଷୁ ପ୍ରତ୍ୟାରୋପଣ ଅନୁମତି ମିଳିଥିବାବେଳେ ବ୍ରହ୍ମପୁରକୁ ଚକ୍ଷୁ, ବୁର୍ଲାକୁ ଚକ୍ଷୁ, କଳିଙ୍ଗ ହସ୍ପିଟାଲକୁ କିଡ୍ନୀ, ଆପୋଲୋକୁ କିଡ୍ନୀ, ଆମ୍ରିକୁ କିଡ୍ନୀ ଓ କର୍ନିଆ, କିମ୍ସକୁ କିଡ୍ନୀ, ହାଇଟେକ୍ ମେଡିକାଲକୁ କିଡ୍ନୀ, ଭୁବନେଶ୍ୱରର ଆଇଏମ୍ଏସ୍କୁ ଚର୍ମ ଓ ଚକ୍ଷୁ, କେୟାର ହସ୍ପିଟାଲକୁ କିଡ୍ନୀ, ଭୁବନେଶ୍ୱରର ଏଲ୍.ଭି.ପି. ଆଇ ଇନ୍ଷ୍ଟିଚ୍ୟୁଟକୁ କର୍ନିଆ, ଭୁବନେଶ୍ୱରର ଦୃଷ୍ଟିଦାନକୁ ଚକ୍ଷୁ ଓ ରାଉରକେଲାର ଇସ୍ପାତ ଦୃଷ୍ଟିଦାନକୁ ଚକ୍ଷୁ, ଆଇ ବ୍ୟାଙ୍କକୁ ଚକ୍ଷୁ ପ୍ରତ୍ୟାରୋପଣ ଅନୁମତି ପ୍ରଦାନ କରାଯାଇଛି।
