ଛେଣ୍ଡିପଦା,୩୦।୧୧(ସ୍ବ.ପ୍ର.): ଅନୁଗୋଳ ଜିଲା ଛେଣ୍ଡିପଦା ତହସିଲ ଅଞ୍ଚଳରୁ ଶନିବାର ବେଆଇନ ବାଲି ବୋଝେଇ ଟ୍ରାକ୍ଟର ଓ ଏକ ପଥର ବୋଝେଇ ହାଇୱା ଜବତ କରାଯାଇଛି।
ସୂଚନାନୁଯାୟୀ, ବେଆଇନ ବାଲି ପଥର ଓ ମୋରମ ଜିଲାର ବିଭିନ୍ନ ଅଞ୍ଚଳକୁ ମାଫିଆମାନେ ଚାଲାଣ କରୁଥିବା ଖବରପାଇ ଛେଣ୍ଡିପଦା ତହସିଲଦାର ଡାନିଏଲ୍ ଏକ୍କା ମାମୁରିଆ ଗ୍ରାମ ନିକଟରେ ଚଢ଼ାଉ କରିଥିଲେ। ଚଢ଼ାଉରେ ଏକ ବାଲି ଟ୍ରାକ୍ଟର ଓ ଏକ ପଥର ବୋଝେଇ ହାଇୱା ଜବତ କରାଯାଇଥିଲା। ପଥର ବୋଝେଇ ହାଇୱାଟି ରେଙ୍ଗାଳି ଅଞ୍ଚଳରୁ ଛେଣ୍ଡିପଦା ଆସୁଥିବା ବେଳେ ଜବତ କରାଯାଇଥିଲା।
ସେହିପରି ନୂଆପଡା ଟିକିରାରୁ ବାଲି ବୋଝେଇ ଟ୍ରାକ୍ଟରକୁ ଜବତ କରାଯାଇଛି। ଉଭୟ ଗାଡ଼ିକୁ ତହସିଲାଦାର ଛେଣ୍ଡିପଦା ପୋଲିସ ଜିମା ଦେଇଛନ୍ତି।
