ଓ୍ବାଶିଂଟନ,୨୪।୭: ପାକିସ୍ତାନରେ ୪୦ ଆତଙ୍କବାଦୀ ସଂଗଠନ କାମ କରୁଛି। ଏସବୁ ସଂଗଠନରେ ୩୦ରୁ ୪୦ ହଜାର ସଦସ୍ୟ ରହିଛନ୍ତି।ଏନେଇ ପୂର୍ବରୁ କ୍ଷମତାରେ ଥିବା ସରକାର ଗତ ୧୫ ବର୍ଷ ଧରି ଆମେରିକାକୁ କୌଣସି ସୂଚନା ଦେଇ ନ ଥିବା ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାଁ କହିଛନ୍ତି। ତେବେ ପାକିସ୍ତାନ ଆମେରିକା ସହିତ ମିଶି ଆତଙ୍କବାଦ ବିରୋଧରେ ଲଢ଼ାଇ ଜାରି ରଖିଥିବା ଇମ୍ରାନ୍ କହିଛନ୍ତି। ମୁମ୍ବାଇରେ ହୋଇଥିବା ୯/୧୧ ଆତଙ୍କବାଦୀ ଆକ୍ରମଣରେ ପାକିସ୍ତାନର ହାତ ନାହିଁ। ପାକିସ୍ତାନରେ ତାଲିବାନ୍ ସଂଗଠନ ନ ଥିଲେ ମଧ୍ୟ ଆମେରିକାର ଆତଙ୍କବାଦୀ ଦମନ କାର୍ଯ୍ୟରେ ପାକିସ୍ତାନ ଆବଶ୍ୟକ ସହାୟତା ଯୋଗାଇ ଦେଇଥିବା ଇମ୍ରାନ୍ ସୂଚନା ଦେଇଛନ୍ତି। ପାକିସ୍ତାନ ଗୋଇନ୍ଦା ସଂସ୍ଥା ଆଇଏସ୍ଆଇ ଆମେରିକା ଗୁପ୍ତଚର ସଂସ୍ଥା ସିଆଇଏକୁ ଓସମା ବିନ୍ ଲାଡେନ୍ ସମ୍ପର୍କରେ ତଥ୍ୟ ଯୋଗାଇଥିଲା। ଫଳରେ ଆମେରିକା ଲାଡେନ୍ଙ୍କୁ ହତ୍ୟା କରିବାରେ ସଫଳ ହୋଇଥିବା ଇମ୍ରାନ୍ କହିଛନ୍ତି। ମାତ୍ର ପୂର୍ବରୁ ଲାଡେନ୍ଙ୍କ ହତ୍ୟା ଘଟଣା ସମ୍ପର୍କରେ ପାକିସ୍ତାନ ସରକାର ଜାଣି ନ ଥିବା କୁହାଯାଇଥିଲା। ଏବେ ଇମ୍ରାନ୍ଙ୍କ ମନ୍ତବ୍ୟ ପୂର୍ବରୁ ପାକିସ୍ତାନ ସରକାର ଦେଇଥିବା ମନ୍ତବ୍ୟ ମଧ୍ୟରେ ମେଳ ଖାଉ ନ ଥିବା ନେଇ ଅନ୍ତର୍ଜାତୀୟସ୍ତରରେ ଚର୍ଚ୍ଚା ଆରମ୍ଭ ହୋଇଛି।
