ପୋଡ଼ିଗଲା ମୋଡେମ୍‌, ୫ ଦିନ ହେଲା ଇଣ୍ଟରନେଟ୍‌ ବନ୍ଦ: ରସୁଲଗଡ଼ ପୋଷ୍ଟ ଅଫିସରେ ଅଚଳାବସ୍ଥା

ଭୁବନେଶ୍ୱର, ୨୫।୬(ବ୍ୟୁରୋ): ଇଣ୍ଟରନେଟ୍‌ ମୋଡେମ୍‌ ପୋଡ଼ିଯିବାରୁ ରସୁଲଗଡ଼ ପୋଷ୍ଟ ଅଫିସ ୫ଦିନ ହେବ ଅଚଳ ହୋଇପଡିଛି। ଚିଠି କାରବାର ବାଧାପ୍ରାପ୍ତ ହୋଇଥିବାବେଳେ ଇଣ୍ଟରନେଟ୍‌ ଉପରେ ନିର୍ଭର କରୁଥିବା ବ୍ୟାଙ୍କିଙ୍ଗ୍‌ ଓ ଅନ୍ୟ ସେବା ବନ୍ଦ ହୋଇଯାଇଛି। ଫଳରେ ପ୍ରତିଦିନ ସାଧାରଣ ଲୋକେ ସେବା ନ ପାଇ ନିରାଶରେ ଫେରୁଛନ୍ତି। ରାଜ୍ୟରେ ଡାକସେବାକୁ ବ୍ୟାପକ କରିବାକୁ ପଦକ୍ଷେପ ନିଆଯାଉଛି। ଆଗକୁ ମଧ୍ୟ ଅନେକ ନୂଆ ପଦକ୍ଷେପ ପାଇଁ ପ୍ରକ୍ରିୟା ଚାଲିଛି। ଭୁବନେଶ୍ୱରରେ ଆରମ୍ଭ ହେବାକୁ ଯାଉଥିବା ୩ଟି ପୋଷ୍ଟାଲ ପାର୍ସଲ ହବ୍‌ ମଧ୍ୟରେ ରସୁଲଗଡ଼ ପୋଷ୍ଟ ଅଫିସ ରହିଛି। ହେଲେ ନାନା ଅବ୍ୟବସ୍ଥା ଓ ଏବେର ପରିସ୍ଥିତିକୁ ଦେଖିଲେ ପାର୍ସଲ ହବ୍‌ କେତେ ସଫଳ ଭାବେ କାର୍ଯ୍ୟ କରିବ ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।
ମିଳିଥିବା ସୂଚନାନୁସାରେ, ରସୁଲଗଡ଼ ପୋଷ୍ଟ ଅଫିସକୁ ସିଫି ଓ ବିଏସ୍‌ଏନ୍‌ଏଲ୍‌ ପକ୍ଷରୁ ଇଣ୍ଟରନେଟ୍‌ ସେବା ଯୋଗାଇ ଦିଆଯାଉଛି। ଗତ ୧୯ ତାରିଖରେ ଇଣ୍ଟରନେଟ୍‌ ସେବା ବାଧାପ୍ରାପ୍ତ ହୋଇଥିଲା। ହେଲେ ୨୦ ତାରିଖରେ ବ୍ରଡ୍‌ବ୍ୟାଣ୍ଡ୍‌ ମୋଡେମ ବକ୍ସଟି ପୋଡିଯିବାରୁ ଏହି ସେବା ସମ୍ପୂର୍ଣ୍ଣ ବନ୍ଦ ରହିଛି। ଫଳରେ ମାନୁଆଲ କାର୍ଯ୍ୟକୁ ଛାଡିଲେ ଇଣ୍ଟରନେଟ୍‌ ଉପରେ ନିର୍ଭର କରୁଥିବା କୌଣସି କାର୍ଯ୍ୟ ହୋଇପାରୁନି। ଲୋକେ ଖରା ବର୍ଷାରେ ପୋଷ୍ଟ ଅଫିସ ଯାଇ ସେବା ନ ପାଇ ଅସନ୍ତୋଷରେ ଫେରୁଛନ୍ତି। ଭାରତୀୟ ଡ଼ାକ ସେବା ପକ୍ଷରୁ ଗତବର୍ଷଠାରୁ ରାଜ୍ୟରେ ଇଣ୍ଡିଆନ ପୋଷ୍ଟ ପେମେଣ୍ଟ ବ୍ୟାଙ୍କ (ଆଇପିପିବି) କାର୍ଯ୍ୟ କରୁଛି। ୩୩ଟି ଆଇପିବି ଶାଖା କାର୍ଯ୍ୟ କରୁଥିବାବେଳେ ୬୮୫୯ଟି ଡ଼ାକଘରେ ଏହି ସେବା ଯୋଗାଇ ଦିଆଯାଉଛି। ଗତ ୫ଦିନ ହେଲା ରସୁଲଗଡ଼ ପୋଷ୍ଟ ଅଫିସରେ ଏହି ସେବା ବନ୍ଦ ରହିଛି। ଟଙ୍କା କାରବାର ପାଇଁ ଆଇପିପିବି ଉପଭୋକ୍ତାମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ନୂଆ ଆକାଉଣ୍ଟ ମଧ୍ୟ ଖୋଲିପାରୁ ନାହାନ୍ତି। ତେବେ ଗତ କିଛିଦିନ ତଳେ ଓଡ଼ିଶା ଡାକ ପରିମଣ୍ଡଳର ମୁଖ୍ୟ ଡ଼ାକପାଳ ସନ୍ତୋଷ କାମିଳା ଏକ ଖବରଦାତା ସମ୍ମିଳନୀରେ ଭାରତୀୟ ଡ଼ାକ ସେବା ଉପରେ ଲୋକ ଭରସା ରଖିବାକୁ ପରାମର୍ଶ ଦେଇଥିଲେ। ଏପରି ସେବା ଯୋଗାଇଲେ ଲୋକେ କାହିଁକି ଭାରତୀୟ ଡ଼ାକ ସେବା ଓ ପୋଷ୍ଟାଲ ବ୍ୟାଙ୍କ୍‌ ଉପରେ ଭରସା ରଖିବେ ବୋଲି ସେଠାରେ ଉପସ୍ଥିତ ଆକାଉଣ୍ଟଧାରୀ ରାଜେନ୍ଦ୍ର ରାଉଳ ପ୍ରକାଶ କରିଛନ୍ତି।
ଉଲ୍ଲେଖଯେଗ୍ୟ, ରସୁଲଗଡ଼ ପୋଷ୍ଟ ଅଫିସ୍‌କୁ ପାର୍ସଲ ଲାଗି ନୋଡାଲ ସେଣ୍ଟର କରିବା ପାଇଁ ଘୋଷଣା କରାଯିବା ପରେ ନୂଆ ଉପକରଣ ଆସିଛି। ହେଲେ ଏବେ ସେଠାରେ କର୍ମଚାରୀ ଅଭାବ ରହିଛି। ବିଭିନ୍ନ ସମୟରେ ଚିଠିଗୁଡ଼ିକୁ ଲୋକଙ୍କ ନିକଟରେ ଠିକ୍‌ ସମୟରେ ପହଞ୍ଚାଯାଇପାରୁନି। ଅଧିକାଂଶ ସମୟରେ ଇଣ୍ଟରନେଟ୍‌ ଲିଙ୍କ୍‌ ରହୁନି। ସବୁବେଳେ ସର୍ଭର ଜାମ ପରି ସମସ୍ୟା ଦେଖାଦେଉଛି। ଭୁବନେଶ୍ୱର ପୁଣି ପାର୍ସଲ ନୋଡାଲ ସେଣ୍ଟର ହୋଇଥିବା ରସୁଲଗଡ଼ ପୋଷ୍ଟ ଅଫିସର ଅବସ୍ଥା ଏପରି ରହିଥିବାବେଳେ ରାଜ୍ୟର ଗ୍ରାମୀଣ ଡାକ ସେବା କିପରି ଚାଲିଛି ତାହା ଏଥିରୁ ବାରି ହୋଇପଡୁଛି।

