ମୌସୁମୀ ପୂର୍ବରୁ ସଫା ହେବ ସମସ୍ତ ଡ୍ରେନ୍‌ : ୨୩୦ ଶ୍ରମିକ ନିୟୋଜିତ, ୬୭ ଓ୍ବାର୍ଡରେ ବିଏମ୍‌ସି ପକ୍ଷରୁ ୨୫ ଘରୋଇ ଠିକା ସଂସ୍ଥାକୁ ଦାୟିତ୍ୱ

ଭୁବନେଶ୍ୱର,୨୭।୫(ବ୍ୟୁରୋ) : ଚଳିତବର୍ଷ ମୌସୁମୀ ଆସିବା ପୂର୍ବରୁ ରାଜଧାନୀ ଭୁବନେଶ୍ୱରର ସମସ୍ତ ମୁଖ୍ୟ ଓ ସବ୍‌ ଡ୍ରେନ୍‌ ସଫା କରାଯିବ। ଏ ନେଇ ଭୁବନେଶ୍ୱର ମହାନଗର ନିଗମ(ବିଏମ୍‌ସି) ପକ୍ଷରୁ ତତ୍ପରତା ପ୍ରକାଶ ପାଇଛି। ଗତ ୨୪ତାରିଖରୁ ମୁଖ୍ୟ ୧୦ ଡ୍ରେନ୍‌ର ସଫେଇ ସହିତ ପୁନରୁଦ୍ଧାର କାର୍ଯ୍ୟ ଆରମ୍ଭ ହୋଇସାରିଥିବା ବେଳେ ଏବେ ପ୍ରମୁଖ ରାସ୍ତାକଡ଼ରେ ଥିବା ସବ୍‌ ଡ୍ରେନ୍‌ଗୁଡ଼ିକର ସଫେଇ କାର୍ଯ୍ୟ ଜାରି ରହିଛି। ଡ୍ରେନ୍‌ରେ ଜମିଥିବା ଅଳିଆ ଆବର୍ଜନା ସହ ମାଟି କଢ଼ାଯାଇ ତାକୁ ନିଷ୍କାସନ ଉପଯୋଗୀ କରାଯାଉଛି। ୬୭ ଓ୍ବାର୍ଡରେ ବିଏମ୍‌ସି ପକ୍ଷରୁ ୨୫ ଘରୋଇ ଠିକା ସଂସ୍ଥାକୁ ଏ ନେଇ ଦାୟିତ୍ୱ ଦିଆଯାଇଥିବା ବେଳେ ୩ ସଫେଇ ସଂସ୍ଥା କର୍ମଚାରୀଙ୍କୁ କାର୍ଯ୍ୟରେ ନିୟୋଜିତ କରାଯାଇଛି। ବିଏମ୍‌ସି ଦ୍ୱାରା ପରିଚାଳିତ ଡ୍ରେନେଜ ଡିଭିଜନ ନିଜେ ୧୦ ଓ୍ବାର୍ଡରେ ଥିବା ମୁଖ୍ୟ ଓ ସବ୍‌ ଡ୍ରେନ୍‌ର ସଫେଇ ଦାୟିତ୍ୱ ନେଇଛି। ବିଏମ୍‌ସିର ବରିଷ୍ଠ ଅଧିକାରୀଙ୍କ ତଦାରଖରେ ଏହି ସଫେଇ କାର୍ଯ୍ୟ ଜାରି ରହିଛି। ମୌସୁମୀ ଆସିବା ପୂର୍ବରୁ ସମସ୍ତ ଡ୍ରେନ୍‌ର କାର୍ଯ୍ୟ ସରିଯିବ ବୋଲି ବିଏମ୍‌ସି ଆଶା ପ୍ରକାଶ କରିଛି।
ମୁଖ୍ୟ ଡ୍ରେନ୍‌ଗୁଡ଼ିକରେ ୧୦ରୁ ୧୨ ପ୍ରୋକ୍‌ଲିନ୍‌ ମେଶିନ ଏବେଠାରୁ ପ୍ରତ୍ୟେକ ଦିନ ସଫେଇ କରିବେ। ଆବଶ୍ୟକ ପଡ଼ିଲେ ଅଧିକ ମେଶିନ ଯୋଗାଇ ଦିଆଯିବ। ଯେଉଁ ସ୍ଥାନରେ ମେଶିନରେ କାମ କରିହେବ ନାହିଁ, ସେଠାରେ ଶ୍ରମିକ ନିୟୋଜିତ ରହିବେ। ଏଥିପାଇଁ ୨୩୦ଜଣ ଶ୍ରମିକଙ୍କୁ ନିୟୋଜିତ କରାଯାଇଛି। ସୂଚନାଯୋଗ୍ୟ, ଭୁବନେଶ୍ୱରରେ ମୋଟ ୧୦ ମୁଖ୍ୟ ଡ୍ରେନ୍‌ ରହିଛି। ସେଗୁଡ଼ିକ ମିଶି ପାଖାପାଖି ୬୦କିମି ଲମ୍ବ ହୋଇଥିବା ବେଳେ ସବ୍‌ ଡ୍ରେନ୍‌ଗୁଡ଼ିକ ମିଶି ୫୬୦କିମି ଲମ୍ବ। ସମସ୍ତ ଡ୍ରେନ୍‌ ଗଙ୍ଗୁଆ ନାଳ ସହ ସଂଯୋଗ ହୋଇଛି। ସେହିପରି ଗଙ୍ଗୁଆ ନାଳକୁ ଦୟା ନଦୀ ସହ ସଂଯୋଗ କରାଯାଇଛି। ଭୁବନେଶ୍ୱରରେ ଥିବା ମୁଖ୍ୟ ଡ୍ରେନ୍‌ଗୁଡ଼ିକ ଯଥା- ଡ୍ରେନ୍‌ ନଂ-୧ ଫରେଷ୍ଟ ଲେକ୍‌ ଚନ୍ଦ୍ରଶେଖରପୁରଠାରୁ ଆରମ୍ଭ ହୋଇ ଗଙ୍ଗୁଆରେ ପଡ଼ିଛି, ଯାହାକି ୫.୭କିମି ଲମ୍ବ। ଡ୍ରେନ୍‌ ନଂ-୨ ସୈନିକ ସ୍କୁଲ ନିକଟରୁ ବାହାରି ୦.୮୫ କିମି ଯିବା ପରେ ଭିଏସ୍‌ଏସ୍‌ ନଗର ରେଲଓ୍ବେ ବ୍ରିଜ୍‌ ନିକଟରେ ଡ୍ରେନ୍‌ ନଂ-୩ରେ ମିଶିଛି। ଡ୍ରେନ୍‌ ନଂ-୩ ଗଜପତି ନଗରରୁ ଆରମ୍ଭ ହୋଇ ଗଙ୍ଗୁଆରେ ମିଶିଛି, ଯାହାକି ୪.୨୨କିମି ଲମ୍ବ। ଡ୍ରେନ୍‌ ନଂ-୪ ଏକାମ୍ର କାନନ ଲେକ୍‌ଠାରୁ ଆରମ୍ଭ ହୋଇ ଗଙ୍ଗୁଆରେ ମିଶିଛି। ଏହା ୭.୫କିମି ଲମ୍ବ। ସେହିପରି ଡ୍ରେନ୍‌ ନଂ-୫ ଗୁରୁଦ୍ୱାରା ସିଂ ସଭାଠାରୁ ଆରମ୍ଭ ହୋଇ ଗଙ୍ଗୁଆରେ ମିଶିଛି, ଯାହାକି ୩.୫୪କିମି ଲମ୍ବ। ଡ୍ରେନ୍‌ ନଂ-୬ ଅଶୋକ ନଗରରୁ ବାହାରି ୩.୫କିମି ଯାଇ ଗଙ୍ଗୁଆରେ ମିଶିଥିବା ବେଳେ ଡ୍ରେନ୍‌ ନଂ-୭ ଗଙ୍ଗନଗରସ୍ଥିତ ବନଦୁର୍ଗା ମନ୍ଦିରରୁ ବାହାରି ୫.୪୫କିମି ଯାଇ ଗଙ୍ଗୁଆରେ ପଡ଼ିଛି। ସେପଟେ ଡ୍ରେନ୍‌ ନଂ-୮ ଓୟୁଏଟିଠାରୁ ବାହାରି ୫.୩୬କିମି ଯାଇ ଗଙ୍ଗୁଆରେ ମିଶିଛି, ଡ୍ରେନ୍‌ ନଂ-୯ ପଚଶଖା ନଗରରୁ ବାହାରି ସବୁଠୁ ଅଧିକ ଅର୍ଥାତ୍‌ ୧୫.୫କିମି ଯାଇ ଗଙ୍ଗୁଆରେ ମିଶିଛି। ସେହିପରି ଡ୍ରେନ୍‌ ନଂ-୧୦ ମୁମତାଜ ଅଲ୍ଲୀ ହାଇସ୍କୁଲ ନୟାପଲ୍ଲୀରୁ ବାହାରି ୭.୩୭କିମି ଯାଇ ଗଙ୍ଗୁଆରେ ପଡ଼ିଛି। ବର୍ତ୍ତମାନ ଏହି ସମସ୍ତ ଡ୍ରେନ୍‌ରେ ବିଏମ୍‌ସି ପକ୍ଷରୁ ପୁନରୁଦ୍ଧାର କାର୍ଯ୍ୟ ଜାରି ରହିଛି।


