ବୋଡେନ,୨୫।୯(ଡି.ଏନ.ଏ.)- ନୂଆପଡ଼ା ଜିଲା ବୋଡେନ ବ୍ଲକ ଟେମରୀ (ଦଣ୍ଡେଇବସା) ଛାରିଛକ ଖେଳ ପଡିଆରେ ମଙ୍ଗଳବାର ମା’ ସମଲେଶ୍ୱରୀ ଗ୍ରାମାଞ୍ଚଳ ଫୁଟବଲ ଟୁର୍ନାମେଣ୍ଟ ଉଦ୍ଘାଟିତ ହୋଇଯାଇଛି। ଉଦଘାଟନୀ ମ୍ୟାଚ୍ ଟେମରି ବି ଓ (ଖରିଆର) ମହୁଲକୋଟ ଦଳ ମଧ୍ୟରେ ଅନୁଷ୍ଠିତ ହୋଇଥିଲା। ନିର୍ଦ୍ଧାରିତ ସମୟରେ ଉଭୟ ଦଳ ବରାବର ସ୍ଥିତିରେ ରହିବାରୁ ଟ୍ରାଇବ୍ରେକର ସହାୟତା ନିଆଯାଇଥିଲା। ଏଥିରେ ଟେମରି ଦଳ ମହୁଲକୋଟ ଦଳକୁ ୧-୦ ଗୋଲରେ ହରାଇ ବିଜୟୀ ହୋଇଥିଲା । ଦ୍ୱିତୀୟ ଖେଳ ବୁଢାପଡା ଓ ବାବେବିର ଦଳ ମଧ୍ୟରେ ହୋଇଥିଲା। ଏହି ଖେଳ ମଧ୍ୟ ଟ୍ରେବେକରରେ ବୁଡାପଡା ଦଳ ବାବେବିର ଦଳକୁ ୧-୦ ଗୋଲରେ ହରାଇ ବିଜୟୀ ହୋଇଥିଲା। ଖେଳକୁ ବଳରାମ ସରାଫ ପରିଚାଳନା କରିଥିଲେ। ଗୋଲ ଜଜ୍ ଭାବେ ଜୟରାମ ଦିପ ଓ ରାହୁଲ ସିଂ ନିନା ଦାୟିତ୍ୱରେ ଥିଲେ । ଉଦଘାଟନୀ ଉତ୍ସବରେ ମୁଖ୍ୟଅତିଥି ଭାବେ ରାଜେନ୍ଦ୍ର ସିଂନିନା, ଅତିଥି ରୋହିତ ସାମନ୍ତ ଓ ସମ୍ମାନିତ ଅତିଥି ଭାବେ ବେଣୁଧର ମାଝି, ଥବି ମାଝି ପ୍ରମୁଖ ଯୋଗଦେଇଥିଲେ। ଟୁର୍ନାମେଣ୍ଟ ଅଷ୍ଠପଲ୍ଲି ଯୁବକ ସଂଘ ଟେମରି (ଦଣ୍ଡେଇବସା) ଆୟୋଜନ କରୁଛି। କମିଟି ସଭାପତି ପୂର୍ଣ୍ଣଚନ୍ଦ୍ର ଜଗତ, ଉପସଭାପତି ମାଧବାନନ୍ଦ ଜଗତ, ସମ୍ପାଦକ ଦୁଷ୍ମନ୍ତ ନିଆଲ ପ୍ରମୁଖ ସହଯୋଗ କରିଥିଲେ। ନରେଶ ତାଣ୍ଡି ଧାରାବିବରଣି ପ୍ରଦାନ କରିଥିଲେ ।
