ସୋରଡା,୧୩ା୨(ଡି.ଏନ.ଏ.): ସୋରଡା-ଆସିକା ରାସ୍ତା ତତାବାଲି ଗ୍ରାମ ନିକଟରେ ବୁଧବାର ରାତି ପ୍ରାୟ ୮ଟାରେ ଏକ ପିକ୍ଅପ୍ ଭ୍ୟାନ ଓଲଟି ୭ଜଣ ଆହତ ହୋଇଛନ୍ତି। ସୋରଡା ମେଡିକାଲରେ ପ୍ରାଥମିକ ଚିକିତ୍ସା ପରେ ସେମାନଙ୍କୁ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତର କରାଯାଇଛି। ପ୍ରକାଶ ଯେ, ଅସୁରବନ୍ଧ ପଞ୍ଚାୟତ ଦାନ୍ତଲିଙ୍ଗିରେ ଚାଲିଥିବା ଲୁର୍ଦ୍ଦୁମେରୀ ଯାତ୍ରାରେ ବ୍ରହ୍ମପୁର ଉତ୍କଳ ପେଣ୍ଡାଲ ସାହିର ବ୍ୟବସାୟୀମାନେ କପଡା ଦୋକାନ ପକାଇଥିଲେ। ଯାତ୍ରା ସରିବା ପରେ ବୁଧବାର ଏକ ପିକ୍ଅପ୍ ଭ୍ୟାନରେ ବ୍ୟବସାୟୀମାନେ ବ୍ରହ୍ମପୁର ଫେରୁଥିଲେ। ରାତି ପ୍ରାୟ ୮ଟାରେ ତତାବାଲି ନିକଟରେ ଭ୍ୟାନଟି ଓଲଟି ପଡିଥିଲା। ସେଥିରେ ଥିବା କାହ୍ନା ବେହେରା ଗୁରୁତର ହୋଇଥିବାବେଳେ ଆକାଶ ପାତ୍ର, ମନୋଜ କୁମାର, ଶଙ୍କର ସାହୁ, ସନ୍ତୋଷ ବେହେରା, ମୁନା ବେହେରା, କାଳିଆ ବାଡତ୍ୟା ଆହତ ହୋଇଥିଲେ। ସୋରଡା ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ ଡାକ୍ତର ସନ୍ତୋଷ କୁମାର ସେମାନଙ୍କୁ ବ୍ରହ୍ମପୁର ପଠାଇଥିଲେ। ଥାନା ଅଧିକାରୀ ରମେଶ କୁମାର ପ୍ରଧାନ ପହଞ୍ଚତ୍ ପରିସ୍ଥିତି ଅନୁଧ୍ୟାନ କରୁଛନ୍ତି।
