ମରାମତି ହୋଇପାରୁନି ନଦୀବନ୍ଧ : ଜଳସମ୍ପଦ ବିଭାଗର ଅର୍ଥ ଅଭାବ

ବିରିଡ଼ି,୯।୮(ଡି.ଏନ.ଏ.): ରାଜନୈତିକ ଇଚ୍ଛା ଶକ୍ତିର ଅଭାବ ଓ ଜଳ ସମ୍ପଦ ବିଭାଗର ଖାମଖିଆଲ ନୀତି ଯୋଗୁ ଜଗତ୍‌ସିଂହପୁର ଜଳସମ୍ପଦ ଡିଭିଜନ ଅଧୀନ ୨୨ ମୌଜା ଶଙ୍ଖାରିସାହି ସେକ୍ସନର ବିଲୁଆଖାଇ ଓ ଦେବୀ ନଦୀବନ୍ଧ ଦୀର୍ଘବର୍ଷ ହେଲା ମରାମତି ହୋଇପାରୁନାହିଁ। ଫଳରେ ଏହି ନଦୀବନ୍ଧ କ୍ରମଶଃ ଦୁର୍ବଳ ହୋଇପଡିଛି। ଏଥିସହ ୨୨ ମୌଜାର ଉଦବୃତ ଜଳ ନିଷ୍କାସନ ଓ ବନ୍ୟାଜଳ ପ୍ରତିରୋଧ କରୁଥିବା ନୀଳମହଲ ସ୍ଲୁଇସ ଗେଟ୍‌ର ପ୍ୟାକିଂ ନଷ୍ଟ ହୋଇପଡିଛି। ଫଳରେ ୨୨ ମୌଜା ଭିତରକୁ ବନ୍ୟାଜଳ ପଶିବା ଆଶଙ୍କା ଦେଖାଦେଇଛି। ଏନେଇ ୨୨ ମୌଜାର ୬ ପଞ୍ଚାୟତର ଜନସାଧାରଣ ଭୟଭୀତ ହୋଇପଡିଛନ୍ତି। ସୂଚନା ଅନୁଯାୟୀ, ୨୨ ମୌଜାକୁ ଘେରି ରହିଛି ବିଲୁଆଖାଇ ଓ ଦେବୀ ନଦୀ। ବିଲୁଆଖାଇ ନଦୀର ଡାହଣ ପଟ ବନ୍ଧ ଶଙ୍ଖାରୀସାହିରୁ ନୀଳମହଲ ୧୩ କିମି ୮ ଶହ ମିଟର ଲମ୍ବ ଓ ଦେବୀ ନଦୀର ବାମ ପଟ ବନ୍ଧ ଶଙ୍ଖାରିସାହିରୁ ନୀଳମହଲ ୧୧ କିମି ଲମ୍ବ। ଏହାର ଓସାର ୫ ମିଟର ରହିବା ସ୍ଥଳେ ୩ ରୁ ସାଢେ ୩ ମିଟର ରହିଛି। ସେହିପରି ବନ୍ଧର ସ୍ଲୋପ ୧/୨ ରହିବା ସ୍ଥଳେ ୧/୧ ରହିଛି। ବିଲୁଆଖାଇ ନଦୀବନ୍ଧର ମଙ୍ଗୁଲି, ମଙ୍ଗୁଲି ମଲ୍ଲିକ ସାହି, ଚାଷୀଖଣ୍ଡ ହନୁମାନ ମନ୍ଦିର ନିକଟରେ ବେଆଇନ ବାଲିଘାଟ କରାଯାଇ ବନ୍ଧକୁ କାଟି ଦିଆଯାଇଛି। ଉକ୍ତ ସ୍ଥାନ ଏବେ ମୁକୁଳା ପଡିଛି। ସେହିପରି ବିଲୁଆଖାଇ ନଦୀକୂଳରେ ଥିବା ହରିନବାବି ପାଟଣା ଘେରି, ସେନାପତି ସାହି, ସାନ ନଈକୂଳ ଭୋଇ ସାହି, ଦେବୀ ନଦୀ କୂଳରେ ଥିବା ବଡ଼ ନଈକୂଳ ଭୋଇ ସାହି ଘେରି, ଖରମଙ୍ଗା, ଅଲିପଡା, ବମ୍ବିଲୋ ଓ ରହମ୍ବା ଘେରି ବନ୍ଧଗୁଡିକ ମରାମତି ଅଭାବରୁ ଦୁର୍ବଳ ହୋଇପଡିଛି। ନଦୀରେ ବନ୍ୟା ଆସିଲେ ଘେରି ବନ୍ଧ ଭିତରେ ଥିବା ପରିବାର ପିଲାଛୁଆ ଧରି ନଦୀବନ୍ଧ ଉପରେ ଆଶ୍ରୟ ନିଅନ୍ତି। ପ୍ରତିବର୍ଷ ବନ୍ୟା ସମୟରେ ଏଭଳି ପରିସ୍ଥିତି ସୃଷ୍ଟି ହେଉଛି। ତେଣୁ ଏଗୁଡିକର ତୁରନ୍ତ ମରାମତି ଆବଶ୍ୟକ। ପାର୍ବତୀପୁରଠାରେ ସେତୁ କରୁଥିବା ଠିକାଦାର ବନ୍ଧକୁ କାଟି ଦେବା ଦ୍ୱାରା ସେଠାରେ ବନ୍ଧ ଦୁର୍ବଳ ହୋଇଯାଇଛି। ଦେବୀ ନଦୀର ଶଙ୍ଖାରିସାହିଠାରୁ ପାର୍ବତୀପୁର ପର୍ଯ୍ୟନ୍ତ ନଦୀପଠା ଖାଇ ଧାର ବନ୍ଧ ଆଡକୁ ଚାଲିଆସିଲାଣି। ଖରମଙ୍ଗାଠାରୁ ଅଲିପଡ଼ା ପଠା ନଦୀ ସ୍ରୋତରେ କ୍ଷୟ ହୋଇଚାଲିଛି। ଏହି ସ୍ଥାନରେ ପଥର ପ୍ୟାକିଂ ଆବଶ୍ୟକ ହୋଇପଡିଛି। ନଦୀର ଅପରପାର୍ଶ୍ୱରେ ଲମ୍ବା ବୁରୁଜ ସହ ପଥର ପ୍ୟାକିଂ କରାଯିବାରୁ ୨୨ ମୌଜା ପଟ ପଠା କ୍ଷୟ ହୋଇ ବିପଦ ସୃଷ୍ଟି କରୁଛି। ରହମ୍ବାଠାରେ ଥିବା ୮ଟି ଛୋଟ ବୁରୁଜ କୌଣସି କାମରେ ଲାଗୁନାହିଁ। ଯଦି ସେଠାରେ ୨ଟି ଲମ୍ବା ବୁରୁଜ କରାଯାଆନ୍ତା ତେବେ ବନ୍ଧର ସୁରକ୍ଷା ହୋଇପାରନ୍ତା ବୋଲି ୨୨ ମୌଜାର ବୁଦ୍ଧିଜୀବୀମାନେ ମତପୋଷଣ କରିଛନ୍ତି। ୨୨ ମୌଜାର ଚତୁଃପାର୍ଶ୍ୱ ନଦୀବନ୍ଧ ୮ ମିଟର ଚଉଡା କରିବା ସହ ବନ୍ଧର ଉପର ଭାଗ ପିଚୁ ରାସ୍ତା କରିବା, ଉପରୋକ୍ତ ସ୍ଥାନଗୁଡିକରେ ପଥର ପ୍ୟାକିଂ କରିବା ଓ ମୁକୁଳା ପଡିଥିବା ବନ୍ଧ ତୁରନ୍ତ ମରାମତି କରିବାକୁ ସାଧାରଣରେ ଦାବି ହେଉଛି। ଏ ସମ୍ପର୍କରେ ଜଗତ୍‌ସିଂହପୁର ଜଳସେଚନ ଡିଭିଜନ ନିର୍ବାହୀ ଯନ୍ତ୍ରୀ ଉମାକାନ୍ତ ମହାନ୍ତି କହିଛନ୍ତି ଯେ, ଅର୍ଥ ଅଭାବ ଯୋଗୁ କାର୍ଯ୍ୟ ହୋଇପାରୁନି। ଘେରିବନ୍ଧଗୁଡିକ ଆଉ ମରାମତି କରାଯିବ ନାହିଁ ବୋଲି ଜଳସମ୍ପଦ ବିଭାଗର ପୂର୍ବତନ ସଚିବ ସୁରେଶ ଚନ୍ଦ୍ର ମହାପାତ୍ର ମନା କରିଛନ୍ତି। ଏଣୁ ଆମେ କରିପାରିବୁ ନାହିଁ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ନାବାଳିକାଙ୍କୁ ବଳାତ୍କାର ଅଭିଯୋଗ, ୩ ଅଟକ

