ନୂଆଦିଲ୍ଲୀ, ୧୮।୪(ପି.ଟି.)- ଭାରତୀୟ ବିଶ୍ୱକପ୍ ଦଳରେ ଯୁବ ଉଇକେଟକିପର ବ୍ୟାଟ୍ସମ୍ୟାନ ରିଷଭ ପନ୍ତଙ୍କୁ ସ୍ଥାନ ନ ମିଳିବା ପୂର୍ବତନ ଅଷ୍ଟ୍ରେଲୀୟ ଅଧିନାୟକ ତଥା ଦିଲ୍ଲୀ କ୍ୟାପିଟାଲ୍ସ ହେଡ କୋଚ୍ ରିକି ପଣ୍ଟିଂକୁ ଚକିତ କରିଛି। ଅନ୍ତିମ ଏକାଦଶରେ ପନ୍ତ ଏକ୍ସ ଫ୍ୟାକ୍ଟର ରୂପେ ଉଭା ହୋଇଥାନ୍ତେ ବୋଲି ସେ କହିଛନ୍ତି। ଉଇକେଟକିପିଂ ଦୃଷ୍ଟିକୋଣୁ ପନ୍ତଙ୍କୁ ପଛରେ ପକାଇ ଚୟନକର୍ତ୍ତା ଦିନେଶ କାର୍ତ୍ତିକଙ୍କୁ ଦଳରେ ସାମିଲ କରିଥିଲେ। ପନ୍ତ ଜଣେ ପ୍ରତିଭା ସମ୍ପନ୍ନବ୍ୟାଟ୍ସମ୍ୟାନ। ଅତିକମ୍ରେ ସେ କ୍ୟାରିୟରରେ ୩ଟି ବିଶ୍ୱକପ୍ ଖେଳିବା ଆବଶ୍ୟକ। ଅନ୍ତିମ ଏକାଦଶରେ ସାମିଲ ହୋଇଥିଲେ ପନ୍ତ ଭାରତ ପାଇଁ ବେଶ୍ ଉପଯୋଗୀ ସାବ୍ୟସ୍ତ ହୋଇଥାନ୍ତେ। ଅବଶ୍ୟ ପନ୍ତଙ୍କୁ ପରେ ବିଶ୍ୱକପ୍ ଦଳରେ ଷ୍ଟାଣ୍ଡବାଇ ଭାବେ ସାମିଲ କରାଯାଇଛି।
