କେନ୍ଦୁଝର,୧୭ା୪(ସ୍ବ.ପ୍ର.): କେନ୍ଦୁଝର ଜିଲା ବାଂଶପାଳ ବ୍ଲକ ଅନ୍ତର୍ଗତ କାଦଡିହା ଗ୍ରାମର ପ୍ରାଥମିକ ସ୍କୁଲରେ ୧୩ ଜଣ ମହିଳା ଓ ପୁରୁଷ ଗତ ୩ ତାରିଖରୁ ଅଲଗା ରହୁଥିଲେ ହେଁ ପଞ୍ଚାୟତ କିମ୍ବା ବ୍ଲକ ପକ୍ଷରୁ ଖାଦ୍ୟ ମିଳୁ ନ ଥିବା ଅଭିଯୋଗ କରିଛନ୍ତି। ସେମାନେ ବାହାରେ କାମ କରୁଥିଲେ ଏବଂ ଘରକୁ ଫେରିବା ପରେ ଉକ୍ତ ସ୍କୁଲରେ ରହୁଛନ୍ତି। ଏନେଇ ବାଂଶପାଳ ବିଡିଓ ଉଗ୍ରସେନ ଓରାମଙ୍କୁ ପଚାରିବାରୁ ସେ ଅବଗତ ନ ଥିବା କହିଛନ୍ତି। ଗ୍ରାମବାସୀ ସେମାନଙ୍କୁ ସ୍କୁଲରେ ରଖିଥିବେ। ସେ ଅନୁଧ୍ୟାନ କରିବେ ବୋଲି କହିଛନ୍ତି। ଅନ୍ୟପକ୍ଷରେ ସେମାନଙ୍କୁ ଆଶାଦିଦି ରଖିଥିବା ସୋନୁ ମୁଣ୍ଡା କହିଛନ୍ତି। ସେହିପରି ଗଜପୁର ଅନ୍ୟ କେତେକ ଗ୍ରାମରେ ବାହାରୁ ଆସି ବହୁ ଲୋକ ଅଲଗା ରହୁଥିଲେ ହେଁ ସହାୟତା ମିଳୁ ନ ଥିବା କିମ୍ବା ସଚେତନ କରାଯାଉ ନ ଥିବା ଅଭିଯୋଗ ହେଉଛି। ଏଣୁ ଏହାର ଯାଞ୍ଚ କରି ସହାୟତା ଦେବାକୁ ସ୍ଥାନୀୟ ସମାଜସେବୀ ରମାକାନ୍ତ ଡାଙ୍ଗୁଆ ଦାବି କରିଛନ୍ତି।