Enter your email to get our daily news in your inbox.

All Right Reserved By Dharitri.Com

ଓଡ଼ିଶା ପର୍ଯ୍ୟଟନ ପକ୍ଷରୁ ବିଶ୍ୱ ପର୍ଯ୍ୟଟନ ଦିବସ: ଅଧିକ ନିଯୁକ୍ତି ସୁଯୋଗ ସୃଷ୍ଟି ପାଇଁ ଗୁରୁତ୍ୱ

ଭୁବନେଶ୍ୱର, ୨୮।୯(ବ୍ୟୁରୋ): ପର୍ଯ୍ୟଟନ ଶିଳ୍ପ କ୍ଷେତ୍ରରେ ନିଯୁକ୍ତିର ବିପୁଳ ସୁଯୋଗ ରହିଛି। ଟୁରିଜମ୍‌ ଓ ଟ୍ରାଭେଲ ଇଣ୍ଡଷ୍ଟ୍ରିରୁ ହୋଟେଲ ଏବଂ ଆମ୍ୟୁଜମେଣ୍ଟ୍‌ ଇଣ୍ଡଷ୍ଟ୍ରି ପର୍ଯ୍ୟନ୍ତ, ସବୁକ୍ଷେତ୍ରରେ...

କୁନ୍ଦୁଲି ନାବାଳିକା ଗଣବଳାତ୍କାର, ଆତ୍ମହତ୍ୟା ମାମଲା:ଏସ୍‌ଆଇଟି ତଦନ୍ତ ନିର୍ଦ୍ଦେଶ ଦେଲେ ହାଇକୋର୍ଟ

କଟକ ଅଫିସ,୧୯ା୧୧: କୁନ୍ଦୁଲି ନାବାଳିକା ଗଣବଳାତ୍କାର ଓ ଆତ୍ମହତ୍ୟା ମାମଲାରେ କ୍ରାଇମବ୍ରାଞ୍ଚ ତଦନ୍ତ ରିପୋର୍ଟକୁ ନେଇ ସୋମବାର ହାଇକୋର୍ଟ ଅସନ୍ତୋଷ ବ୍ୟକ୍ତ କରିଛନ୍ତି। ଆଗକୁ ଏହି...

୩୧ ଯାଏ ଗ୍ରୀଷ୍ମପ୍ରବାହ:୧୧ ଜିଲାକୁ ସତର୍କ ସୂଚନା

ଭୁବନେଶ୍ୱର, ୨୮।୫(ବ୍ୟୁରୋ): ରାଜ୍ୟରେ ପ୍ରବଳ ଗ୍ରୀଷ୍ମପ୍ରବାହ ଜାରି ରହିଛି। ଉପକୂଳଠାରୁ ଆରମ୍ଭକରି ପଶ୍ଚିମ ଓ ଆଭ୍ୟନ୍ତରୀଣ ଓଡ଼ିଶାରେ ପ୍ରବଳ ଗ୍ରୀଷ୍ମ ପ୍ରବାହ ଜନଜୀବନକୁ ଅସ୍ତବ୍ୟସ୍ତ କରିଛି।...