ସ୍ଥିତପ୍ରଜ୍ଞ ମିଶ୍ର


Enter your email to get our daily news in your inbox.

All Right Reserved By Dharitri.Com

ପୂର୍ବତନ ସଦସ୍ୟଙ୍କ ବିୟୋଗରେ ବିଧାନସଭାରେ ଶୋକ

ଭୁବନେଶ୍ୱର,୧୩।୧୧(ବ୍ୟୁରୋ): ବିଧାନସଭାର ପୂର୍ବତନ ସଦସ୍ୟଙ୍କ ବିୟୋଗରେ ବୁଧବାର ଗୃହରେ ଶୋକ ପ୍ରସ୍ତାବ ଆଗତ କରାଯାଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପରଲୋକଗତ ସଦସ୍ୟ ସାହୁରା ମଲ୍ଲିକ, ଉଦୀପ...

କଟକରେ ୫ଟି ସଚିବ: ବିଭିନ୍ନ ପ୍ରକଳ୍ପର କଲେ ଅନୁଧ୍ୟାନ

କଟକ ଅଫିସ,୨୨।୧: କଟକରେ ପହଞ୍ଚିଛନ୍ତି ୫ଟି ସଚିବ ଭି.ପାଣ୍ଡିଆନ। ବୁଧବାର ସକାଳ ୫ଟାରେ କଟକ ଗସ୍ତ କରି ବିଭିନ୍ନ ପ୍ରକଳ୍ପ କାର୍ଯ୍ୟର ଅନୁଧ୍ୟାନ କରିଛନ୍ତି। ମୁଖ୍ୟତଃ...

