ପ୍ରଧାନମନ୍ତ୍ରୀଙ୍କୁ ଖୋଲାଚିଠି ଲେଖି: ଫସିଲେ ୫୦ ସେଲିବ୍ରିଟି

ନୂଆଦିଲ୍ଲୀ: ଦେଶରେ ବଢ଼ିଚାଲିଥିବା ଭିଡ଼ହିଂସା ନେଇ ପ୍ରଧାନମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିବା ସେଲିବ୍ରିଟିମାନଙ୍କୁ ମହଙ୍ଗା ପଡ଼ିଛି। ବିହାରର ମୁଜାଫରପୁର ଜିଲାରେ ଏକ ସ୍ଥାନୀୟ କୋର୍ଟଙ୍କ ନିର୍ଦ୍ଦେଶକ୍ରମେ ୫୦ ସେଲିବ୍ରିଟିଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ କରାଯିବା ପରେ ବିବାଦ ମୁଣ୍ଡ ଟେକିଛି। ସେଲିବ୍ରିଟିମାନେ ଆଇନ ବ୍ୟବସ୍ଥା ଉପରେ ପ୍ରଶ୍ନ ଉଠାଇ ଅସନ୍ତୋଷ ବ୍ୟକ୍ତ କରିଛନ୍ତି। ବଲିଉଡ୍‌ ଅଭିନେତ୍ରୀ କୋଙ୍କଣ ସେନ, ଅପର୍ଣ୍ଣା ସେନ ଶର୍ମା, ପ୍ରଯୋଜକ ମଣିରନତ୍ମ, ନିର୍ଦ୍ଦେଶକ ଶ୍ୟାମ୍‌ ବେନେଗାଲ, ଅନୁରାଗ କଶ୍ୟପ ଓ ଐତିହାସିକ ରାମଚନ୍ଦ୍ର ଗୁହା ଏବଂ ଅନ୍ୟ ୪୫ ସେଲିବ୍ରିଟି ଗତ ଜୁଲାଇରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିକଟକୁ ଏକ ଖୋଲାଚିଠି ଲେଖିଥିଲେ। ମୁସ୍‌ଲିମ, ଦଳିତ ଓ ଅନ୍ୟ ସଂଖ୍ୟାଲଘୁଙ୍କ ଉପରେ ହେଉଥିବା ଭିଡ଼ହିଂସା ତୁରନ୍ତ ବନ୍ଦ କରାଯିବା ଜରୁରୀ ବୋଲି ଏଥିରେ ସେମାନେ ଦର୍ଶାଇଥିଲେ। ‘ଜୟ ଶ୍ରୀରାମ’ସ୍ଲୋଗାନ କିପରି ଏକ ‘ଉତ୍ତେଜକ ଯୁଦ୍ଧ ଘୋଷଣା’ରେ ସୀମିତ ହୋଇଯାଇଛି ତାହା ଉଲ୍ଲେଖ କରିବା ସହ ଦେଶରେ ଗଣତନ୍ତ୍ର ଭୁଶୁଡ଼ିପଡ଼ିଥିବା ସେମାନଙ୍କ ଅସନ୍ତୋଷରୁ ସ୍ପଷ୍ଟ ହେଉଛି ବୋଲି ଲେଖିଥିଲେ। ଏହାକୁ ନେଇ ଦୁଇମାସ ତଳେ ସୁଧୀର କୁମାର ଓଝା ନାମକ ଜଣେ ଆଇନଜୀବୀ ବିଚାରବିଭାଗୀୟ ମୁଖ୍ୟ ମାଜିଷ୍ଟ୍ରେଟ୍‌ଙ୍କ କୋର୍ଟରେ ଏକ ପିଟିଶନ ଦାଏର କରିଥିଲେ। ଏଥିରେ ସେ ପ୍ରାୟ ୫୦ ସ୍ବାକ୍ଷରକାରୀଙ୍କୁ ଅଭିଯୁକ୍ତ ଦର୍ଶାଇ ଉଲ୍ଲେଖ କରିଥିଲେ, ସେମାନେ ଦେଶର ଛବିକୁ ମଳିନ କରିଛନ୍ତି। ଏହାସହ ପୃଥକୀକରଣ ପ୍ରବୃତ୍ତିକୁ ସମର୍ଥନ ଦେବା ସଙ୍ଗେ ସଙ୍ଗେ ପ୍ରଧାନମନ୍ତ୍ରୀଙ୍କ ପ୍ରଭାବଶାଳୀ ପ୍ରଦର୍ଶନକୁ ନୂ୍ୟନ କରିଦେଇଛନ୍ତି। ସିଜେଆଇ ସୂର୍ଯ୍ୟକାନ୍ତ ତିଓ୍ବାରି ଉକ୍ତ ଆବେଦନର ଶୁଣାଣି କରି ସେଲିବ୍ରିଟିମାନଙ୍କ ବିରୋଧରେ ମାମଲା ରୁଜୁ ପାଇଁ ନିର୍ଦ୍ଦେଶ ଦେଇଛନ୍ତି। ଏକ ସ୍ଥାନୀୟ ଅଦାଲତଙ୍କ ନିର୍ଦ୍ଦେଶକ୍ରମେ ସଦର ଥାନାରେ ଗୁରୁବାର ମାମଲା ରୁଜୁ ହୋଇଥିବା ମୁଜାଫରପୁର ଜିଲା ପୋଲିସର ଅଧିକାରୀମାନେ କହିଛନ୍ତି। ସେଲିବ୍ରିଟିମାନେ ଏହାକୁ ନେଇ ଶୁକ୍ରବାର ଅସନ୍ତୋଷ ବ୍ୟକ୍ତ କରିଛନ୍ତି। ଅପର୍ଣ୍ଣା ସେନ କହିଛନ୍ତି, ଦେଶଦ୍ରୋହ ମାମଲା ରୁଜୁ କରିବା ହାସ୍ୟାସ୍ପଦ ଓ ସମ୍ପୂର୍ଣ୍ଣ ଭାବେ ହଇରାଣ କରିବା ପାଇଁ ଉଦ୍ଦିଷ୍ଟ। ଆମ ଗଣତାନ୍ତ୍ରିକ ଅଧିକାରଗୁଡ଼ିକୁ ଏଭଳି ଭାବେ କ୍ରମଶଃ ଛଡ଼ାଇ ନିଆଯାଉଛି। ସେଲିବ୍ରିଟିଙ୍କ ବିରୋଧରେ ମାମଲା କରିବା ଓକିଲ ସୁଧୀର ଓଝାଙ୍କ ପୁରୁଣା ଅଭ୍ୟାସ। ପୂର୍ବରୁ ସେ ମୁଜାଫରପୁର ଜିଲା କୋର୍ଟରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ସମେତ ସଚିନ ତେନ୍ଦୁଲକର(୨୦୧୩ରେ ଭାରତ ରନତ୍ ପାଇବାବେଳେ), ଶାହରୁଖ୍‌ ଖାନ, ସଲମାନ ଖାନ, କଟ୍ରିନା କୈଫ୍‌, ଅରବିନ୍ଦ କେଜ୍‌ରିଓ୍ବାଲ ଓ ଆନ୍ନା ହାଜାରେଙ୍କ ବିରୋଧରେ ମଧ୍ୟ ଏପରି ପିଟିଶନ ଦାଏର କରିଥିଲେ। ଏହି ମାମଲା ପାଟନା ହାଇକୋର୍ଟକୁ ଯିବା ପରେ ଖାରଜ ହୋଇଯିବ। ଶ୍ୟାମ ବେନେଗାଲ କହିଛନ୍ତି, ଭିଡ଼ହିଂସା ଏକ ଗଣତାନ୍ତ୍ରିକ ସମାଜରେ ଗ୍ରହଣୀୟ ନୁହେଁ। ଏହା ବିରୋଧରେ ସ୍ବର ଉଠାଇବା ଯଦି ଦେଶଦ୍ରୋହ ତେବେ ସଂଜ୍ଞାଗୁଡ଼ିକ ବଦଳିବାରେ ଲାଗିଛି ବୋଲି ଧରିବାକୁ ହେବ। ସେହିପରି ଖୋଲାଚିଠିରେ ସ୍ବାକ୍ଷର କରିଥିବା ମାଲୟାଲମ ଫିଲ୍ମ ପ୍ରଯୋଜକ ଅଦୂର ଗୋପାଳକ୍ରିଷ୍ଣନ୍‌ କହିଛନ୍ତି, ଦେଶରେ ବିଚିତ୍ର ଘଟଣାମାନ ଘଟୁଛି। ଆମ ଦେଶରେ ଜଣେ ମହିଳା ନାଥୁରାମ ଗଡସେଙ୍କୁ ସ୍ମରଣ କରିବାକୁ ଯାଇ ଗାନ୍ଧିଜୀଙ୍କ ପ୍ରତିମୂର୍ତ୍ତିକୁ ଗୁଳି କରିଥିବାବେଳେ ତାଙ୍କ ବିରୋଧରେ କୌଣସି କୋର୍ଟରେ ମାମଲା ରୁଜୁ ହୋଇନାହିଁ। ସେହି ମହିଳା ଏବେ ପାର୍ଲାମେଣ୍ଟ ସଦସ୍ୟ। ଆମ ବିରୋଧରେ ମାମଲା ରୁଜୁ ପାଇଁ କୋର୍ଟଙ୍କ ନିର୍ଦ୍ଦେଶ ଆଇନ ବ୍ୟବସ୍ଥାକୁ ନେଇ ସନ୍ଦେହ ସୃଷ୍ଟି କରୁଛି। ସେହିପରି କଂଗ୍ରେସ ନେତା ରାହୁଲ ଗାନ୍ଧୀ ନିଜ ସଂସଦୀୟ ଆସନ ଓ୍ବାୟନାଡରେ କହିଛନ୍ତି, ପ୍ରଧାନମନ୍ତ୍ରୀ କିମ୍ବା ସରକାରଙ୍କ ବିରୋଧରେ ଯିଏ କିଛି କହୁଛନ୍ତି ତାଙ୍କୁ ଜେଲରେ ପୂରାଇ ଦିଆଯାଉଛି।