ଶ୍ରୀଲିଙ୍ଗରାଜଙ୍କ ଜମିରେ ୧୪୪ ଧାରା ଲାଗିବା ଘଟଣା:ନିର୍ମାଣ କାମକୁ ନେଇ ଠାକୁରଙ୍କ ନୀତି ବନ୍ଦ

ପୁରୁଣା ଭୁବନେଶ୍ୱର,୪ା୯(ଡି.ଏନ.ଏ.):ଶ୍ରୀଲିଙ୍ଗରାଜଙ୍କ ଜମି ଉପରେ ନିର୍ମାଣାଧୀନ ଗୃହକୁ ନେଇ ୧୪୪ ଧାରା ଜାରି ସତ୍ତ୍ୱେ ସେଠାରେ କାମ ବନ୍ଦ ହେଉନାହିଁ। ଏହାକୁ ବିରୋଧ କରି ବ୍ରାହ୍ମଣ...

ଭାଷା ବିବାଦକୁ ନେଇ ଭୁବନେଶ୍ୱର ଏମ୍ସର ସ୍ପଷ୍ଟୀକରଣ: କେବଳ ପ୍ରଶାସନିକ କାର୍ଯ୍ୟ ପାଇଁ ହିନ୍ଦୀ

ଭୁବନେଶ୍ୱର,୨୩ା୨(ବ୍ୟୁରୋ): ଭୁବନେଶ୍ୱରସ୍ଥିତ ଅଖିଳ ଭାରତ ଆୟୁର୍ବିଜ୍ଞାନ ସଂସ୍ଥାନ(ଏମ୍ସ)ରେ କେବଳ ପ୍ରଶାସନିକ କାର୍ଯ୍ୟ ପାଇଁ ହିନ୍ଦୀ ଭାଷା ବ୍ୟବହାର କରାଯିବ ବୋଲି ଏହାର ନିର୍ଦ୍ଦେଶିକା ଡକ୍ଟର ଗୀତାଞ୍ଜଳି...

ଅସ୍ଥାୟୀ ବିସର୍ଜନ ପୋଖରୀରେ କୁଢ଼ କୁଢ଼ ପଲିଥିନ: ପ୍ଲାଷ୍ଟିକ ବର୍ଜନ ପାଣିର ଗାର

ପୁରୁଣା ଭୁବନେଶ୍ୱର,୧୧।୧୦(ଡି.ଏନ.ଏ.) : ଅକ୍ଟୋବର ୨ ଗାନ୍ଧୀ ଜୟନ୍ତୀ ଅବସରରେ ଆରମ୍ଭ ହୋଇଥିବା ପ୍ଲାଷ୍ଟିକ୍‌ ଓ ପଲିଥିନ ବର୍ଜନକୁ ସମର୍ଥନ କରି ଚଳିତବର୍ଷ ବିଭିନ୍ନ ପୂଜା...

ୟେସ୍‌ ବ୍ୟାଙ୍କରେ ମହାପ୍ରଭୁଙ୍କ ଟଙ୍କା ଡିପୋଜିଟ୍‌ ପ୍ରସଙ୍ଗ: ଗଠନ ହେଲା ଗୃହ କମିଟି

ଭୁବନେଶ୍ୱର,୧୩।୩(ବ୍ୟୁରୋ): ଘରୋଇ ୟେସ୍‌ ବ୍ୟାଙ୍କରେ ମହାପ୍ରଭୁ ଶ୍ରୀଜଗନ୍ନାଥଙ୍କ ୫୪୫ କୋଟି ଟଙ୍କା ଜମା ହୋଇଥିବା ଜଣାପଡ଼ିବା ପରେ ବିଭିନ୍ନ ମହଲରେ ପ୍ରତିକ୍ରିୟା ପ୍ରକାଶ ପାଉଛି। ଏହାକୁ...

ଅବପାତରେ ପରିଣତ ହେଲା ଲଘୁଚାପ: ୨୪ ଘଣ୍ଟାରେ ବାତ୍ୟା ରୂପ ନେବା ସମ୍ଭାବନା

ଭୁବନେଶ୍ୱର, ୫।୧୧(ବ୍ୟୁରୋ): ପୂର୍ବ-କେନ୍ଦ୍ରୀୟ ବଙ୍ଗୋପସାଗରର ଉତ୍ତର ଆଣ୍ଡାମାନ ନିକଟରେ କେନ୍ଦ୍ରଭୂତ ହୋଇଥିବା ଲଘୁଚାପ ଅଧିକ ଘନିଭୂତ ହେବାରେ ଲାଗିଛି। ଏହା ଦକ୍ଷିଣ-ଦକ୍ଷିଣ ପୂର୍ବ ପାରାଦୀପଠାରୁ ୯୫୦...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *