Posted inଜାତୀୟ

ବିଭିନ୍ନ ରାଜ୍ୟର ଉପନିର୍ବାଚନ ଫଳାଫଳ:୨୬ରେ ଏନ୍‌ଡିଏ, ୧୨ରେ କଂଗ୍ରେସ ବିଜୟୀ

ନୂଆଦିଲ୍ଲୀ,୨୫-୧୦:ଉତ୍ତରପ୍ରଦେଶର ୧୧ ବିଧାନସଭା ଆସନ ସମେତ ୧୭ ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳର ୫୧ ବିଧାନସଭା ଓ ୨ ଲୋକ ସଭା ଆସନ ଲାଗି ହୋଇଥିବା ଉପନିର୍ବାଚନର ଭୋଟଗଣତି ଜାରି ରହିଥିଲାବେଳେ କେତେକ ଆସନର ଫଳାଫଳ ପ୍ରକାଶ ପାଇଛି। ୫୧ ଆସନରୁ ଭାଜପା ଏବଂ ଏହାର ସହଯୋଗୀ ଦଳକୁ ୨୬ ଆସନ ମିଳିଥିଲାବେଳେ କଂଗ୍ରେସ ୧୨ ଆସନରେ ବିଜୟୀ ହୋଇଛି। ଦୁଇ ଲୋକସଭା ଆସନକୁ ଏଲ୍‌ଜେପି ଏବଂ ଏନ୍‌ସିପି ବଜାୟ ରଖିଛନ୍ତି। ବିହାରର ସମସ୍ତିପୁର ଲୋକ ସଭା ଉପନିର୍ବାଚନରେ ଏଲ୍‌ଜେପି ବିଜୟୀ ହୋଇଛି। ଏଲ୍‌ଜେପିର ପ୍ରିନ୍ସ ରାଜ୍‌ କଂଗ୍ରେସ ପ୍ରାର୍ଥୀ ଅଶୋକ କୁମାରଙ୍କୁ ୧ ଲକ୍ଷରୁ ଊର୍ଦ୍ଧ୍ୱ ଭୋଟରେ ପରାଜିତ କରିଛନ୍ତି। ସେହିପରି ମହାରାଷ୍ଟ୍ରର ସତାରା ଲୋକ ସଭା ଆସନ ଉପନିର୍ବାଚନ ଫଳାଫଳ ଘୋଷଣା ହୋଇ ନ ଥିଲେ ହେଁ ସେଠାରେ ଏନ୍‌ସିପି ଏବଂ ଭାଜପା ମଧ୍ୟରେ କଡ଼ା ମୁକାବିଲା ହୋଇଛି। ଭାଜପା ଟିକେଟରେ ଲଢ଼ୁଥିବା ପୂର୍ବତନ ଏନ୍‌ସିପି ଏମ୍‌ପି ଉଦୟନରାଜେ ଭୋଁସଲେ ଏନ୍‌ସିପି ପ୍ରାର୍ଥୀ ଶ୍ରୀନିବାସ ପାଟିଲଙ୍କଠାରୁ ୮୫୦୦୦ ଭୋଟ ପଛରେ ଥିବା ଜଣାପଡିଛି।
ଉତ୍ତରପ୍ରଦେଶର ୧୧ ଆସନରେ ଉପନିର୍ବାଚନ ହୋଇଥିଲାବେଳେ ସେଥିରୁ ୭ଟି ଭାଜପା ଦଖଲକୁ ଯାଇଛି। ସେଗୁଡିକ ହେଲା ଗଙ୍ଗୋହ, ଲକ୍ଷ୍ନୌ କ୍ୟାଣ୍ଟନମେଣ୍ଟ, ଇଗ୍‌ଲାସ, ମାନିକପୁର, ବଲାହ ଏବଂ ଗୋବିନ୍ଦ ନଗର ଆସନ। ସମାଜବାଦୀ ପାର୍ଟି ଜାଇଦପୁର, ଜଲାଲାପୁର ଓ ରାମପୁର ଆସନ ଦଖଲ କରିଛି। ପ୍ରତାପଗଡ ଆସନରେ ଭାଜପା ସହଯୋଗୀ ଅପ୍‌ନା ଦଳର ପ୍ରାର୍ଥୀ ରାଜକୁମାର ପାଲ ବିଜୟୀ ହୋଇଛନ୍ତି। ଜାଇଦପୁର ଆସନକୁ ଏସ୍‌ପି ଶାସକ ଦଳ ଭାଜପାଠାରୁ ଛଡାଇନେଇଛି। ବିହାରର ୫ ବିଧାନସଭା ଆସନ ମଧ୍ୟରୁ ଆରଜେଡି ୨ଟିରେ ଜିତିଥିଲାବେଳେ ଜେଡିୟୁ, ଏଆଇଏମ୍‌ଆଇଏମ୍‌ ଏବଂ ସ୍ବାଧୀନ ପ୍ରାର୍ଥୀ ଗୋଟିଏ ଲେଖାଏଁ ଆସନ ଦଖଲ କରିଛନ୍ତି। ସେହିପରି ଗୁଜରାଟର ୬ ଆସନରୁ ଭାଜପା ୩ ଓ କଂଗ୍ରେସ ୩ ଆସନରେ ବିଜୟୀ ହୋଇଛନ୍ତି।
