ରାଜନଗର,୧୦।୮(ଡି.ଏନ୍.ଏ.): କେନ୍ଦ୍ରାପଡ଼ା ଜିଲା ରାଜନଗର ବ୍ଲକ ଭିତରକନିକା ଜାତୀୟ ଉଦ୍ୟାନରେ ୧୯୭୫ ମସିହାରେ ଅଷ୍ଟ୍ରେଲିଆର ବିଶିଷ୍ଟ ପ୍ରାଣୀ ବୈଜ୍ଞାନିକ ଡ. ଏଚ୍ .ଆର୍ ବଷ୍ଟାର୍ଡଙ୍କ ଦ୍ୱାରା ପ୍ରଥମ କୃତ୍ରିମ ପ୍ରଜନନ କେନ୍ଦ୍ର ସ୍ଥାପନ କରାଯାଇଥିଲା। ଏଥିରେ ଚଳିତ ବର୍ଷ ବନ ବିଭାଗ ପକ୍ଷରୁ ୪୫ଟି କୁମ୍ଭୀର ଅଣ୍ଡା ସଂଗ୍ରହ କରାଯାଇଥିଲା। କୃତ୍ରିମ ଉପାୟରେ ଏହାକୁ ୪ଫୁଟ ଉଚ୍ଚରେ ହେନ୍ତାଳ ପତ୍ର ଦ୍ୱାରା ବସା ବନ୍ଧାଯାଇଥିଲା। ଏହି ଅଣ୍ଡାରୁ ଏବେ ଛୁଆ ଫୁଟିବା ଆରମ୍ଭ ହୋଇଛି। ଏହା ଏକ ସପ୍ତାହ ଧରି ଚାଲିବ ବୋଲି ଜାତୀୟ ଉଦ୍ୟାନ ସଂରକ୍ଷକ ସୁବ୍ରତ କୁମାର ପାତ୍ର କହିଛନ୍ତି।
ସୂଚନାଯୋଗ୍ୟ, ଚଳିତ ବର୍ଷ ମେ’ରୁ ଜୁଲାଇ ୩ ମାସ ଧରି କୁମ୍ଭୀର ପ୍ରଜନନ ଋତୁରେ ୧୧୧ଟି ବସା ଚିହ୍ନଟ କରାଯାଇଥିଲା।
