ବରଗଡ଼ ଅଫିସ,୪।୨: ବରଗଡ଼ ସହରରେ ରହିଥିବା ପୁରୁଣା ଜିଲା ମୁଖ୍ୟ ଡାକ୍ତରଖାନାକୁ ସିଟି ହସପିଟାଲ ଘୋଷଣା ଦାବିରେ ମଙ୍ଗଳବାର ସ୍ଥାନୀୟ ଏକତା ମଞ୍ଚ ଆହ୍ବାନରେ ବରଗଡ଼ ସହରରେ ବନ୍ଦ ପାଳନ କରାଯାଉଛି । ତେବେ ହାଟପଦାସ୍ଥିତ ପରିବା ବଜାର ଖୋଲା ଥିବାବେଳେ ଅନ୍ୟ ଦୋକାନ ବନ୍ଦ ରହିଛି। ଅନ୍ୟପକ୍ଷରେ ଟୁକୁର୍ଲା (ଖେଦାପାଲି)ସ୍ଥିତ ନୂତନ ଜିଲା ମୁଖ୍ୟ ଡାକ୍ତରଖାନାକୁ ଅନ୍ୟଦିନ ଭଳି ମଙ୍ଗଳବାର ସ୍ବତନ୍ତ୍ର ବସ୍ ସେବା ଉପଲବ୍ଧ ନ ଥିବା ଯୋଗୁ ଅନେକ ସ୍ବାସ୍ଥ୍ୟକର୍ମୀ ସେଠାକୁ ଯାଇ ନ ପାରି ସ୍ଥାନୀୟ ସରକାରୀ ବସ୍ଷ୍ଟାଣ୍ଡ ପରିସରରେ ଛିଡ଼ା ହୋଇ ରହିଥିବା ଦେଖିବାକୁ ମିଳିଛି। ଏହି ସ୍ବାସ୍ଥ୍ୟକର୍ମୀମାନେ ନୂତନ ଜିଲା ମୁଖ୍ୟ ଡାକ୍ତରଖାନାକୁ ଗଲେ ସେଠାରେ ରହିଥିବା ସ୍ବାସ୍ଥ୍ୟ କର୍ମଚାରୀମାନେ ରିଲିଭ ହୋଇ ପୁରୁଣା ଜିଲା ମୁଖ୍ୟ ଡାକ୍ତରଖାନାକୁ ଆସିବାର କାର୍ଯ୍ୟକ୍ରମ ରହିଛି।
ପ୍ରକାଶ ଯେ, ସୋମବାର ଜନ ଆନ୍ଦୋଳନ ପରେ ପୁରୁଣା ଜିଲା ମୁଖ୍ୟ ଡାକ୍ତରଖାନାକୁ କାର୍ଯ୍ୟକ୍ଷମ କରାଯାଇଛି। ମାତ୍ର ସିଟି ହସ୍ପିଟାଲ ଘୋଷଣା ଦାବିରେ ଏକତା ମଞ୍ଚ ପୁଣି ବନ୍ଦ ଡାକରା ଦେଇଛି।