Enter your email to get our daily news in your inbox.

All Right Reserved By Dharitri.Com

ଗୋଟେ ପ୍ଲେଟ ବିରିୟାନିର ଦାମ୍‌ରେ କିଣିପାରିବେ ସୁନା

ଦୁନିଆରେ ଅନେକ ପ୍ରକାରର ଖାଦ୍ୟ ରହିଛି। ଏହି ଖାଦ୍ୟ ମଧ୍ୟରେ କେତେକ ସ୍ବାଦ ପାଇଁ ତ ଆଉ କେତେକ ସ୍ବତନ୍ତ୍ର ଉପାଦାନ ପାଇଁ ଜଣାଶୁଣା। ଭାରତର...

ହଜିଛି ଶୁଆ: ଫେରାଇ ଆଣିବାକୁ ସହର ସାରା ପୋଷ୍ଟର ମାରିଲେ ଶିକ୍ଷକ

ତ୍ତତ୍ତରପ୍ରଦେଶର ବାରଣସୀରେ ଏକ ହୃଦୟସ୍ପର୍ଶୀ ଘଟଣା ସାମ୍ନାକୁ ଆସିଛି। ନିଖୋଜ ପୋଷା ଶୁଆକୁ ଫେରାଇ ଆଣିବା ପାଇଁ ଏକ ପରିବାର ପୋଲିସଠାରୁ ଆରମ୍ଭ କରି ସହରର...

