ରଙ୍ଗର ପର୍ବ ହୋଲି। ଭାରତରେ ପାଳନ କରାଯାଉଥିବା ବିଭିନ୍ନ ପରମ୍ପରା ମଧ୍ୟରୁ ଏହା ଅନ୍ୟତମ । ବିଭିନ୍ନ ସ୍ଥାନରେ ହୋଲି ପାଳନର ଶୈଳୀ ମଧ୍ୟ ଭିନ୍ନ। ତେବେ ଅନେକେ ଦୂରସ୍ଥାନକୁ ଯାଇ ସେଠାକାର ଚଳଣି ଅନୁସାରେ ରଙ୍ଗ ଖେଳିବାକୁ ପସନ୍ଦ କରିଥାନ୍ତି। ଯଦି ସେଭଳି କିଛି ଭାବୁଥାନ୍ତି ତେବେ ଭାରତର ଏହି ୪ଟି ସହର ବିଷୟରେ ଜାଣିରଖନ୍ତୁ। ଏଠାରେ ଧୁମ୍ଧାମ୍ରେ ପାଳନ କରାଯାଏ ହୋଲି।
ମଥୁରା- ବୃନ୍ଦାବନର ହୋଲି:
ହୋଲି ବିଷୟରେ କଥା ଉଠିଲେ ପ୍ରଥମେ ମଥୁରା-ବୃନ୍ଦାବନର ହୋଲି ମନକୁ ଆସିଥାଏ। ଏଠାରେ ଫୁଲ ଓ ଲାଠମାର୍ ହୋଲି ଖେଳାଯାଇଥାଏ। ମଥୁରା- ବୃନ୍ଦାବନର ଏହି ହୋଲି ବିଶ୍ୱପ୍ରସିଦ୍ଧ। ଏହି ସମୟରେ ଏଠାରେ ବିଦେଶୀ ପର୍ଯ୍ୟଟକଙ୍କ ଭିଡ ଦେଖିବାକୁ ମିଳିଥାଏ। ମୁଖ୍ୟ ପର୍ବର ପ୍ରାୟ ଏକ ସପ୍ତାହ ପୂର୍ବରୁ ଲାଠମାର୍ ହୋଲି ସପ୍ତାହ ବ୍ୟାପୀ ପାଳନ କରାଯାଏ।
ଉଦୟପୁରର ରୟାଲ ହୋଲି :
ଯଦି ରାଜକୀୟ ହୋଲି ଉପଭୋଗ କରିବାକୁ ଚାହାନ୍ତି, ତେବେ ଆପଣ ଉଦୟପୁରକୁ ଯାଇପାରିବେ। ଉଦୟପୁରର ରାଜକୀୟ ହୋଲି ବହୁତ ପ୍ରସିଦ୍ଧ। ଏହାକୁ ମଧ୍ୟ ଶାହି ହୋଲି କୁହାଯାଏ। ହୋଲିରେ ଏକ ହୋଲିକା ଆଲୋକିତ କରି ରାଜକୀୟ ଢଙ୍ଗରେ ପାଳନ କରାଯାଏ। ଏହି ସମୟରେ ସିଟି ପ୍ୟାଲେସ୍ରେ ଥିବା ରାଜଭବନରୁ ମାନେକ ଚକ୍କୁ ଏକ ରାଜକୀୟ ଶୋଭାଯାତ୍ରା ନିଆଯାଏ। ଏହି ଶୋଭାଯାତ୍ରାରେ ସୁସଜ୍ଜିତ ଘୋଡ଼ା, ହାତୀ ରହିଛନ୍ତି। ରାଜସ୍ଥାନୀ ଗୀତ ଏବଂ ସଙ୍ଗୀତ ସହିତ ହୋଲି ଏଠାରେ ଧୁମ୍ଧାମ୍ରେ ପାଳନ କରାଯାଏ।
ଆନନ୍ଦପୁର ସାହିବର ହୋଲି :
ପଞ୍ଜାବୀ ଶୈଳୀରେ ହୋଲି ପାଳିବାକୁ ଥିଲେ ଆନନ୍ଦପୁର ସାହିବରକୁ ଯାଇପାରିବେ। ପଞ୍ଜାବୀ ଢଙ୍ଗରେ ହୋଲି ପାଳନର ଏକ ନିଆରା ମଜା ରହିଛି। ଏଠାରେ ୧୭୦୧ ମସିହାରୁ ହୋଲ-ମାହୋଲା ପର୍ବ ଭାବରେ ହୋଲି ଆରମ୍ଭ ହୋଇ ପାଳନ ହୋଇଥିଲା। ଏଥିସହ କୁସ୍ତି କରାଯାଇ ଏହି ପର୍ବ ପାଳନର ସ୍ବତନ୍ତ୍ରତା ରହିଛି। ଚଳିତ ବର୍ଷ ୨୦ରୁ ୨୪ ମାର୍ଚ୍ଚ ମଧ୍ୟରେ ଏଠାରେ ହୋଲି ପାଳନ କରାଯିବ।
ଶାନ୍ତି ନିକେତନର ହୋଲି:
ହୋଲିର ଏକ ଭିନ୍ନ ରଙ୍ଗ ଶାନ୍ତି ନିକେତନରେ ଦେଖିବାକୁ ମିଳିଥାଏ। ସାଂସ୍କୃତିକ ଏବଂ ପାରମ୍ପରିକ ଶୈଳୀରେ ଗୁଲାଲ ଓ ଅବିରର ହୋଲି ଏଠାରେ ଖେଳାଯାଏ। ଚଳିତବର୍ଷ ଏହି କାର୍ଯ୍ୟକ୍ରମ ୨୦ ମାର୍ଚ୍ଚରୁ ଆରମ୍ଭ ହେବ। ଏଠାରେ ଛାତ୍ରୀ, ପର୍ଯ୍ୟଟକଙ୍କ ଅନେକ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଏ।