ମଧ୍ୟପ୍ରଦେଶର ଝାବୁଆ ଆସନରେ କଂଗ୍ରେସର କାନ୍ତିଲାଲ ଭୁରିଆ ଭାଜପା ପ୍ରାର୍ଥୀ ଭାନୁ ଭୁରିଆଙ୍କୁ ୨୭,୮୦୦ରୁ ଊର୍ଦ୍ଧ୍ୱ ଭୋଟରେ ପରାଜିତ କରିଛନ୍ତି। ତାମିଲନାଡୁର ବିକ୍ରାବନ୍ଦୀ ଓ ନଙ୍ଗୁନେରି ବିଧାନସଭା ଆସନ ପାଇଁ ହୋଇଥିବା ଉପନିର୍ବାଚନରେ ଏଆଇଏଡିଏମ୍‌କେ ବାଜିମାତ୍‌ କରିଛି। ବିକ୍ରାବନ୍ଦୀ ଆସନରୁ ଏଆଇଏଡିଏମ୍‌କେରେ ଏମ୍‌.ଆର୍‌. ମୁଥାମିଝ୍‌ସେଲଭାନ୍‌ ଏବଂ ନଙ୍ଗୁନେରିରୁ ଭି. ନାରାୟଣନ୍‌ ବିଜୟୀ ହୋଇଛନ୍ତି। ସେହିପରି ରାଜସ୍ଥାନ ଉପନିର୍ବାଚନରେ କଂଗ୍ରେସ ମଣ୍ଡଓ୍ବା ଆସନରେ ବିଜୟୀ ହୋଇଥିଲାବେଳେ ଆର୍‌ଏଲ୍‌ପି (ରାଷ୍ଟ୍ରୀୟ ଲୋକତାନ୍ତ୍ରିକ ପାର୍ଟି) ଖିନ୍‌ସାର ଆସନ ବଜାୟ ରଖିଛି। ପଞ୍ଜାବର ୪ ବିଧାନସଭା ଆସନରୁ କଂଗ୍ରେସ ୩ଟିରେ ଓ ଅକାଳୀ ଦଳ ଗୋଟିଏ ଆସନରେ ବିଜୟୀ ହୋଇଛି। ଏପରିକି ସୁଖବୀର ସିଂ ବାଦଲଙ୍କ ଜଲାଲାବାଦ ଆସନ ମଧ୍ୟ କଂଗ୍ରେସ ହାତକୁ ଯାଇଛି। ଓଡ଼ିଶାର ବିଜେପୁର ଆସନକୁ ବିଜେଡି ପୁନଃଦଖଲ କରିଛି। ଏଠାରେ ବିଜେଡି ପ୍ରାର୍ଥୀ ରୀତା ସାହୁ ୯୭ ହଜାରରୁ ଊର୍ଦ୍ଧ୍ୱ ଭୋଟ ବ୍ୟବଧାନରେ ନିର୍ବାଚିତ ହୋଇଛନ୍ତି। ହିମାଚଳପ୍ରଦେଶରେ ଭାଜପାକୁ ସଫଳତା ମିଳିଛି। ଏଠାର ଧର୍ମଶାଳା ଓ ପଛାଡ୍‌ ଆସନରେ ଯଥାକ୍ରମେ ଭାଜପା ପ୍ରାର୍ଥୀ ବିଶାଲ ନେହରିଆ ଏବଂ ରୀନା କାଶ୍ୟପ ବିଜୟୀ ହୋଇଛନ୍ତି।
ଆସାମ ବିଧାନସଭା ଉପନିର୍ବାଚନରେ ଭାଜପା ଗୋଟିଏ ଆସନରେ ବିଜୟୀ ହୋଇଥିଲାବେଳେ ଅନ୍ୟ ଦୁଇଟି ଆସନରେ ଆଗରେ ରହିଛି। ଅନ୍ୟପକ୍ଷରେ ଗୋଟିଏ ଆସନରେ ଅଲ୍‌ ଇଣ୍ଡିଆ ୟୁନାଇଟେଡ ଡେମୋକ୍ରାଟିକ୍‌ ଫ୍ରଣ୍ଟ (ଏଆଇୟୁଡିଏଫ୍‌) ଆଗରେ ଥିବା ଜଣାପଡିଛି। ରତାବାରି ଆସନରେ ଭାଜପା ପ୍ରାର୍ଥୀ ବିଜୟ ମାଲାକାର ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ କଂଗ୍ରେସ ପ୍ରାର୍ଥୀ କେଶବ ପ୍ରସାଦ ରଜକଙ୍କୁ ୨୪ ହଜାର ଭୋଟରେ ପରାଜିତ କରିଛନ୍ତି। ସିକିମ୍‌ରେ ମୁଖ୍ୟମନ୍ତ୍ରୀ ପ୍ରେମ ସିଂ ତାମଙ୍ଗ ଓରଫ ପି.ଏସ. ଗୋଲେ ଉପନିର୍ବାଚନରେ ୮୯୫୩ ଭୋଟ ବ୍ୟବଧାନରେ ବିଜୟୀ ହୋଇଛନ୍ତି। ସେ ପକଲୋକ କମ୍‌ରାଙ୍ଗ ଆସନରୁ ଲଢ଼ୁଥିଲେ। ସିକିମ୍‌ରେ ଭାଜପାକୁ ଦୁଇଟି ଆସନ ମିଳିଛି। ମେଘାଳୟର ଶେଲା ଆସନରେ ୟୁଡିପି ପ୍ରାର୍ଥୀ ବାଲାଜିଏଦ୍‌ କୁପାର ସାଇନ୍‌ରେମ୍‌ ବିଜୟୀ ହୋଇଛନ୍ତି। ଗୁଜରାଟରେ ଭାଜପାକୁ ଝଟକା ଲାଗିଛି। ସେଠାର ରାଧାନପୁର ବିଧାନସଭା ଆସନରେ ଓବିସି ନେତା ତଥା ଭାଜପା ପ୍ରାର୍ଥୀ ଅଳ୍ପେଶ ଠାକୁର କଂଗ୍ରେସ ପ୍ରାର୍ଥୀ ରଘୁଭାଇ ଦେଶାଇଙ୍କଠାରୁ ୩୫୦୦ ଭୋଟରେ ପରାଜିତ ହୋଇଛନ୍ତି। ସେହିପରି ବୟାଦ ଆସନରେ ଭାଜପା ପ୍ରାର୍ଥୀ ଧବଳସିଂ ଝାଲା ମଧ୍ୟ ପରାଜିତ ହୋଇଛନ୍ତି। ଛତିଶଗଡ଼ର ଶାସକ କଂଗ୍ରେସ ଦଳ ଚିତ୍ରକୋଟ ବିଧାନସଭା ଆସନରେ ବିଜୟୀ ହୋଇଛି।