ଏଯାଏ ୧୧୫ ପ୍ରଘଟ

ନୂଆଦିଲ୍ଲୀ,୨୩ା୭”ଇସ୍ରାଏଲର ଏନ୍‌ଏସ୍‌ଓ କମ୍ପାନୀ ଦ୍ୱାରା ପ୍ରସ୍ତୁତ ପେଗାସସ୍‌ ସ୍ପାଏଓ୍ବେରକୁ ନେଇ ବିଶ୍ୱବ୍ୟାପୀ ଝଡ଼ ବହୁଛି। ଏହି ଗୁପ୍ତଚରଗିରି ସଫ୍ଟଓ୍ବେର ଜରିଆରେ ରାଜନେତା, ଖବରଦାତା, ଅଧିକାର କର୍ମୀ,...

ହିମାଚଳ ପ୍ରଦେଶରେ ଭୁସ୍ଖଳନ: ୯ ଜୀବନ ଗଲା, ୩ ଆହତ

ଶିମ୍‌ଲା,୨୫।୭: ହିମାଚଳ ପ୍ରଦେଶର କିନୌର ଜିଲାରେ ରବିବାର ଏକ ବଡ ଦୁର୍ଘଟଣା ହୋଇଛି। ଏକ ଭୂସ୍ଖଳନରେ ୯ ଜଣଙ୍କର ମୃତ୍ୟୁ ଘଟିଥିବା ବେଳେ ତିନି ଜଣ...

ଦୈନିକ ମୃତ୍ୟୁ ସଂଖ୍ୟା ୧୧ ଶହ ଟପିଲା …

ନୂଆଦିଲ୍ଲୀ, ୧।୨ : ଦେଶରେ କରୋନା ମହାମାରୀ ଯୋଗୁ ଆତଙ୍କ ଦେଖାଦେଇଛି। ଦୈନିକ ସଂକ୍ରମଣରେ କମୁଥିଲେ ମଧ୍ୟ ମୃତ୍ୟୁ ସଂଖ୍ୟା ବଢ଼ିବାରେ ଲାଗିଛି। ଗତ ୨୪...

ବିହାରରେ ମସ୍ତିକ ଜ୍ୱରରେ ପ୍ରାଣ ହରାଉଛନ୍ତି ଶିଶୁ, ସାଙ୍ଗଙ୍କ ସହ ପାର୍ଟି କରୁଛନ୍ତି ଚିରାଗ ପାଶଓ୍ବାନ

ପାଟଣା, ୧୮।୬: ବିହାରରେ ମସ୍ତିକ ଜ୍ୱରରେ ପ୍ରତି ଘଣ୍ଟାରେ ଶିଶୁ ମୃତ୍ୟୁ ଖବର ଆସୁଥିଲାବେଳେ ସେପଟେ ଗୋଆରେ ଯୁବତୀଙ୍କ ସହ ପାର୍ଟି କରୁଛନ୍ତି ଲୋକ ଜନଶକ୍ତି...

ସୁଶୀଲ ମୋଦିଙ୍କ ନାଁରେ ସାଧାରଣ ଜନତାଙ୍କ ଅଭିଯୋଗ

ପାଟନା,୩ ।୧୧: ମଙ୍ଗଳବାର ସକାଳେ ଆରମ୍ଭ ହୋଇଛି ବିହାର ବିଧାନସଭାର ଦ୍ୱିତୀୟ ପର୍ଯ୍ୟାୟ ଭୋଟ ଗ୍ରହଣ । ପାଟନାରେ ବିହାରର ଉପମୁଖ୍ୟମନ୍ତ୍ରୀ ସୁଶୀଲ ମୋଦି ଭୋଟ...

କରୋନା ଯୋଗୁ ତୁଟିଲା ବାପ-ପୁଅ ସମ୍ପର୍କ

ଲକ୍ଷ୍ନୌ,୩୧।୫: କରୋନା ସମୟରେ ଅନେକ ଲୋକ ବିଭିନ୍ନ ସ୍ଥିତି ଦେଇ ଗତି କରୁଛନ୍ତି। କେହି ନିଜ ଆତ୍ମୀୟଙ୍କୁ ହରାଇଥିବା ବେଳେ ଆଉ କେହି ନିଜର ଚାକିରି...

Advertisement
Archives

Model This Week