କୁକୁଡ଼ାଖଣ୍ଡି,୧ା୯(ଡି.ଏନ.ଏ.)- ଗଞ୍ଜାମ ଜିଲା କୁକୁଡ଼ାଖଣ୍ଡି ବ୍ଲକ ଆଙ୍କୁଶପୁର ସଦରଥାନା ଅଞ୍ଚଳରେ ଜଣେ ନାବାଳିକାଙ୍କୁ ବଳାତ୍କାର ଅଭିଯୋଗ ହୋଇଛି। ପୋଲିସ ଶନିବାର ୩ ଜଣଙ୍କୁ ଅଟକ ରଖି...

ମାଟ୍ରିକ ପରୀକ୍ଷା ଫଳ: ସରକାରୀ ଅପେକ୍ଷା ବେସରକାରୀ ବିଦ୍ୟାଳୟ ଛାତ୍ରୀଛାତ୍ର ଆଗରେ

ପାଟଣା,୨୨।୫(ସ୍ବ.ପ୍ର.): ମଙ୍ଗଳବାର ପ୍ରକାଶ ପାଇଥିଲା ମାଟ୍ରିକ ପରୀକ୍ଷା ଫଳ। କେନ୍ଦୁଝର ଜିଲା ପାଟଣା ବ୍ଲକ ସରକାରୀ ବିଦ୍ୟାଳୟର ପରୀକ୍ଷା ଫଳ ଖରାପ ରହିଥିବା ବେଳେ ବେସରକାରୀ...

ବେଆଇନ ଖଣି ଖାଦାନରେ ୧୪୪ ଧାରା ଜାରି

ବଡ଼ସାହି,୧୫ା୮(ସ୍ବ.ପ୍ର)- ମୟୂରଭଞ୍ଜ ଜିଲା ବଡ଼ସାହି ତହସିଲ ଅଧୀନ ଯଦୁନାଥପୁର ଓ ଚନ୍ଦନଚତୁରୀ ଅଞ୍ଚଳରେ ବେଆଇନ ପଥର ଉତ୍ତୋଳନ ବନ୍ଦ କରିବା ପାଇଁ ପ୍ରଶାସନ ପକ୍ଷରୁ ଦୃଢ...

ବନ୍ଦର ଆଧୁନିକୀକରଣ ପାଇଁ ୨ ପଦକ୍ଷେପ

ପାରାଦୀପ,୨୩।୧୦(ସ୍ବ.ପ୍ର.): ଦେଶର ବୃହତ ବନ୍ଦର କ୍ଷେତ୍ରରେ ଆଧୁନିକୀକରଣ ପାଇଁ କେନ୍ଦ୍ର ଜାହାଜ ଚଳାଚଳ ମନ୍ତ୍ରଣାଳୟ ଗତ ସପ୍ତାହ ମଧ୍ୟରେ ଦୁଇଟି ପଦକ୍ଷେପ ନେଇଛନ୍ତି। ତାହା ହେଲା...

ସାଇକେଲରେ ଘରକୁ ଫେରିଲେ ବାହାର ରାଜ୍ୟ ଟ୍ରକ୍‌ ଚାଳକ

ବରଗଡ଼ ଅଫିସ୍‌,୨୯।୩-ମାଲ୍‌ ପରିବହନ କାମ ପାଇଁ ବରଗଡ଼ ସହର ଉପକଣ୍ଠ ସିମେଣ୍ଟ କାରଖାନାକୁ ଆସିଥିବା ବାହ୍ୟ ରାଜ୍ୟର କେତେକ ଟ୍ରକ୍‌ ଚାଳକ ହଇରାଣ ହୋଇଛନ୍ତି। ଲକ୍‌...

ଓ୍ବାର୍ଲଡ଼ ରେକର୍ଡ କଲେ ବଲାଙ୍ଗୀରର ୧ ବର୍ଷ ୧୧ ମାସର ଶିଶୁ

ବଲାଙ୍ଗୀର ଅଫିସ,୧୨ା୧- ଭାରତର ପ୍ରାଦଶିକ ରାଜଧାନୀମାନଙ୍କ ନାମ ଆବୃତ୍ତି କରି ବଲାଙ୍ଗୀର ସହରର ଜଣେ ୧ବର୍ଷ ୧୧ ମାସ ୬ ଦିନର ଶିଶୁପୁତ୍ର ବିଶ୍ୱରେକର୍ଡ କରିଥିବା...

ସୁଦୃଢ଼ ହେଉଛି ସ୍ବାସ୍ଥ୍ୟ ଭିତ୍ତିଭୂମି

ଅନୁଗୋଳ ଅଫିସ, ୫ା୬ ମହାମାରୀର ଦ୍ୱିତୀୟ ଲହର ଅତି ମାରାତ୍ମକ ସାବ୍ୟସ୍ତ ହେଉଥିବାରୁ ଏହାର ଉଚିତ ମୁକାବିଲା ନିମନ୍ତେ ସ୍ବାସ୍ଥ୍ୟ ଭିତ୍ତିଭୂମି ସୁଦୃଢ଼ ଉପରେ ସର୍ବାଧିକ...

୧୯ କୋଟି ଖର୍ଚ୍ଚ ହୋଇ ମଧ୍ୟ ଉପଭୋକ୍ତାଙ୍କ କାର୍ଯ୍ୟରେ ଆସୁନି ସବ୍‌ଷ୍ଟେଶନ

ମୁନିଗୁଡ଼ା,୬ା୯(ଡି.ଏନ୍‌.ଏ.): ଉପଭୋକ୍ତାଙ୍କୁ ୨୪ ଘଣ୍ଟା ବିଦ୍ୟୁତ୍‌ ଯୋଗାଇ ଦେବା ପାଇଁ ସରକାର ପାଣି ଭଳି ଟଙ୍କା ଖର୍ଚ୍ଚ କରୁଛନ୍ତି, କିନ୍ତୁ ଏବେବି ଏହାର ଲାଭ ଭଠାଇ...

Advertisement
Archives

Model This Week