Enter your email to get our daily news in your inbox.

All Right Reserved By Dharitri.Com

ଦିଗ୍‌ବିଜୟଙ୍କ ବିରୋଧରେ ମାନହାନି ମକଦ୍ଦମା କରିବ ବଜରଙ୍ଗ ଦଳ

ଭୋପାଳ,୧।୯:କଂଗ୍ରେସର ରାଜ୍ୟ ସଭା ସାଂସଦ ଦିଗବିଜୟ ସିଂହ ଭାଜପା ଏବଂ ବଜରଙ୍ଗ ଦଳ ପାକିସ୍ତାନର ଗୋଇନ୍ଦା ସଂସ୍ଥା ଆଇଏସଆଇଠାରୁ ଟଙ୍କା ନେଉଛନ୍ତି ଅଭିଯୋଗ କରିଛନ୍ତି। ଦିଗ୍‌ବିଜୟଙ୍କ...

ଲକ୍ଷଣ ନ ଥିବା ୬୫ ପ୍ରତିଶତ କରୋନା ସଂକ୍ରମିତଙ୍କ ଯୋଗୁ ଭୋପାଳରେ ସଙ୍କଟ

ଭୋପାଳ,୨୬।୪: କରୋନା ସଂକ୍ରମଣ ନେଇ ଭାରତରେ ସ୍ଥିତି ସଙ୍କଟଜନକ ହେବାରେ ଲାଗିଛି। ମଧ୍ୟପ୍ରଦେଶରେ କରୋନା ସଂକ୍ରମଣକୁ ନେଇ ଏକ ବଡ଼ ସମସ୍ୟା ଦେଖାଦେଇଛି। ଏଠାରେ ୬୫...

