ମୁମ୍ବାଇ, ୩।୬: ପ୍ରଚାର ଏବଂ ପ୍ରତିଶ୍ରୁତିରେ ସମୟ ନ ବିତାଇ କାମ କରିବାକୁ ଭାଜପାକୁ ଶିବସେନା ପରାମର୍ଶ ଦେଇଛି। ଏନେଇ ଶିବସେନା ମୁଖପତ୍ର ସାମନାରେ ଲେଖା ପ୍ରକାଶ ପାଇଛି। ଏଥିରେ ଭାଜପା ସରକାର ଦେଶର ଜିଡିପି ଏବଂ ବେକାରି ସମସ୍ୟା ଉପରେ ଗୁରୁତ୍ୱ ଦେବାକୁ ପରାମର୍ଶ ଦିଆଯାଇଛି। ଗତ ୫ ବର୍ଷରେ କେନ୍ଦ୍ର ସରକାରଙ୍କୁ ୧୦ କୋଟି ନିଯୁକ୍ତି ଲକ୍ଷ ପାର କରିବାକୁ ଥିତ୍ବା ସମ୍ପର୍କରେ ଶିବସେନା କହିଛି। ପ୍ରଧାନମନ୍ତ୍ରୀ ନରେନ୍ଦ ମୋଦି ସରକାର ଗତ ୫ ବର୍ଷରେ ବର୍ଷ ପିଛା ୨ କୋଟି ନିଯୁକ୍ତି ଲକ୍ଷ୍ୟ ପୂରଣ ପାଇଁ ପ୍ରତିଶ୍ରୁତି ଦେଇଥିଲେ। ତେବେ ଏହା ହୋଇପାରିନାହିଁ। ତେଣୁ ଏହା ପୂରଣ ପାଇଁ ଉଦ୍ୟମ ହେବା ଜରୁରୀ ବୋଲି ଶିବସେନା କହିଛି। ନିର୍ବାଚନ ପୂର୍ବରୁ କେନ୍ଦ୍ର ସରକାର ୩ ଶହ ଆମେରିକା କମ୍ପାନୀ ଚାଇନା ଛାଡି ଭାରତ ଆସୁଥିବା ସୂଚନା ଦେଇଥିଲେ। ତେବେ ମୋଦି ସରକାର ଦାୟିତ୍ୱ ସମ୍ଭାଳିବା ପରେ ଏବେ ଆମେରିକାର ଡୋନାଲ୍ଟ ଟ୍ରମ୍ପ୍ ସରକାର ଭାରତ ଉପରେ ବ୍ୟବସାୟ ପ୍ରତିବନ୍ଧକ ଲଗାଇଛନ୍ତି। ଏହାର ସମାଧାନ ସରକାର ଶୀଘ୍ର କରିବା ଆବଶ୍ୟକ ବୋଲି ଶିବସେନା କହିଛି।
