ପ୍ୟାରିସ, ୯ା୬ (ଏଏଫ୍ପି)- ଫ୍ରେଞ୍ଚ ଓପନ୍ ସିଙ୍ଗଲ୍ସ ଟାଇଟଲ ଜିତି ଆସଲେ ବାର୍ଟି ଅଷ୍ଟ୍ରେଲିଆର ଦୀର୍ଘ ୪୬ବର୍ଷ ପ୍ରତୀକ୍ଷାର ପରିସମାପ୍ତି ଘଟାଇଛନ୍ତି। ଶନିବାର ଏକ ଏକତରଫା ମହିଳା ସିଙ୍ଗଲ୍ସ ଫାଇନାଲରେ ସେ ଚେକ୍ ରିପବ୍ଲିକର ସ୍ବଳ୍ପ ବୟସ୍କା ମାର୍କେଟା ଭୋଣ୍ଡ୍ରୋସୋଭାଙ୍କୁ ହରାଇ ଦେଇଛନ୍ତି। ୮ମ ସିଡ୍ ବାର୍ଟି ଦୃଢତାର ସହିତ ଆରମ୍ଭ କରି ଆଦୌ ପଛକୁ ଫେରି ନ ଥିଲେ। ସେ ମାତ୍ର ୭୦ ମିନିଟ୍ରେ ତାଙ୍କ ପ୍ରତିଦ୍ୱନ୍ଦ୍ୱୀଙ୍କୁ ୬-୧, ୬-୩ ସେଟ୍ରେ ହରାଇ ତାଙ୍କର ପ୍ରଥମ ଗ୍ରାଣ୍ଡସ୍ଲାମ ଟାଇଟଲ ଜିତିଥିଲେ। ୧୯୭୩ରେ ମାର୍ଗାରେଟ୍ କୋର୍ଟଙ୍କ ପରେ ରୋଲାଣ୍ଡ ଗ୍ୟାରୋସରେ ଟାଇଟଲ ଜିତିବାରେ ବାର୍ଟି ପ୍ରଥମ ଅଷ୍ଟ୍ରେଲୀୟ। ଆସନ୍ତା ସପ୍ତାହରେ ପ୍ରକାଶ ପାଇବାକୁ ଥିବା ର଼୍ୟାଙ୍କିଙ୍ଗ୍ ତାଲିକାରେ ସେ ନାଓକି ଓସାକାଭ୍କ ପଛକୁ ଦ୍ୱିତୀୟ ସ୍ଥାନରେ ରହିବେ। ୧୯୭୬ରେ ଇଭୋନେ ଗୁଲାଗଙ୍ଗ୍ଙ୍କ ପରେ ସେ ଅଷ୍ଟ୍ରେଲିଆର ଶ୍ରେଷ୍ଠ ର଼୍ୟାଙ୍କିଙ୍ଗପ୍ରାପ୍ତ ଖେଳାଳି ହେବେ। ସୂଚନାଯୋଗ୍ୟ, ବାର୍ଟି ୨୦୧୫ରେ ଟେନିସ୍ରୁ ବିଶ୍ରାମ ନେଇ ପ୍ରଫେସନାଲ କ୍ରିକେଟ ଖେଳିଥିଲେ।
