ମେଲବୋର୍ନ,୧୪।୭- ଅଲରାଉଣ୍ଡର ଗ୍ଲେନ ମ୍ୟାକ୍ସଓ୍ବେଲ ଓ ମାର୍କସ ଷ୍ଟୋଇନିସ ଇଣ୍ଟ୍ରୋ ଅଷ୍ଟ୍ରେଲିଆ ମୁକାବିଲା ଲାଗି ଘୋଷିତ ୨୫ ଜଣିଆ ଦଳରୁ ବାଦ୍ ପଡ଼ିଛନ୍ତି। ଉକ୍ତ ମୁକାବିଲାରୁ ଆଶେସ ସିରିଜ୍ ପାଇଁ ଟିମ୍ ପାଇନଙ୍କ ଦଳ ସ୍ପଷ୍ଟ ହେବ। ଉଭୟ ମ୍ୟାକ୍ସଓ୍ବେଲ ଓ ଷ୍ଟୋଇନିସ ଚଳିତ ବିଶ୍ୱକପ୍ରେ ଆଖିଦୃଶିଆ ପ୍ରଦର୍ଶନ କରିପାରି ନ ଥିଲେ। ଫଳରେ ଦୁଇ ଅଲରାଉଣ୍ଡରଙ୍କୁ ପ୍ରବଳ ସମାଲୋଚନାର ଶିକାର ହେବାକୁ ପଡ଼ିଥିଲା। ସମ୍ଭାବ୍ୟ ଦଳରେ ବିଶ୍ୱକପ୍ର ୭ ଓ ଅଷ୍ଟ୍ରେଲିଆ ଏ’ ଦଳର ୧୫ ଜଣଙ୍କ ସହ କାଉଣ୍ଟି କ୍ରିକେଟ ଖେଳିଥିବା ପିଟର ସିଡଲ, କାମେରନ ବାନକ୍ରାଫ୍ଟ ଓ ମାର୍ନୁସ ଲାବୁସ୍କାଗ୍ନେଙ୍କୁ ସାମିଲ କରାଯାଇଛି। ଆସନ୍ତା ୨୩ରୁ ୨୬ ତାରିଖ ପର୍ଯ୍ୟନ୍ତ ସାଉଥାମ୍ପଟନଠାରେ ଅଷ୍ଟ୍ରେଲିଆ ଓ ଅଷ୍ଟେଲିଆ ଏ’ ଦଳ ମଧ୍ୟରେ ଖେଳାଯିବାକୁ ଥିବା ମ୍ୟାଚ୍ରୁ ପ୍ରଥମ ଟେଷ୍ଟ ଲାଗି ଦଳ ଚୟନ କରାଯିବ। ପୂର୍ବତନ ଅଧିନାୟକ ଷ୍ଟିଭ ସ୍ମିଥ, ଓପନର ଡେଭିଡ ଓ୍ବାନର ଓ ବାନକ୍ରାଫ୍ଟଙ୍କୁ ସାମିଲ କରାଯାଇଛି। ଉସମାନ ଖ୍ବାଜା ମାଂସପେଶୀଜନିତ ସମସ୍ୟା ଦେଇ ଗତି କରୁଥିବାରୁ ଟ୍ରାଏଲ ମ୍ୟାଚ୍ରେ ତାଙ୍କ ଖେଳିବା ନେଇ ଅନିଶ୍ଚିତତା ଜାରି ରହିଛି।
