ନୂଆଦିଲ୍ଲୀ,୨୩।୪: କରୋନାକୁ ରୋକିବା ଦିଗରେ ଭାରତର ପଦକ୍ଷେପକୁ ମାଇକ୍ରୋସଫ୍ଟ ସହ ପ୍ରତିଷ୍ଠାତା ବିଲ୍ ଗେଟସ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପ୍ରଶଂସା କରିଛନ୍ତି। କରୋନା ବିରୋଧରେ ଭାରତ ଜରୁରୀକାଳୀନ ପଦକ୍ଷେପ ଉଠାଇଥିବା ବିଲ୍ ଗେଟ୍ସ ଚିଠିରେ ଉଲ୍ଲେଖ କରିଛନ୍ତି। ସରକାରଙ୍କ ଲକ୍ଡାଉନ, ହଟସ୍ପଟ ଘୋଷଣା ଭଳି ପଦକ୍ଷେପକୁ ସେ ପ୍ରଶଂସା କରିଥିବା ଜଣାପଡିଛି। ସେ କହିଛନ୍ତି ଯେ, ଭାରତ ଠିକ୍ ସମୟରେ ନିଷ୍ପତ୍ତି ନେଇଛି। ଭାରତ ଏହାର ଡିଜିଟାଲ ଦକ୍ଷତାକୁ ଠିକ୍ ଭାବେ ଉପଯୋଗ କରିପାରିଛି। ସରକାର ପବ୍ଲିକ ହେଲ୍ଥ ଏବଂ ସାମାଜିକ ସୁରକ୍ଷାକୁ ଏକାସାଙ୍ଗରେ ନେଇ ଚାଲୁଥିବାରୁ ଏହା ଦେଖି ଖୁସି ଲାଗୁଛି ବୋଲି ସେ ମତବ୍ୟକ୍ତ କରିଛନ୍ତି।
