ପୁଣି ଜୋର୍‌ ଧରିଲା ଏସ୍‌ଆଇଏ ସର୍ଭେ

ପୁରୀ ଅଫିସ,୧୧ା୧୦ : ଶ୍ରୀମନ୍ଦିର ସୁରକ୍ଷା ଜୋନରୁ ଜମି ଅଧିଗ୍ରହଣ ପାଇଁ ପ୍ରଶାସନ ପକ୍ଷରୁ ଚାଲିଛି ସାମାଜିକ ପ୍ରଭାବ ନିର୍ଦ୍ଧାରଣ (ଏସ୍‌ଆଇଏ) ସର୍ଭେ। ଉପଜିଲାପାଳ ଭବତାରଣ ସାହୁ ଏବଂ ୫ ଶିକ୍ଷାନବିସ ଆଇଏଏସ୍‌ ଅଧିକାରୀଙ୍କ ନେତୃତ୍ୱରେ ଗଠିତ ୫ ଟିମ୍‌ ଏହି ସର୍ଭେ କରୁଛନ୍ତି। ଦଶହରା ଛୁଟି ଯୋଗୁ ୩ଦିନ ସର୍ଭେ ବନ୍ଦ ରହିଥିବାବେଳେ ଏବେ ପୁଣି ଜୋର୍‌ଦାର ହୋଇଛି। ପ୍ରତ୍ୟେକ ଟିମ୍‌ ବିସ୍ଥାପିତ ହେବାକୁ ଥିବା ପରିବାରକୁ ଯାଇ ସବିଶେଷ ତଥ୍ୟ ସଂଗ୍ରହ କରୁଛନ୍ତି। ଏଥିସହ ସମ୍ପୃକ୍ତ ଘରର ଜମି ଏବଂ କୋଠାର ମାପଚୁପ ମଧ୍ୟ କରୁଛନ୍ତି। ଗୁରୁବାର ବିଭିନ୍ନ ମଠର ସର୍ଭେ କରାଯାଇଛି। ତେବେ ସର୍ଭେ ପାଇଁ ଧାର୍ଯ୍ୟ ସମୟ ଯେତେ ପାଖେଇ ଆସୁଛି ୧୦ ପ୍ରତିଶତ ଅଧିକ ସହାୟତା ରାଶି ନେବାକୁ ଲୋକଙ୍କ ମଧ୍ୟରେ ଆଗ୍ରହ ସେତେ ବୃଦ୍ଧି ପାଉଛି। ସର୍ଭେ ଶେଷ ହେବାକୁ ଆଉ ୧୩ ଦିନ ବାକି ଥିବାବେଳେ ଗୁରୁବାର ସୁଦ୍ଧା ୧୦ ପ୍ରତିଶତ ଅଧିକ ଆର୍ଥିକ ସହାୟତା ନେବାକୁ ୩୦ଟି ଆବେଦନ କରାଯାଇଛି।

