ରାଜ୍ୟରେ କୁକୁଡ଼ା ଚାଷ ପ୍ରଭାବିତ

ଭୁବନେଶ୍ୱର, ୨୯।୨ (ବ୍ୟୁରୋ): ଗତ ତିନିବର୍ଷ ହେଲା ରାଜ୍ୟର କୁକୁଡା ଚାଷ ଉପରେ ବାର୍ଡ ଫ୍ଲୁ ଦାଉ ସାଧୁଛି। ଏଥିଯୋଗୁ ଚାଷୀମାନେ ବ୍ୟାପକ କ୍ଷତି ସହୁଛନ୍ତି। ସୂଚନାନୁଯାୟୀ, ରାଜ୍ୟର ୪ ପ୍ରମୁଖ ଉପକୂୂଳବର୍ତ୍ତୀ ଜିଲା ଜଗତ୍‌ସିଂହପୁର, ପୁରୀ, କଟକ ଓ ଖୋର୍ଦ୍ଧାରେ ଲଗାତର ଭାବେ ବାର୍ଡ ଫ୍ଲୁ ପରିଲକ୍ଷିତ ହେଉଛି। ୨୦୧୭-୧୮ ବର୍ଷରେ ଜଗତ୍‌ସିଂହପୁର ଜିଲାର ପାରାଦୀପସ୍ଥିତ ଷଣ୍ଢକୁଦ ଓ ବଡ଼ପଡ଼ିଆ ଅଞ୍ଚଳରେ ବାର୍ଡ ଫ୍ଲୁ ପରିଲକ୍ଷିତ ହୋଇଥିଲା। ସେତେବେଳେ ସର୍ତକତା ପାଇଁ ୧୮୨୩ କୁକୁଡ଼ା ମରାଯିବା ସହ ୨୦ହଜାରରୁ ଅଧିକ ଅଣ୍ଡା ନଷ୍ଟ ହୋଇଥିଲା। ଏଥିପାଇଁ ୨୦୪ଜଣ କୁକୁଡା ଚାଷୀଙ୍କୁ ୨ଲକ୍ଷ ୨୦ହଜାର ଟଙ୍କା କ୍ଷତିପୂରଣ ବାବଦରେ ପ୍ରଦାନ କରାଯାଇଥିଲା। ସେହିପରି ୨୦୧୮-୧୯ବର୍ଷରେ ପୁରୀର କୃଷ୍ଣପ୍ରସାଦ ଓ କଟକର ସହରାଞ୍ଚଳରେ ବାର୍ଡ ଫ୍ଲୁ ପରିଲକ୍ଷିତ ହୋଇଥିଲା। ଏଥିପାଇଁ ସେତେବେଳେ କେବଳ କୃଷ୍ଣପ୍ରସାଦ ବ୍ଲକର ବ୍ରାହ୍ମଣଦେଓ ଗାଁରେ ୧୦,୫୮୬ କୁକୁଡ଼ାଙ୍କୁ ମରାଯାଇଥିଲା। ଚାଷୀମାନଙ୍କୁ କ୍ଷତିପୂରଣ ବାବଦରେ ୪ଲକ୍ଷରୁ ଅଧିକ ଟଙ୍କା ମିଳିଥିଲା। ଏହାଛଡା ସେହି ବ୍ଲକର ପଥରଗଞ୍ଜ ଓ ବୁଢ଼ିବର, ମାଲୁଦ, କହ୍ନେଇପୁର, ଏପିଙ୍ଗ, ନନ୍ଦଳା, ନବ, କଣ୍ଟାବଣିଆ, ନୂଆଗାଁ ଓ ଉଦୟଗିରି ଅଞ୍ଚଳରେ ମଧ୍ୟ ବ୍ୟାପକ କୁକୁଡ଼ା ମରାଯାଇଥିଲା। ସେହିବର୍ଷ କଟକ ସହରାଞ୍ଚଳରେ ଥିବା ସରକାରୀ ବତକ ପ୍ରଜନନ କେନ୍ଦ୍ରରେ ବାର୍ଡ ଫ୍ଲୁ ଆଶଙ୍କାରେ ୬୮୯ ବତକଙ୍କୁ ମରାଯାଇଥିଲା। ଚଳିତ ଆର୍ଥିକ ବର୍ଷରେ ଭୁବନେଶ୍ୱର ପୌରାଞ୍ଚଳରେ ବାର୍ଡ ଫ୍ଲୁ ପରିଲକ୍ଷିତ ହୋଇଥିଲା। ଓୟୁଏଟି କୁକୁଡ଼ା ଫାର୍ମରେ ଏହି ବାର୍ଡ ଫ୍ଲୁ ହୋଇଥିଲା। ହଜାରେରୁ ଅଧିକ କୁକୁଡ଼ା ମରାଯାଇଥିବାବେଳେ ୩୮ହଜାର ଅଣ୍ଡା ନଷ୍ଟ ହୋଇଥିଲା। କୁକୁଡ଼ା ଓ ଅଣ୍ଡା ବାବଦରେ ଚାଷୀଙ୍କୁ ୨୬ହଜାର ଟଙ୍କାର କ୍ଷତିପୂରଣ ମିଳିଥିଲା। ବାର୍ଡ ଫ୍ଲୁ ଯୋଗୁ ସମ୍ପୃକ୍ତ ଅଞ୍ଚଳ ଓ ଏହାର ଆଖପାଖରେ କୁକୁଡ଼ା ମାଂସ ଓ ଅଣ୍ଡା କାରବାର ବନ୍ଦ ରହିଥିଲା। ପ୍ରାୟ ମାସକ ପରେ ସରକାର ବାର୍ଡ ଫ୍ଲୁ ଜନିତ କଟକଣା ଉଠାଇ ଦେଇଛନ୍ତି।
