ହିଞ୍ଜିଳିକାଟୁ,୨୮ା୯(ଡି.ଏନ୍.ଏ.) -ହିଞ୍ଜିଳି ଥାନା ତହଁର ଗ୍ରାମର ପୂର୍ବତନ ସରପଞ୍ଚ ପଦ୍ମଚରଣ ପାଢୀଙ୍କୁ ମରଣାନ୍ତକ ଆକ୍ରମଣ ଘଟଣାରେ ୨ଜଣ ଅଭିଯୁକ୍ତଙ୍କୁ ପୋଲିସ ଶୁକ୍ରବାର ଗିରଫ କରିଛି। ସେମାନେ ହେଲେ ଆସିକା ଥାନା ସୁନାରୀ ସାହିର ସମୀର ସାହୁ (୨୦) ଓ ଓଡ଼ଗଁ। ଥାନା ରଙ୍ଗଣିପାଟଣା ଗ୍ରାମର ଜିତେନ୍ଦ୍ର ପ୍ରଧାନ (୨୦)। ପ୍ରକାଶ ଥାଉ କି, ଗତ ୧୧ ତାରିଖ ରାତିରେ ପଦ୍ମଚରଣ ଶୌଚାଳୟ ଯିବାକୁ ବାରିପଟ କବାଟ ଖୋଲିବାବେଳେ ପୂର୍ବରୁ ପ୍ରସ୍ତୁତ ହୋଇଥିବା ୪ଦୁର୍ବୃତ୍ତ ତାଙ୍କୁ ଲୁହା ରଡ଼ ଓ ଛୁରୀରେ ଆକ୍ରମଣ କରିଥିଲେ। ତାଙ୍କ ମୁଣ୍ଡ ଓ ଛାତିରେ ଗୁରୁତର ଆଘାତ ଲାଗିଥିବାରୁ ବ୍ରହ୍ମପୁର ବଡ଼ ମେଡିକାଲରେ ଚିକିତ୍ସିତ ହୋଇଥିଲେ। ଏନେଇ ପଦ୍ମଚରଣଙ୍କ ପୁତୁରା ଅରୁଣ ଥାନାରେ ଅଭିଯୋଗ କରିଥିଲେ। ନଂ.୨୩୬/୧୧ରେ ମାମଲା ରୁଜୁ କରି ପୋଲିସ ତଦନ୍ତ ଚଳାଇଥିଲା। ଗୁରୁବାର ଗିରଫ ୨ଅଭିଯୁକ୍ତଙ୍କୁ ପୋଲିସ ଭୁବନେଶ୍ୱର ସାଲିଆ ସାହିରୁ ଗିରଫ କରିଛି। ଘଟଣାରେ ଜଡ଼ିତ ଅନ୍ୟ ୨ଜଣ ପେରାର ଅଛନ୍ତି। ଗିରଫ ୨ଜଣଙ୍କୁ ଶୁକ୍ରବାର ଶେରଗଡ଼ କୋର୍ଟକୁ ପଠାଯାଇଥିବା ଆଇଆଇସି ଅଭିମନ୍ୟୁ ଦାସଙ୍କ ଠାରୁ ପ୍ରକାଶ।