ମେଘନାଦ ପାଚେରିଠାରୁ ୭୫ମିଟର ମଧ୍ୟରେ ଥିବା ମଠ, ମନ୍ଦିର, ଦୋକାନ, ଲଜ୍‌, ବାସଗୃହର ସର୍ଭେ କରାଯାଉଛି। ଗୁରୁବାର ପୂର୍ବାହ୍ନରେ ସର୍ଭେ ଟିମ୍‌ ପଶ୍ଚିମ ଦ୍ୱାରର ବାସେଳି ସାହି ମୌଜା, ଦକ୍ଷିଣଦ୍ୱାର ବରାହୀ ଲେନ୍‌ ଆଦି ସର୍ଭେ କରିଥିଲେ। ସେମାନେ ଘରକୁ ଘର ବୁଲି ଲୋକଙ୍କ ସହ କଥା ହୋଇଥିଲେ। ଦକ୍ଷିଣ ପାର୍ଶ୍ୱ ମଠରେ ମଧ୍ୟ ସର୍ଭେ ଦଳ ମଠ ଅଧିକାରୀଙ୍କ ସହ ଆଲୋଚନା କରିଥିଲେ। ପୁନଶ୍ଚ ଶୁକ୍ରବାର ଆସିବେ କହି ସେମାନେ ଫେରିଯାଇଥିଲେ। ଗତମାସ ୨୪ତାରିଖରେ ଏସ୍‌ଆଇଏ ସର୍ଭେ ଲାଗି ବିଜ୍ଞପ୍ତି ପ୍ରକାଶ ପାଇଥିବାବେଳେ ମାସକ ମଧ୍ୟରେ ଏହା ଶେଷ କରିବାକୁ ଲକ୍ଷ୍ୟ ରଖାଯାଇଛି। ଅନ୍ୟପକ୍ଷରେ ଜମି ଅଧିଗ୍ରହଣ ବିଜ୍ଞପ୍ତିର ଏକମାସ ମଧ୍ୟରେ ଜମି ହସ୍ତାନ୍ତର କରିବାକୁ ଚାହୁଁଥିବା ଲୋକଙ୍କ ସଂଖ୍ୟା ବଢୁଛି। ତେଣୁ ସର୍ଭେ ଟିମ୍‌ ଅଗ୍ରାଧିକାର ଭିତ୍ତିରେ ଏମାନଙ୍କ ଘରକୁ ଯାଇ ସର୍ଭେ କରୁଛନ୍ତି। ଅଧିଗ୍ରହଣ ବିଜ୍ଞପ୍ତିର ଏକମାସ ମଧ୍ୟରେ ଜମି ହସ୍ତାନ୍ତର କରିବାକୁ ଚାହୁଁଥିବା ଲୋକଙ୍କୁ ଶତକଡ଼ା ୧୦ ପ୍ରତିଶତ ଅଧିକ ସହାୟତା ମିଳିବ ବୋଲି ସରକାର ଘୋଷଣା କରିଥିବାରୁ କଣ୍ଟ୍ରୋଲ ରୁମ୍‌କୁ ଆସି ଲୋକେ ଆବେଦନ କରୁଛନ୍ତି। ସୁରକ୍ଷା ଜୋନ୍‌ ଜମି ଅଧିଗ୍ରହଣ ଅଧିକାରୀ କୈଳାସ ଚନ୍ଦ୍ର ନାୟକଙ୍କ ସୂଚନା ମୁତାବକ, ପ୍ରାୟ ୧୫ ଏକର ଜମି ଅଧିଗ୍ରହଣ କରାଯିବ। ଜମିର ମୂଲ୍ୟ ଏକର ପିଛା ୫ କୋଟି ୮୮ ଲକ୍ଷ ଟଙ୍କା ଧାର୍ଯ୍ୟ ହୋଇଛି। ଗୁରୁବାର ସୁଦ୍ଧା ୧୦୭ ପରିବାରର ତଥ୍ୟ ସଂଗ୍ରହ କରାଯାଇଛି। ଏଥିମଧ୍ୟରେ ବାସେଳିସାହି ମୌଜାରୁ ସର୍ବାଧିକ ୫୦ ପରିବାର ଥିବାବେଳେ ମଣିକର୍ଣ୍ଣିକା ସାହି ମୌଜାର ୩୦, ଚୁଡ଼ଙ୍ଗସାହି ମୌଜାର ୧୦ ଏବଂ ଦୋଳମଣ୍ଡପ ସାହି ମୌଜାର ୯ ପରିବାର ରହିଛନ୍ତି। ଏହି ଜୋନ ମଧ୍ୟରେ ମୋଟ ୩୪୨ଟି ପ୍ଲଟ ରହିଛି। ସେପ୍ଟେମ୍ବର ୨୪ରୁ ଅକ୍ଟୋବର ୨୩ ମଧ୍ୟରେ ଜମି ହସ୍ତାନ୍ତର କରିଥିବା ବ୍ୟକ୍ତିଙ୍କୁ ପ୍ୟାକେଜ ସହିତ ୧୦ ପ୍ରତିଶତ ଅଧିକ ଆର୍ଥିକ ସହାୟତା ଦେବା ଲାଗି ନିଷ୍ପତ୍ତି ହୋଇଛି। ଏଥିପାଇଁ ୩୦ଟି ଆବେଦନ ପହଞ୍ଚତ୍ଛି। ଲୋକେ ଭୂମି-ଅଧିଗ୍ରହଣ କାର୍ଯ୍ୟାଳୟକୁ ଆସି ସେମାନଙ୍କ ମନରେ ଥିବା ବିଭିନ୍ନ ପ୍ରକାର ସନ୍ଦେହ ଦୂର କରୁଛନ୍ତି ବୋଲି ଜମି ଅଧିଗ୍ରହଣ ଅଧିକାରୀ ନାୟକ କହିଛନ୍ତି। ଗୁରୁବାର ମଣିକର୍ଣ୍ଣିକା ସାହିର ବିଜୟ ସାହୁ ଓ ଅଜୟ ସାହୁ ଭୂମି-ଅଧିଗ୍ରହଣ କାର୍ଯ୍ୟାଳୟକୁ ଆସି ୧୦ ପ୍ରତିଶତ ଅଧିକ ଆର୍ଥିକ ସହାୟତା ପାଇଁ ଆବେଦନ କରିଥିଲେ। ବିଜୟ କହିଥିଲେ, ଜାଗା ଓ କୋଠାର କ୍ଷତିପୂରଣ ଅର୍ଥ ଆଗୁଆ ମିଳିବ ଏବଂ ପରେ ପୁନର୍ବାସ ଓ ଥଇଥାନ ସହାୟତା ପ୍ରଦାନ କରାଯିବ ବୋଲି ଅଧିକାରୀ କହୁଛନ୍ତି। ଆମ ଘର ଭାଙ୍ଗି ଜାଗା ନେଇଯିବା ପରେ ସହାୟତା ମିଳିବ କି ନାହିଁ ତାହାକୁ ନେଇ ମନରେ ସନ୍ଦେହ ଥିଲା। କିନ୍ତୁ ଜମି ଅଧିଗ୍ରହଣ ଅଧିକାରୀ ପ୍ୟାକେଜ ଏବଂ ପୁନର୍ବାସ ଓ ଥଇଥାନ ସହାୟତା ରାଶି ମିଳିସାରିବା ପରେ ଘର ଭଙ୍ଗାଯିବ ବୋଲି କହିଛନ୍ତି।