ଗୋଟିଏ ପଟେ ରାଜ୍ୟର ଅଣ୍ଡା ଉତ୍ପାଦନ କରୁଥିବା କୁକୁଡ଼ାଚାଷୀମାନେ ବାହାର ରାଜ୍ୟର ବ୍ୟବସାୟୀଙ୍କ ଚକ୍ରାନ୍ତର ଶିକାର ହେଉଥିବାବେଳେ ଅନ୍ୟପଟେ ବାର୍ଡ ଫ୍ଲୁ ଯୋଗୁ କୁକୁଡ଼ା ଚାଷୀ ଗୁରୁତର କ୍ଷତିର ସମ୍ମୁଖୀନ ହେଉଛନ୍ତି। ଏ ସମ୍ପର୍କରେ ଅଲ ଓଡ଼ିଶା ଲେୟାର ଫାର୍ମର୍ସ ଆସୋସିଏଶନ ସାଧାରଣ ସମ୍ପାଦକ ସରୋଜ କୁମାର ପାତ୍ର କୁହନ୍ତି, କୌଣସି ଏକ ନିର୍ଦ୍ଦିଷ୍ଟ ଅଞ୍ଚଳରେ ବାର୍ଡ ଫ୍ଲୁ ଚିହ୍ନଟ ହେଲେ ରାଜ୍ୟରେ ପ୍ରାୟ ଲୋକେ କୁକୁଡ଼ା ମାଂସ ଓ ଅଣ୍ଡା ଖାଇବାକୁ ଭୟ କରନ୍ତି। ଏପର୍ଯ୍ୟନ୍ତ ଯେତେଥର ବାର୍ଡ ଫ୍ଲୁ ଚିହ୍ନଟ ହୋଇଛି ସେଥିରେ କୌଣସି କାଜୁଆଲଟି ହୋଇନାହିଁ। ଭାରତରେ ଯେଉଁ ରୋଷେଇ ପ୍ରଣାଳୀ ରହିଛି ସେଥିରେ କୌଣସି ଡିସ୍‌ ୪୦/୫୦ ଡିଗ୍ରୀ ତାପମାତ୍ରା ତଳକୁ ପ୍ରସ୍ତୁତ ହେଉନାହିଁ। ଯେତେବେଳେ ବି ବାର୍ଡ ଫ୍ଲୁ ଚିହ୍ନଟ ହୋଇଛି, ତାହା କିଛି ସମୟ ପାଇଁ ହେଉଛି। ସେ ସମୟରେ ତାକୁ ରୋକିବା ପାଇଁ ପ୍ରାକ୍‌ ସାବଧାନତା ଆପଣାଯାଉଛି। କିନ୍ତୁ ଲୋକମାନଙ୍କ ଏ ଦିଗରେ ଜ୍ଞାନ ନାହିଁ। ସଚେତନତା ଅଭାବରୁ ଲୋକେ କୁକୁଡ଼ା ମାଂସ ଓ ଅଣ୍ଡା ଖାଇବାକୁ ଭୟ କରୁଛନ୍ତି। ଏହାଛଡ଼ା ବାର୍ଡ ଫ୍ଳୁ ହେଲେ ସୋସିଆଲ ମିଡିଆରେ ଏଭଳି ପ୍ରଚାର ହେଉଛି ଯେ, ଲୋକେ ଖାଇବାକୁ ଡରୁଛନ୍ତି। ସର୍ବୋପରି କହିବାକୁ ଗଲେ ବାର୍ଡ ଫ୍ଲୁ ସମୟରେ ଆମର ବହୁତ କ୍ଷତି ହୋଇଥାଏ। ଲୋକଙ୍କୁ ସଚେତନ କରିବା ପାଇଁ ଆମ ସଂଘ ପକ୍ଷରୁ ଚେଷ୍ଟା କରାଯାଉଛି। ନିକଟରେ ସଂଘ ପକ୍ଷରୁ ଗଞ୍ଜାମ ଜିଲାର ହିଞ୍ଜିଳିକାଟୁରେ ମାଗଣାରେ କୁକୁଡ଼ା ମାଂସ ଓ ଅଣ୍ଡା ଦିଆଯାଇଥିଲା। ଲୋକଙ୍କ ମନରୁ ଏହି ଭୟ ଦୂର ହୋଇଥିବା ଜଣାପଡ଼ିଥିଲା।


