ମୁମ୍ବାଇ: ନାୟିକା ତଥା ଏମ୍ପି ନୁସରତ ଜାହାଁ ପୁଣିଥରେ ଆସିଛନ୍ତି ଚର୍ଚ୍ଚାକୁ। ଏଥର ସେ ଟ୍ରାଡିଶନାଲ ଶାଢି ପିନ୍ଧି ଚର୍ଚ୍ଚାକୁ ଆସିଥିବା ଜଣାପଡିଛି। ନାୟିକା ଭାବେ ସେ ଯେତିକି ଚର୍ଚ୍ଚିତ ଚେହେରା ଥିଲେ ତା’ଠାରୁ ଅଧିକ ଚର୍ଚ୍ଚାକୁ ଆସିଲେ ଲୋକସଭା ନିର୍ବାଚନରେ ଜିତିବା ପରେ। ଅନେକ ସମୟରେ ତାଙ୍କ ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଲା। ସେ ସୋସିଆଲ ମିଡିଆରେ ବେଶ୍ ଆକ୍ଟିଭ ଥିବା ବେଳେ ଅନେକ ସମୟରେ ଏମିତି କିଛି ଫଟୋ ଅପଲୋଡ୍ କରନ୍ତି ଯାହା ଚାହୁଁ ଚାହୁଁ ଭାଇରାଲ ହୋଇଯାଇଥାଏ।
ନିକଟରେ ସେ ଏମିତି ଏକ ଫଟୋ ଅପଲୋଡ କରିଛନ୍ତି ଯାହା ଭାଇରାଲ ହୋଇଛି। ସେହି ଫଟୋରେ ନୁସରତ ଟ୍ରାଡିସନାଲ ଗେଟ୍ଅପ୍ରେ ଥିବା ବେଳେ ଏହାସହ ଲେଖିଥିବା କ୍ୟାପଶନ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। କ୍ୟାପଶନରେ ସେ ଲେଖିଛନ୍ତି, ‘ସୁନ୍ଦରତା ଚେହେରାରେ ନ ଥାଏ ବରଂ ହୃଦୟରେ ଥାଏ’।