: ଶ୍ରୀମନ୍ଦିର ସୁରକ୍ଷା ଜୋନରୁ ଜମି ଅଧିଗ୍ରହଣ ପାଇଁ ପ୍ରଶାସନ ପକ୍ଷରୁ ଚାଲିଛି ସାମାଜିକ ପ୍ରଭାବ ନିର୍ଦ୍ଧାରଣ (ଏସ୍‌ଆଇଏ) ସର୍ଭେ। ଉପଜିଲାପାଳ ଭବତାରଣ ସାହୁ ଏବଂ ୫ ଶିକ୍ଷାନବିସ ଆଇଏଏସ୍‌ ଅଧିକାରୀଙ୍କ ନେତୃତ୍ୱରେ ଗଠିତ ୫ ଟିମ୍‌ ଏହି ସର୍ଭେ କରୁଛନ୍ତି। ଦଶହରା ଛୁଟି ଯୋଗୁ ୩ଦିନ ସର୍ଭେ ବନ୍ଦ ରହିଥିବାବେଳେ ଏବେ ପୁଣି ଜୋର୍‌ଦାର ହୋଇଛି। ପ୍ରତ୍ୟେକ ଟିମ୍‌ ବିସ୍ଥାପିତ ହେବାକୁ ଥିବା ପରିବାରକୁ ଯାଇ ସବିଶେଷ ତଥ୍ୟ ସଂଗ୍ରହ କରୁଛନ୍ତି। ଏଥିସହ ସମ୍ପୃକ୍ତ ଘରର ଜମି ଏବଂ କୋଠାର ମାପଚୁପ ମଧ୍ୟ କରୁଛନ୍ତି। ଗୁରୁବାର ବିଭିନ୍ନ ମଠର ସର୍ଭେ କରାଯାଇଛି। ତେବେ ସର୍ଭେ ପାଇଁ ଧାର୍ଯ୍ୟ ସମୟ ଯେତେ ପାଖେଇ ଆସୁଛି ୧୦ ପ୍ରତିଶତ ଅଧିକ ସହାୟତା ରାଶି ନେବାକୁ ଲୋକଙ୍କ ମଧ୍ୟରେ ଆଗ୍ରହ ସେତେ ବୃଦ୍ଧି ପାଉଛି। ସର୍ଭେ ଶେଷ ହେବାକୁ ଆଉ ୧୩ ଦିନ ବାକି ଥିବାବେଳେ ଗୁରୁବାର ସୁଦ୍ଧା ୧୦ ପ୍ରତିଶତ ଅଧିକ ଆର୍ଥିକ ସହାୟତା ନେବାକୁ ୩୦ଟି ଆବେଦନ କରାଯାଇଛି।
ମେଘନାଦ ପାଚେରିଠାରୁ ୭୫ମିଟର ମଧ୍ୟରେ ଥିବା ମଠ, ମନ୍ଦିର, ଦୋକାନ, ଲଜ୍‌, ବାସଗୃହର ସର୍ଭେ କରାଯାଉଛି। ଗୁରୁବାର ପୂର୍ବାହ୍ନରେ ସର୍ଭେ ଟିମ୍‌ ପଶ୍ଚିମ ଦ୍ୱାରର ବାସେଳି ସାହି ମୌଜା, ଦକ୍ଷିଣଦ୍ୱାର ବରାହୀ ଲେନ୍‌ ଆଦି ସର୍ଭେ କରିଥିଲେ। ସେମାନେ ଘରକୁ ଘର ବୁଲି ଲୋକଙ୍କ ସହ କଥା ହୋଇଥିଲେ। ଦକ୍ଷିଣ ପାର୍ଶ୍ୱ ମଠରେ ମଧ୍ୟ ସର୍ଭେ ଦଳ ମଠ ଅଧିକାରୀଙ୍କ ସହ ଆଲୋଚନା କରିଥିଲେ। ପୁନଶ୍ଚ ଶୁକ୍ରବାର ଆସିବେ କହି ସେମାନେ ଫେରିଯାଇଥିଲେ। ଗତମାସ ୨୪ତାରିଖରେ ଏସ୍‌ଆଇଏ ସର୍ଭେ ଲାଗି ବିଜ୍ଞପ୍ତି ପ୍ରକାଶ ପାଇଥିବାବେଳେ ମାସକ ମଧ୍ୟରେ ଏହା ଶେଷ କରିବାକୁ ଲକ୍ଷ୍ୟ ରଖାଯାଇଛି। ଅନ୍ୟପକ୍ଷରେ ଜମି ଅଧିଗ୍ରହଣ ବିଜ୍ଞପ୍ତିର ଏକମାସ ମଧ୍ୟରେ ଜମି ହସ୍ତାନ୍ତର କରିବାକୁ ଚାହୁଁଥିବା ଲୋକଙ୍କ ସଂଖ୍ୟା ବଢୁଛି। ତେଣୁ ସର୍ଭେ ଟିମ୍‌ ଅଗ୍ରାଧିକାର ଭିତ୍ତିରେ ଏମାନଙ୍କ ଘରକୁ ଯାଇ ସର୍ଭେ କରୁଛନ୍ତି। ଅଧିଗ୍ରହଣ ବିଜ୍ଞପ୍ତିର ଏକମାସ ମଧ୍ୟରେ ଜମି