Enter your email to get our daily news in your inbox.

All Right Reserved By Dharitri.Com

ଆଜି ବି ୬ ହଜାର ଉପରେ ରହିଛି ଆକ୍ରାନ୍ତଙ୍କ ସଂଖ୍ୟା: ଖୋର୍ଦ୍ଧାରୁ ସର୍ବାଧିକ

ଭୁବନେଶ୍ୱର,୨୯।୪(ବ୍ୟୁରୋ): ରାଜ୍ୟରେ କରୋନା ମହାମାରୀ ପ୍ରତିଦିନ ରେକର୍ଡ ଭାଙ୍ଗୁଛି। ଗୁରୁବାର ରାଜ୍ୟରେ ୬୯୯୮ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଅପରପକ୍ଷେ, ଲଗାତାର କିଛି ଦିନ ଧରି...

ରତ୍ନଭଣ୍ଡାର ଖୋଲିବାକୁ ଦାବି କଲା ଯୁବ କଂଗ୍ରେସ

ପୁରୀ ଅଫିସ,୩୧ା୧୨: ଶ୍ରୀମନ୍ଦିର ଭିତର ରତ୍ନଭଣ୍ଡାର ଖୋଲିବାକୁ ଦାବି କରିଛି ପୁରୀ ଲୋକସଭା ଯୁବ କଂଗ୍ରେସ। ଏ ସଂକ୍ରାନ୍ତରେ ସୋମବାର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲାପାଳଙ୍କୁ ଦାବିପତ୍ର...

ପଣ୍ୟ ପରିବହନରେ ରେଳପଥର ରିହାତି ଘୋଷଣା

ଭୁବନେଶ୍ୱର,୧୦।୭ (ବ୍ୟୁରୋ): ପଣ୍ୟ ପରିବହନ କ୍ଷେତ୍ରରେ ପ୍ରୋତ୍ସାହନ ଦେବାକୁ ଭାରତୀୟ ରେଳପଥ ପକ୍ଷରୁ ରିହାତି ଘୋଷଣା କରାଯାଇଛି। ସ୍ବଳ୍ପ ଓ ଅଧିକ ଦୂରତ୍ୱ ପଣ୍ୟ ପରିବହନ...