୭ଶହ ହେକ୍ଟର ଧାନ ଫସଲ କ୍ଷତିଗ୍ରସ୍ତ

ପୁରୀ ଅଫିସ/ କୋଣାର୍କ (ଡି.ଏନ୍‌.ଏ),୨୧।୫: ପୁରୀ ଜିଲାରେ ସାମୁଦ୍ରିକ ବାତ୍ୟା ଅମ୍ଫନର ପ୍ରଭାବ ପଡ଼ିଛି। ବଡ଼ଧରଣର କ୍ଷୟକ୍ଷତି ହୋଇ ନ ଥିଲେ ମଧ୍ୟ ଉପକୂଳବର୍ତ୍ତୀ ଅଞ୍ଚଳର...

ବାଲେଶ୍ୱରରେ ଆତ୍ମହତ୍ୟାର ଲାଇଭ ଭିଡିଓ

ଖଇରା,୧୧।୭(ଡି.ଏନ.ଏ.)-ବାଲେଶ୍ବର ଜିଲା ଖଇରା ଥାନା ସାରୁଗାଁ ପଞ୍ଚାୟତ ଅଧୀନ ମିଟୁଆଣି ଗ୍ରାମର ପିତାମ୍ବର ଲେଙ୍କା(୩୮)ନିଜର ଲାଇଭ ଭିଡିଓ ମାଧ୍ୟମରେ ଆତ୍ମହତ୍ୟା କରିବା ଘଟଣା ନେଇ ଏକ...

ସ୍ନେହାଙ୍ଗୀନି ଛୁରିଆ ବିଜେଡି ମହିଳା ସଭାନେତ୍ରୀ

ଭୁବନେଶ୍ୱର,୩୧ା୧୨(ବ୍ୟୁରୋ)- ବିଜୁ ଜନତା ଦଳର ମହିଳା ସଭାନେତ୍ରୀ ଭାବେ ପୂର୍ବତନ ମନ୍ତ୍ରୀ ସ୍ନେହାଙ୍ଗୀନି ଛୁରିଆଙ୍କୁ ନିଯୁକ୍ତି ଦିଆଯାଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅନୁମୋଦନ କ୍ରମେ ଏହି...

ଦାଦାଙ୍କ ଯୋଗୁ ଦହିବରା ବିକିପାରୁଛି

ଦିନେ କାମ ଖୋଜିବାକୁ ଘର ଘର ବୁଲୁଥିଲି। ମୂଲ ମଜୁରି କରି ପେଟ ପୋଷିବାକୁ ଚେଷ୍ଟା କରୁଥିଲି। ହେଲେ ଦାଦାଙ୍କ ଦହିବରା ବ୍ୟବସାୟ ଓ ଏକ...

ବିଧାନସଭାରେ ବିରୋଧୀ ମୁହାଁମୁହିଁ: ହାଇକୋର୍ଟ ବେଞ୍ଚ ସ୍ଥାପନକୁ ନେଇ କଂଗ୍ରେସର ହଟ୍ଟଗୋଳ, ଗୃହ ମୁଲତବୀ

ଭୁବନେଶ୍ୱର,୧୬।୭(ବ୍ୟୁରୋ): ବିଧାନସଭାରେ ବିରୋଧୀ ଦଳ ଦୁଇଫାଳ। ସରକାରଙ୍କୁ ଘେରିବା ପରିବର୍ତ୍ତେ ପରସ୍ପରକୁ ବିରୋଧ କରୁଛନ୍ତି। ଭିନ୍ନ ଭିନ୍ନ ପ୍ରସଙ୍ଗରେ ଉଭୟ କଂଗ୍ରେସ ଓ ଭାଜପା ବିଧାନସଭାରେ...

ଅଗଣାରେ ଛିଡ଼ା ହୋଇଥିଲା ମୃତ୍ୟୁ

କେନ୍ଦୁଝର/ତେଲକୋଇ୧୭।୨: କେନ୍ଦୁଝର ଜିଲା ତେଲକୋଇ ରେଞ୍ଜ ଅଧୀନ ଜଗମୋହନପୁର ଗ୍ରାମରେ ଏକ ଦନ୍ତା ହାତୀ ଆକ୍ରମଣରେ ଜଣେ ମହିଳାଙ୍କ ମୃତ୍ୟୁ ହୋଇଛି। ମୃତକ ହେଲେ ଜାନକୀ...

Advertisement


Archives

Model This Week

Why Dharitri