ହସ୍ତାନ୍ତର କରିବାକୁ ଚାହୁଁଥିବା ଲୋକଙ୍କୁ ଶତକଡ଼ା ୧୦ ପ୍ରତିଶତ ଅଧିକ ସହାୟତା ମିଳିବ ବୋଲି ସରକାର ଘୋଷଣା କରିଥିବାରୁ କଣ୍ଟ୍ରୋଲ ରୁମ୍‌କୁ ଆସି ଲୋକେ ଆବେଦନ କରୁଛନ୍ତି। ସୁରକ୍ଷା ଜୋନ୍‌ ଜମି ଅଧିଗ୍ରହଣ ଅଧିକାରୀ କୈଳାସ ଚନ୍ଦ୍ର ନାୟକଙ୍କ ସୂଚନା ମୁତାବକ, ପ୍ରାୟ ୧୫ ଏକର ଜମି ଅଧିଗ୍ରହଣ କରାଯିବ। ଜମିର ମୂଲ୍ୟ ଏକର ପିଛା ୫ କୋଟି ୮୮ ଲକ୍ଷ ଟଙ୍କା ଧାର୍ଯ୍ୟ ହୋଇଛି। ଗୁରୁବାର ସୁଦ୍ଧା ୧୦୭ ପରିବାରର ତଥ୍ୟ ସଂଗ୍ରହ କରାଯାଇଛି। ଏଥିମଧ୍ୟରେ ବାସେଳିସାହି ମୌଜାରୁ ସର୍ବାଧିକ ୫୦ ପରିବାର ଥିବାବେଳେ ମଣିକର୍ଣ୍ଣିକା ସାହି ମୌଜାର ୩୦, ଚୁଡ଼ଙ୍ଗସାହି ମୌଜାର ୧୦ ଏବଂ ଦୋଳମଣ୍ଡପ ସାହି ମୌଜାର ୯ ପରିବାର ରହିଛନ୍ତି। ଏହି ଜୋନ ମଧ୍ୟରେ ମୋଟ ୩୪୨ଟି ପ୍ଲଟ ରହିଛି। ସେପ୍ଟେମ୍ବର ୨୪ରୁ ଅକ୍ଟୋବର ୨୩ ମଧ୍ୟରେ ଜମି ହସ୍ତାନ୍ତର କରିଥିବା ବ୍ୟକ୍ତିଙ୍କୁ ପ୍ୟାକେଜ ସହିତ ୧୦ ପ୍ରତିଶତ ଅଧିକ ଆର୍ଥିକ ସହାୟତା ଦେବା ଲାଗି ନିଷ୍ପତ୍ତି ହୋଇଛି। ଏଥିପାଇଁ ୩୦ଟି ଆବେଦନ ପହଞ୍ଚତ୍ଛି। ଲୋକେ ଭୂମି-ଅଧିଗ୍ରହଣ କାର୍ଯ୍ୟାଳୟକୁ ଆସି ସେମାନଙ୍କ ମନରେ ଥିବା ବିଭିନ୍ନ ପ୍ରକାର ସନ୍ଦେହ ଦୂର କରୁଛନ୍ତି ବୋଲି ଜମି ଅଧିଗ୍ରହଣ ଅଧିକାରୀ ନାୟକ କହିଛନ୍ତି। ଗୁରୁବାର ମଣିକର୍ଣ୍ଣିକା ସାହିର ବିଜୟ ସାହୁ ଓ ଅଜୟ ସାହୁ ଭୂମି-ଅଧିଗ୍ରହଣ କାର୍ଯ୍ୟାଳୟକୁ ଆସି ୧୦ ପ୍ରତିଶତ ଅଧିକ ଆର୍ଥିକ ସହାୟତା ପାଇଁ ଆବେଦନ କରିଥିଲେ। ବିଜୟ କହିଥିଲେ, ଜାଗା ଓ କୋଠାର କ୍ଷତିପୂରଣ ଅର୍ଥ ଆଗୁଆ ମିଳିବ ଏବଂ ପରେ ପୁନର୍ବାସ ଓ ଥଇଥାନ ସହାୟତା ପ୍ରଦାନ କରାଯିବ ବୋଲି ଅଧିକାରୀ କହୁଛନ୍ତି। ଆମ ଘର ଭାଙ୍ଗି ଜାଗା ନେଇଯିବା ପରେ ସହାୟତା ମିଳିବ କି ନାହିଁ ତାହାକୁ ନେଇ ମନରେ ସନ୍ଦେହ ଥିଲା। କିନ୍ତୁ ଜମି ଅଧିଗ୍ରହଣ ଅଧିକାରୀ ପ୍ୟାକେଜ ଏବଂ ପୁନର୍ବାସ ଓ ଥଇଥାନ ସହାୟତା ରାଶି ମିଳିସାରିବା ପରେ ଘର ଭଙ୍ଗାଯିବ ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଖର୍ଚ୍ଚ ଉଠାଇ ପାରୁନାହାନ୍ତି କୋବିଚାଷୀ

