ମାର୍ଶାଘାଇ, ୩।୪ (ଡି.ଏନ୍.ଏ.): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ବଡ଼କୁଳ ଗ୍ରାମର ଜନୈକା ବୃଦ୍ଧା ଯନ୍ତ୍ରଣା ସହି ନ ପାରି ଶୁକ୍ରବାର ଜୀବନ ହାରିଛନ୍ତି। ସେ ହେଲେ କୂଳମଣି ଲେଙ୍କାଙ୍କ ସ୍ତ୍ରୀ ପ୍ରେମଲତା ଲେଙ୍କା। ଶୁକ୍ରବାର ତାଙ୍କ ମୃତ ଶରୀର ନିକଟସ୍ଥ ବିଲ ମଧ୍ୟରୁ ଜଳନ୍ତା ଅବସ୍ଥାରେ ଉଦ୍ଧାର କରାଯାଇଛି।
ସୂଚନା ଅନୁଯାୟୀ, ପ୍ରେମଲତା ବହୁଦିନ ହେବ ଶ୍ୱାସ ଓ ମେରୁଦଣ୍ଡ ଯନ୍ତ୍ରଣାରେ ପୀଡ଼ିତ ଥିଲେ। ବୟସ ଅନୁଯାୟୀ ଯନ୍ତ୍ରଣା ବଢ଼ି ଚାଲିଥିଲା। ଏଥିସହ ସେ ମାନସିକ ବିକାରଗ୍ରସ୍ତ ଥିବା ମଧ୍ୟ କୁହାଯାଉଛି। ତେବେ ନିଜ ଯନ୍ତ୍ରଣା ସହି ନ ପାରି ପ୍ରେମଲତା ଦେହର ନିଆଁ ଲଗାଇ ଆତ୍ମହତ୍ୟା କରିଥିବା ଜଣାପଡ଼ିଛି। ମାର୍ଶାଘାଇ ପୋଲିସ ମୃତଦେହ ଜବତକରି ବ୍ୟବଚ୍ଛେଦ ପାଇଁ ଜିଲା ମୁଖ୍ୟ ଚିକିତ୍ସାଳୟକୁ ପଠାଇଛି। ଏ ନେଇ ଥାନାରେ ଏକ ଅପମୃତ ମାମଲା (ନଂ.୯/୨୦) ରୁଜୁ ହୋଇଛି।
