ପେଟରେ କାଠଫାଳିଆ ପଶି ମହିଳା ମୃତ
11:35 pmOctober 22, 2019 / 21

ବ୍ରହ୍ମପୁର ଅଫିସ,୨୨ା୧୦- ପେଟରେ କାଠଫାଳିଆ ପଶି ଗୁରୁତର ହୋଇଥିବା ଜଣେ ମହିଳାଙ୍କର ଏମ୍‌କେସିଜି ମେଡିକାଲରେ ମଙ୍ଗଳବାର ମୃତ୍ୟୁ ଘଟିଛି। ମୃତ ମହିଳା ଜଣକ ଗାଙ୍ଗପୁର ଥାନା ଅନ୍ତର୍ଗତ ପାଣିବନ୍ଧ ଗ୍ରାମର ସୁରେନ୍ଦ୍ର ଗୌଡ଼ଙ୍କ ସ୍ତ୍ରୀ ସୁକାନ୍ତି (୪୦)। ମେଡିକାଲ ଫାଣ୍ଡି ପୋଲିସ ମୃତଦେହ ଜବତ କରି ନଂ.୫୫୮/୧୯ରେ ଏକ ଅପମୃତ୍ୟୁ ମାମଲା ରୁଜୁୁ କରିଛି। ଘଟଣାରୁ ପ୍ରକାଶ, ସୁକାନ୍ତିଙ୍କ ପଡୋଶୀ ଘର କାନ୍ଥ ନିର୍ମାଣ ଚାଲିଥିଲା। କାନ୍ଥକୁ ଠେସ ଦେବା ପାଇଁ ବ୍ୟବହୃତ ହୋଇଥିବା ଏକ କାଠଫାଳିଆ ହଠାତ ଖସି ଆସି ସେଠାରେ ଠିଆ ହୋଇଥିବା ସୁକାନ୍ତିଙ୍କ ପେଟରେ ପଶି ଯାଇଥିଲା। ଫଳରେ ତାଙ୍କ ପେଟରୁ ଗଭୀର ରକ୍ତସ୍ରାବ ହୋଇଥିଲା। ଗୁରୁତର ଅବସ୍ଥାରେ ପ୍ରଥମେ ତାଙ୍କୁ ଆସିକା ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ପରେ ଏମ୍‌କେସିଜି ମେଡିକାଲକୁ ସ୍ଥାନାନ୍ତର କରାଯାଇଥିଲା। ଚିକିତ୍ସାଧୀନ ଅବସ୍ଥାରେ ମଙ୍ଗଳବାର ସକାଳେ ସୁକାନ୍ତିଙ୍କର ମୃତ୍ୟୁ ହୋଇଥିଲା।