ଭୂମିହୀନଙ୍କୁ ପଟ୍ଟା ଯୋଜନାରେ ସାମିଲ ଦାବି: ପୌର କାର୍ଯ୍ୟନିର୍ବାହୀ ଅଧିକାରୀଙ୍କୁ ଦାବିପତ୍ର ପ୍ରଦାନ
3:32 pmAugust 5, 2019 / 21

ଆନନ୍ଦପୁର,୫।୮(ସ୍ବ.ପ୍ର.): କେନ୍ଦୁଝର ଜିଲା ଆନନ୍ଦପୁର ପୌରପରିଷଦ ୧୫ ନଂ. ଓ୍ବାର୍ଡ ମୁରାବାଲି ମୌଜା ମଝିସାହିର ଭୂମିହୀନ ବସ୍ତିବାସନ୍ଦାଙ୍କୁ ପଟ୍ଟା ଯୋଜନାରେ ସାମିଲ କରିବା ଦାବିରେ ସୋମବାର ସେମାନେ ପୌର କାର୍ଯ୍ୟନିର୍ବାହୀ ଅଧିକାରୀଙ୍କୁ ଦାବିପତ୍ର ପ୍ରଦାନ କରିଛନ୍ତି। ରବି କୁମାର ମୁର୍ମୁ, ଜଗତ ଟୁଡୁ, ଉଡାନ ହାଁସଦା, ରୂପେଶ ମୁର୍ମୁ, ରାମ ମୁର୍ମୁଙ୍କ ସମେତ ବହୁ ସଂଖ୍ୟାରେ ଓ୍ବାର୍ଡ ବାସିନ୍ଦା ଦୀର୍ଘ ୪୦ ବର୍ଷ ଧରି ସରକାରୀ ଜାଗା ଜବରଦଖଲକରି ଘର ନିର୍ମାଣକରି ଏଠାରେ ରହିଆସୁଛନ୍ତି। ନିକଟରେ ସରକାରୀ ସ୍ତରରେ ଭୂମିହୀନ ବସ୍ତିବାସିନ୍ଦାଙ୍କୁ ପଟ୍ଟା ପ୍ରଦାନ ନିମନ୍ତେ ଡ୍ରୋନ୍‌ ସର୍ଭେ କାର୍ଯ୍ୟ କରାଯାଇଛି। ତେବେ ସମ୍ପୃକ୍ତ ସ୍ଥାନରେ ସର୍ଭେ କାର୍ଯ୍ୟ କରାଯାଇ ନ ଥିବାରୁ ଭୂମିହୀନ ବସ୍ତିବାସିନ୍ଦା ଶଙ୍କାରେ ଜୀବନଯାପନ କରୁଛନ୍ତି।