ମୁଖ୍ୟମନ୍ତ୍ରୀଙ୍କ ରିଲିଫ୍‌ ପାଣ୍ଠିକୁ ଗୋଟିଏ ମାସର ଦରମା ଦାନ କଲେ ବିବିଏମ୍‌ପି ସଦସ୍ୟ

ବେଙ୍ଗାଲୁରୁ,୮।୮: କର୍ନାଟକରେ ବନ୍ୟା ପରିସ୍ଥିତି ଭୟଙ୍କର ରୂପ ଧାରଣ କରିଥିବା ବେଳେ ଏବେବି ଲକ୍ଷ ଲକ୍ଷ ଲୋକ ଜଳବନ୍ଦୀ ହୋଇ ରହିଛନ୍ତି। ଲକ୍ଷ ଲକ୍ଷ ଲୋକ...

ଏପ୍ରିଲ୍‌ ୮ ସୁଦ୍ଧା ଭାରତରେ ପହଞ୍ଚିବ ର଼୍ୟାପିଡ୍‌ ଆଣ୍ଟିବଡ଼ି ଟେଷ୍ଟ୍‌ କିଟ୍‌: ବୁନ୍ଦାଏ ରକ୍ତରୁ ମାତ୍ର ୧୫ ମିନିଟ୍‌ରେ ଚିହ୍ନଟ ହେବେ କରୋନା ପଜିଟିଭ୍‌

ନୂଆଦିଲ୍ଲୀ,୬।୪: ଭାରତରେ ଦେଖାଦେଇଥିବା କରୋନା ସଙ୍କଟର ମୁକାବିଲା ଲାଗି ଭାରତୀୟ ମେଡିକାଲ ରିସର୍ଚ୍ଚ କାଉନସିଲ୍‌(ଆଇସିଏମ୍‌ଆର୍‌)ଅଣ୍ଟା ଭିଡ଼ିଛି। କିଭଳି କମ୍‌ ସମୟ ମଧ୍ୟରେ କରୋନା ସଂକ୍ରମିତଙ୍କୁ ଚିହ୍ନଟ...

ହିଜାବ ବିବାଦ ମଧ୍ୟରେ ବୁଧବାରରୁ ଖୋଲିବ କଲେଜ-ବିଶ୍ୱବିଦ୍ୟାଳୟ

ବେଙ୍ଗାଲୁରୁ,୧୪।୨: କର୍ନାଟକରେ ହିଜାବ ବିବାଦ ମଧ୍ୟରେ କଲେଜ ଓ ବିଶ୍ୱବିଦ୍ୟାଳୟକୁ ପୁଣି ଥରେ ଖୋଲିବା ପାଇଁ ରାଜ୍ୟ ସରକାର ଏକ ବଡ ନିଷ୍ପତ୍ତି ନେଇଛନ୍ତି। ରାଜ୍ୟ...

ଗିରଫ ଡିଏସ୍‌ପିଙ୍କୁ ଆତଙ୍କବାଦୀ ଭଳି ଜେରା କରାଯିବ

ଶ୍ରୀନଗର,୧୩ା୧: ହିଜବୁଲ ମୁଜାହିଦ୍ଦିନ ଓ ଲଶ୍କର-ଇ-ତୋଇବା ଆତଙ୍କବାଦୀଙ୍କ ସହ ଧରାପଡିଥିବା ଜମ୍ମୁ-କଶ୍ମୀରର ଡିଏସ୍‌ପି ଦେବୀନ୍ଦର ସିଂଙ୍କୁ ଗିରଫ କରାଯାଇଛି। ସେ ପୂର୍ବରୁ ସ୍ପେଶାଲ ଅପରେଶନ ଗ୍ରୁପ୍‌ରେ...

କଂଗ୍ରେସକୁ ‘ବ୍ୟାଣ୍ଡ-ବାଜା’ ପାର୍ଟି କହିଲେ ଓୱାଇସି

କୋଲକାତା,୩୧ ।୧: ପଶ୍ଚିମବଙ୍ଗ ବିଧାନସଭା ନିର୍ବାଚନ ତାରିଖ ଘୋଷଣା ହୋଇ ନ ଥିବା ବେଳେ ଏବେଠାରୁ କିନ୍ତୁ ରାଜନୈତିକ ପାଣିପାଗ ସରଗରମ ହେଲାଣି । ଏଆଇଏମ୍‌ଆଇଏମ୍...

ନାବାଳିକାଙ୍କୁ ବଳାତ୍କାର, ହତ୍ୟା

ଭୋପାଳ,୧୦ା୬(ପି.ଟି./ ଆଇଏଏନ୍‌ଏସ୍‌): ଉତ୍ତରପ୍ରଦେଶର ଆଲିଗଡ଼ ଓ ହମିରପୁର ପରେ ମଧ୍ୟପ୍ରଦେଶ ରାଜଧାନୀ ଭୋପାଳରେ ଘଟିଛି ଆଉ ଏକ ଲଜ୍ଜାଜନକ ଘଟଣା। ଭୋପାଳର କମଳାନଗରରେ ଜଣେ ନାବାଳିକାଙ୍କୁ...

Advertisement
Archives

Model This Week