ମୁମ୍ବାଇ: ବିଗତ ଦିନରେ ବଲିଉଡର କିଛି ଫିଲ୍ମରେ ହୋଲିର ଝଲକ ଦେଖିବାକୁ ମିଳିଥିଲା। ହୋଲି ଗୀତ ସହିତ ଅଭିନେତ୍ରୀ, ଅଭିନେତାଙ୍କ ଡ୍ୟାନ୍ସ ଦର୍ଶକଙ୍କ ଦୃଶ୍ୟପଟରେ ଆଜି ବି ଅଭୁଲା।
ସିଲ୍ସିଲା:
ଏହି ଫିଲ୍ମର ହୋଲି ଗୀତରେ ଅମିତାଭ, ଜୟା ବଚ୍ଚନ ଏବଂ ରେଖା ବେଶ୍ ମତୁଆଲା ହୋଇଥିଲେ। ଗୀତଟି ଥିଲା ‘ହୋ ରଙ୍ଗ ବର୍ସେ ଭିଗେ ଚୁନ୍ରିବାଲି ରଙ୍ଗ ବର୍ସେ’। ଏହା ଖୁବ୍୍ ଲୋକପ୍ରିୟ ହୋଇଥିଲା। ହୋଲି ଆସିବା କ୍ଷଣି ସବୁଠି ଏହି ଗୀତ ବାଜିଥାଏ।
ଗୁଲାବ୍ ଗ୍ୟାଙ୍ଗ୍:
ଏହି ଫିଲ୍ମ ଗୀତ ‘ରଙ୍ଗ୍ ଦେ ହୋଲି’ରେ ଧକ୍ଧକ୍ ଗାର୍ଲ ମାଧୁରୀଙ୍କ ଡ୍ୟାନ୍ସ ଦର୍ଶକଙ୍କ ହୃଦୟକୁ ଛୁଇଁ ଯାଇଥିଲା।
ୟେ ଜଓ୍ବାନୀ, ହୈ ଦିଓ୍ବାନୀ:
ଏଥିରେ ଦୀପିକା ପାଦୁକୋନ୍ ଏବଂ ରଣବୀର କପୁର ଅଭିନୟ କରିଥିଲେ। ଗୀତ ‘ବଲମ୍ ପିଚ୍କାରୀ’ରେ ଦୀପିକା-ରଣବୀରଙ୍କ ହୋଲି ଖେଳ ବହୁ ମଜାଦାର ଥିଲା। ରଣବୀର ଦୀପିକାଙ୍କ ମୁହଁକୁ ପୂରା ଗୋଲାପି ରଙ୍ଗରେ ରଙ୍ଗାଇ ଦେଇଥିଲେ। ଏହି ଫିଲ୍ମରେ ହିଁ ଦୀପିକା – ରଣବୀରଙ୍କ ପ୍ରେମସମ୍ପର୍କ ଚାଲିଥିବା ସେତେବେଳେ ଚର୍ଚ୍ଚା ହୋଇଥିଲା।
ହମ୍ ଦିଲ୍ ଦେ ଚୁକେ ସନମ୍:
ଏହି ଫିଲ୍ମରେ ସଲମାନ୍ ଖାଁ ଏବଂ ନୀଳନୟନା ଐଶ୍ୱର୍ଯ୍ୟା ରାୟ ହୋଲି ଗୀତରେ ଧୁମ୍ ମଚାଇଥିଲେ। ‘ଢୋଲ୍ ତାର ବାଜେରେ ବାଜେରେ ଢମ୍ ଢମ୍ ବାଜେ ଢୋଲ୍’ ଗୀତଟି ବେଶ୍ ମନଛୁଆଁ ହୋଇଥିଲା।
ସେହିପରି ରାମଲୀଲା, ରଙ୍ଗିଲା, ଦିଲ୍ ସେ, ଦେବଦାସ ପରି ଫିଲ୍ମରେ ହୋଲି ଗୀତ ବେଶ୍ ଲୋକପ୍ରିୟ। ଆଜି ବି ଏସବୁ ଫିଲ୍ମର ହୋଲି ଗୀତ କେଉଁଠି ବାଜିଲେ ଶ୍ରୋତା କିଛି ସମୟ ପାଇଁ ଆନମନା ହୋଇଯା’ନ୍ତି।