ଖୁବ୍‌ଶୀଘ୍ର ଆରମ୍ଭ ହେବ କେନ୍ଦୁପତ୍ର, ଜଙ୍ଗଲଜାତ ଦ୍ରବ୍ୟ ସଂଗ୍ରହ

ଭୁବନେଶ୍ୱର,୧୫।୪(ବ୍ୟୁରୋ): କରୋନା ଭୂତାଣୁ ସଂକ୍ରମଣକୁ ହ୍ରାସ କରିବା ପାଇଁ ସାରା ରାଜ୍ୟରେ ଲକ୍‌ଡାଉନ ବଳବତ୍ତର ରହିଛି। ହେଲେ ଏହାଯୋଗୁ ବିଭିନ୍ନ ଅର୍ଥନୈତିକ କାରବାର ବାଧାପ୍ରାପ୍ତ ହୋଇଛି।...

ରାଜ୍ୟରେ ଆଉ ୨ ଜଣଙ୍କ ଜୀବନ ନେଲା କରୋନା

ଭୁବନେଶ୍ୱର,୨୪।୧୨(ବ୍ୟୁରୋ): ରାଜ୍ୟରେ ଶୁକ୍ରବାର କରୋନା ଆଉ ୨ ଜଣଙ୍କ ଜୀବନ ନେଇଛି। ଏଥିସହ ରାଜ୍ୟରେ ମୋଟ ମୃତ୍ୟୁ ସଂଖ୍ୟା ୮ ହଜାର ୪୫୦ କୁ ବୃଦ୍ଧି...

କେନ୍ଦୁଝରରୁ ଉଦ୍ଧାର କଲା ପୋଲିସ: ବାଳସୁଧାର ଗୃହକୁ ନେବା ବେଳେ ନାବାଳକ ଫେରାର

କେନ୍ଦୁଝର/ରାଉରକେଲା ଅଫିସ,୧୩।୧୨(ସ୍ବ.ପ୍ର.):କେନ୍ଦୁଝରରୁ ରାଉରକେଲାସ୍ଥିତ ଜୁଭେନାଇଲ ହୋମକୁ ପଠାଯାଉଥିବା ୯ନାବାଳକଙ୍କ ମଧ୍ୟରୁ ଜଣେ ବସ୍‌ରୁ ଅଧାରାସ୍ତାରେ ଫେରାର ହୋଇଯାଇଥିଲେ। କୋହଳ ସୁରକ୍ଷା ବ୍ୟବସ୍ଥାରେ ସେମାନଙ୍କୁ ନିଆଯାଉଥିବା ବେଳେ...

ଅଧ୍ୟାପକଙ୍କ ଘରେ ଭିଜିଲାନ୍ସ ଚଢାଉ

ଝାରସୁଗୁଡା ଅଫିସ, ୨୦।୭ ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଭବାନୀପାଟଣା ସରକାରୀ ପଲିଟେକନିକ କଲେଜର ମେକାନିକାଲ ଅଧ୍ୟାପକ ସୂର୍ଯ୍ୟ ନାରାୟଣ ରାୟଙ୍କ ଝାରସୁଗୁଡା ଘର...

ଆଜି ମୁଖ୍ୟମନ୍ତ୍ରୀଙ୍କ ଦିଲ୍ଲୀ ଗସ୍ତ

ଭୁବନେଶ୍ୱର,୬।୮(ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶନିବାର ଦିଲ୍ଲୀ ଗସ୍ତ କରିବେ। ସକାଳ ୧୦ଟା ୧୫ରେ ଭୁବନେଶ୍ୱର ବିମାନବନ୍ଦରରୁ ଦିଲ୍ଲୀ ଅଭିମୁଖେ ବାହାରିବେ ବୋଲି ଜଣାପଡିଛି। ତେବେ...

Advertisement
Archives

Model This Week