ଭୁବନେଶ୍ୱର,୯।୫: ବର୍ତ୍ତମାନର ଚ୍ୟାଲେଞ୍ଜିଂ ସମୟରେ ବିଗ୍ ବଜାର ପକ୍ଷରୁ ଡୋର ଷ୍ଟେପ୍ ଡେଲିଭରି ସେବା ଯୋଗାଇ ଦିଆଯାଉଛି। ଲକ୍ଡାଉନ ସମୟରେ ଗ୍ରାହକଙ୍କ ଘର ଦୁଆରରେ ସେବା ଯୋଗାଇଦେବା ଲାଗି କମ୍ପାନୀ ପକ୍ଷରୁ ଏଭଳି ପଦକ୍ଷେପ ନିଆଯାଇଛି। ଶପ୍ ଡଟ୍ ବିଗ୍ବଜାର ଡଟ୍ କମ୍ ସାଇଟକୁ ଯାଇ ଗ୍ରାହକ ବିଭିନ୍ନ ସାମଗ୍ରୀ ଅର୍ଡର କରିବାକୁ ସୁବିଧା ପାଇବେ। କେଉଁ ଏରିଆରେ ରହୁଛନ୍ତି, ତା’ର ପିନ୍ କୋଡ୍ ଏବଂ ନିକଟସ୍ଥ ବିଗ୍ ବଜାର ଚୟନକରି ସାମଗ୍ରୀ ଚୟନ କରିବାକୁ ହେବ। ଏହା ପରେ ଗ୍ରାହକଙ୍କୁ କଣ୍ଟାକ୍ଟ ଲେସ୍ ଏବଂ ନିରାପତ୍ତା ଭିତ୍ତିକ ଡେଲିଭରି ପ୍ରଦାନ କରାଯିବ ବୋଲି ସୂଚନା ରହିଛି। ଫୋନ୍ କଲ୍ ଏବଂ ହ୍ବାଟ୍ସଆପ୍ ଜରିଆରେ ମଧ୍ୟ ଗ୍ରାହକମାନେ ସାମଗ୍ରୀ ଅର୍ଡର ଦେଇପାରିବେ। ଏହାବାଦ ଷ୍ଟୋର ପିକ୍ ବିକଳ୍ପ ଏବଂ କେତେକ ସହରରେ ବିଗ୍ ବଜାର ଅନ୍ ହ୍ବିଲ୍ ମଧ୍ୟ ଆରମ୍ଭ କରାଯାଇଛି।
