‘ମୋତେ ହରାଇବା ବ୍ୟକ୍ତି ଜନ୍ମ ହୋଇନାହାନ୍ତି, ଭଗବାନଙ୍କ ଲେଖାକୁ ବି ହଟେଇଦେବି’
9:30 amMay 15, 2019 / 21

ନୂଆଦିଲ୍ଲୀ, ୧୫।୫: ଭୋଜପୁରୀ ଅଭିନେତା ତଥା ଆଜମଗଡ ଲୋକ ସଭା ଆସନର ଭାଜପା ପ୍ରାର୍ଥୀ ଦିନେଶ ଲାଲ ଯାଦବ ବିବାଦୀୟ ମନ୍ତବ୍ୟ ଦେଇ ଚର୍ଚ୍ଚାକୁ ଆସିଛନ୍ତି। ଏକ ସାକ୍ଷାତକାରରେ ସେ କହିଛନ୍ତି, ମୋତେ ନିର୍ବାଚନରେ ହରାଇବା ବ୍ୟକ୍ତି ଏଯାଏ ଜନ୍ମ ନେଇନାହାନ୍ତି। ଇଶ୍ୱରଙ୍କ ଲେଖାକୁ ମୁଁ ହଟେଇଦେବି ବୋଲି ସେ କହିଛନ୍ତି। ମୋତେ କେହି ପରାସ୍ତ କରିପାରିବେ ନାହିଁ ବୋଲି ଦିନେଶ ଲାଲ ଦମ୍ଭୋକ୍ତିର ସହ କହିଛନ୍ତି। ମୋ ବିଚାରଧାରା ସ୍ବତନ୍ତ୍ର, ମୁଁ କାହାର ଚାକର ନୁହେଁ ବୋଲି ସେ କହିଛନ୍ତି। ସୂଚନାଯୋଗ୍ୟ, ଦିନେଶ ଲାଲ ପ୍ରଥମଥର ପାଇଁ ନିର୍ବାଚନ ମୈଦାନରେ ଅବତୀର୍ଣ୍ଣ ହୋଇଛନ୍ତି।