ରସୁଲପୁର,୨।୧(ଡି.ଏନ.ଏ.): ରସୁଲପୁର ବ୍ଲକ ଅଞ୍ଚଳରେ କୋବିର ଅଭାବୀ ବିକ୍ରି ଦେଖାଦେଇଛି। ଗୋଟିଏ କୋବି ଉତ୍ପାଦନରେ ପାଖାପାଖି ୭ଟଙ୍କା ଖର୍ଚ୍ଚ ହେଉଥିବାବେଳେ ତାହା ବର୍ତ୍ତମାନ ୬ ଟଙ୍କାରେ ବିକ୍ରି...

ବ୍ୟବସାୟ ଆଳରେ ୩୨ଲକ୍ଷ ଠକେଇ

ବରଗଡ଼ ଅଫିସ୍‌,୪।୧୧: ବ୍ୟବସାୟିକ ପ୍ରଲୋଭନ ଦେଖାଇ ମୁମ୍ବାଇର ଏକ ସଂସ୍ଥା ବରଗଡ଼ର ୪ଜଣଙ୍କଠାରୁ ୩୧ଲକ୍ଷ ୬୬ହଜାର ୩୦୦ଟଙ୍କା ଠକି ନେଇଛି। ଏ ନେଇ ସମ୍ବଲପୁର ସାଇବର...

ଓଭରବ୍ରିଜ୍‌ ତଳେ ୨ ଶିଶୁଙ୍କ ଜୀବନ ନେଇଗଲା ପିକ୍‌ଅପ୍‌

ଢେଙ୍କାନାଳ ଅଫିସ,୧୫।୨: ଢେଙ୍କାନାଳ ସହର ବାଜିଚୌକ ଓଭରବ୍ରିଜ୍‌ ତଳେ ସୋମବାର ଅପରାହ୍ନରେ ଏକ ଦୁର୍ଘଟଣା ଘଟିଛି। ପିକ୍‌ଅପ ଭ୍ୟାନ୍‌ ଧକ୍କାରେ ୨ ଶିଶୁଙ୍କ ମୃତ୍ୟୁ ଘଟିଥିବା...

ସ୍ବାସ୍ଥ୍ୟକେନ୍ଦ୍ରରେ ମାସ୍କ ବଣ୍ଟନ କଲା ପୋଲିସ

ଦାରିଙ୍ଗବାଡ଼ି,୨ା୪(ଡି.ଏନ୍‌.ଏ.)- କରୋନା ସଂକ୍ରମଣ ପ୍ରତିହତ ପାଇଁ ଲକ୍‌ଡାଉନ୍‌ କଟକଣା ଜାରିହୋଇଛି।ଡାଉନ। କନ୍ଧମାଳ ଏସ୍‌ପି ପ୍ରତୀକ ସିଂଙ୍କ ନିର୍ଦ୍ଦେଶକ୍ରମେ ବିଭିନ୍ନ ଥାନା ଅଞ୍ଚଳରେ ପୋଲିସ ପକ୍ଷରୁ କରୋନା...

ନିଲାମ ଘାଟରୁ ବେଆଇନ ବାଲି ଚାଲାଣ

ରସୁଲପୁର,୧୧।୧୦(ଡି.ଏନ୍‌.ଏ.): ରସୁଲପୁର ତହସିଲ ଅଧିନରେ ଥିବା ବ୍ରାହ୍ମଣୀ ନଦୀର ଅଧିକାଂଶ ନିଲାମ ବାଲି ଘାଟରେ ପାଣି ପଶିି ଯାଇଛି। ତେଣୁ ବାଲି ଉତ୍ତୋଳନ ଓ ପରିବହନ...

ମୁଣ୍ଡପିଛା ଋଣ ୨୨,୮୨୭ ଟଙ୍କା

ଭୁବନେଶ୍ୱର,୨୯ା୩(ବ୍ୟୁରୋ):ରାଜ୍ୟରେ ଋଣଭାର ୧ ଲକ୍ଷ ୪ ହଜାର ୩୧୨ କୋଟି ରହିଛି। ୨୦୨୧-୨୨ରେ ମୁଣ୍ଡପିଛା ଋଣଭାର ୨୨ ହଜାର ୮୨୭ ଟଙ୍କା ୫୪ ପଇସା। ରାଜ୍ୟ...

ଅଣନିଯୁକ୍ତି ଫାର୍ମାସିଷ୍ଟ ସଂଘର ଧାରଣା

ବାଲେଶ୍ୱର ଅଫିସ, ୨୦।୨-ବେକାରୀ ଫାର୍ମାସିଷ୍ଟମାନଙ୍କୁ ଉପେକ୍ଷା କରାଯାଇଥିବା ପ୍ରତିବାଦରେ ବୁଧବାର ବାଲେଶ୍ୱର ଜିଲା ମୁଖ୍ୟ ଚିକିତ୍ସାଳୟ ପରିସରରେ ଥିବା ଜିଲା ମୁଖ୍ୟ ଚିକିତ୍ସାଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ...

ଲକ୍‌ଡାଉନ୍‌ ଉଠିବା ପରେ ଗଞ୍ଜାମକୁ ଫେରିବେ ଲୋକେ: ସରପଞ୍ଚଙ୍କ ସହ ଆଲୋଚନା, ଆଇସୋଲେଶନ୍‌ ସେଣ୍ଟର ଅନୁଧ୍ୟାନ କଲେ ଜିଲାପାଳ

ଛତ୍ରପୁର, ୨୪।୪(ଡି.ଏନ୍‌.ଏ.)- ଲକ୍‌ଡାଉନ୍‌ ଉଠିବା ପରେ ବାହାର ରାଜ୍ୟରେ ଅଟକିଥିବା ଲୋକେ ଗଞ୍ଜାମ ଜ଼ିଲାକୁ ଫେରିବେ। ଏନେଇ ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ସମସ୍ତ...

Advertisement
Archives

Model This Week