ଗଣିଆ,୨୩।୮(ଡି.ଏନ.ଏ.)-ଜଣେ ଯୁବତୀଙ୍କୁ ବିବାହର ପ୍ରଲୋଭନ ଦେଖାଇ ବଳାତ୍କାର କରିବା ଅଭିଯୋଗରେ ନୟାଗଡ ଜିଲା ଗଣିଆ ପୋଲିସ ଜଣେ ଯୁବକଙ୍କୁ ଗିରଫ କରିଛି। ଗିରଫ ଯୁବକ ହେଲେ ଖଣ୍ଡପଡା ବ୍ଲକ ଗଡିଆସାହି ଫାଣ୍ଡି ସେରଜଙ୍ଗ ଗ୍ରାମର ଗୋପୀନାଥ ବିଶ୍ୱାଳ(୩୦)ା ତାଙ୍କୁ କୋର୍ଟଚାଲାଣ କରାଯାଇଥିବାବେଳେ ଜାମିନ ନାମଞ୍ଜୁର ହେବାରୁ ଜେଲ ହାଜତକୁ ପଠାଇ ଦିଆଯାଇଛି ା
ପୋଲିସ ସୂତ୍ରରୁ ପ୍ରକାଶ, ଗଣିଆ ଥାନା ଅଞ୍ଚଳର ଜଣେ ଯୁବତୀ(୨୨)ଙ୍କ ସହ ଗୋପୀନାଥଙ୍କ ଗତ ୧ ବର୍ଷ ହେବ ପ୍ରେମ ସମ୍ପର୍କ ରହିଥିଲା ା କିଛିଦିନ ତଳେ ଯୁବତୀ ଜଣଙ୍କ ନିଜ ସାଙ୍ଗମାନଙ୍କ ସହ କଳାପାଟ ପୀଠ ପରିସରକୁ ବଣଭୋଜି କରିବାକୁ ଆସିଥିଲେ ା ବଣଭୋଜିସ୍ଥଳକୁ ଯୁବତୀ ପ୍ରେମିକ ଗୋପୀନାଥଙ୍କୁ ଫୋନ ଯୋଗେ ଡାକିଥିଲେ । ଭୋଜି ସରିବା ପରେ ସମସ୍ତେ ଘରକୁ ଫେରିଯାଇଥିବା ବେଳେ ଗୋପୀନାଥ ସଂପୃକ୍ତ ଯୁବତୀଙ୍କୁ ଘରେ ଛାଡିଦେବା ପାଇଁ କହିଥିଲେ। ପରେ ଗୋପୀନାଥ ଯୁବତୀଙ୍କୁ ଏକ ନିଛାଟିଆ ସ୍ଥାନକୁ ନେଇ ବିବାହର ପ୍ରଲୋଭନ ଦେଖାଇ ବଳାକତ୍ାର କରିଥିଲେ ା ଯୁବତୀ ଜଣଙ୍କ ବହୁବାର ବିବାହ କରିବାକୁ ଜିଦ୍ ଧରିଥିଲେ ମଧ୍ୟ ଚତୁରତାର ସହ ଗୋପୀନାଥ ଏଡାଇ ଚାଲିଥଲେ। ଶେଷରେ ନିରୁପାୟ ହୋଇ ସମ୍ପୃକ୍ତା ଯୁବତୀ ଜଣଙ୍କ ଗତ ୨୦ତାରିଖରେ ଗଣିଆ ଥାନାରେ ଲିଖିତ ଅଭିଯୋଗ କରିଥିଲେ ା ଥାନା ଅଧିକାରୀ ଦୀପକ କୁମାର ଖଣ୍ଡାୟତରାୟ ଏନେଇ ନଂ ୩୧/୧୯ରେ ମାମଲା ରୁଜୁ କରିବା ସହ ଘଟଣାର ତଦନ୍ତ କରି ଗୁରୁବାର ସକାଳୁ ଗୋପୀନାଥଙ୍କୁ ତାଙ୍କ ନିଜ ଗ୍ରାମ ସେରଜଙ୍ଗରୁ ଗିରଫ କରିଥିଲେ ା ପରେ ଉଭୟଙ୍କୁ ଡାକ୍ତରୀମାଇନା କରିବା ପରେ ଗୋପୀନାଥଙ୍କୁ କୋର୍ଟ ଚାଲାଣ କରାଯାଇଥିଲା।
