ପାଟଣା, ୫।୯(ସ୍ବ. ପ୍ର.):କେନ୍ଦୁଝର ଜିଲା ପାଟଣା ରେଞ୍ଜ୍ରେ ୨୨ ଟିକିଆ ବଣୁଆ ହାତୀପଲ ଏକ ସପ୍ତାହ ଧରି ଉପଦ୍ରବ ଜାରି ରଖି ୬ରୁ ଉଦ୍ଧର୍ବଗରିବ ଲୋକଙ୍କ ଘର ଭାଙ୍ଗିବା ସହ ବ୍ୟାପକ ଧାନ, ବୋଇତାଳୁ ଓ ମକ୍କା ଫସଲ ନଷ୍ଟ କରିଛନ୍ତି। ଫଳରେ ହାତୀପଲଙ୍କ ଉପଦ୍ରବରେ ଅଞ୍ଚଳ ବାସୀ ଭୟଭୀତ ହୋଇପଡ଼ିଥିଲେ। ରବିବାର ଉକ୍ତ ହାତୀପଲଙ୍କ ଜଳକ୍ରୀଡ଼ା ଲୋକ ଙ୍କ ମନ ମୋହିଛି। ହାତୀପଲ ପୁରୁଣାପାଣି ନୂଆଗାଁ ନିକଟରେ ଥିବା ଏକ ନଦୀରେ ରବିବାର ଜଳକ୍ରୀଡ଼ା କରୁଥିବା ଦୃଶ୍ୟ ମନୋରମ ହୋଇଥିବା ବେଳେ ଏହି ଦୃଶ୍ୟ ବିଭିନ୍ନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏକ ସପ୍ତାହ ଧରି ହାତୀପଲ ପାଟଣା ରେଞ୍ଜ୍ରେ ଉପଦ୍ରବ କରି ଶନିବାର ସକାଳୁ ମୟୁରଭଞ୍ଜ ଜିଲା ଠାକୁରମୁଣ୍ଡା ରେଞ୍ଜ୍କୁ ପ୍ରବେଶ କରିଛନ୍ତି। ହାତୀପଲଙ୍କ ଜଳକ୍ରୀଡ଼ା ଦେଖିବାକୁ ନଦୀକୂଳ ଲୋକାରଣ୍ୟ ହୋଇଥିଲା। ବନବିଭାଗ କର୍ମଚାରୀଙ୍କୁ ଲୋକଙ୍କୁ ଘଉଡ଼ାଇବା ପାଇଁ ନାକେଦମ ହେବାକୁ ପଡିଥିଲା।
