କୋଲକାତା,୧୮।୮: ନେତାଜୀ ସୁଭାଷ ବୋଷଙ୍କର ନିଖୋଜ ରହସ୍ୟ ନେଇ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ପୁଣି ଥରେ ମନ୍ତବ୍ୟ ଦେଇଛନ୍ତି। ସେ ରବିବାର ଟୁଇଟ୍ କରି କହିଛନ୍ତି ଯେ,ଦେଶବାସୀଙ୍କର ଏ ସମ୍ପର୍କରେ ଜାଣିବାର ଅଧିକାର ରହିଛି। ୭୪ ବର୍ଷ ତଳେ ୧୯୪୫ ଅଗଷ୍ଟ ୧୮ରେ ସେ ନିଖୋଜ ହୋଇଯାଇଥିଲେ। ତାଇଓ୍ବାନ୍ର ତାଇହୋକୁ ବିମାନ ବନ୍ଦରରୁ ତାଙ୍କ ବିମାନ ଉଡ଼ାଣ ଆରମ୍ଭ କରିଥିଲା। ବାଟରେ ଏହା ରାତି ୯ଟାରେ ଦୁର୍ଘଟଣାଗ୍ରସ୍ତ ହୋଇଥିବା କୁହାଯାଇଥିଲା। ନେତାଜୀଙ୍କ ନିଖୋଜ ନେଇ ୧୯୫୬ରେ ଶାହ ନଓ୍ବାଜ କମିଟି ଗଠନ କରାଯାଇଥିଲା। ପରେ ୧୯୭୦ରେ ଖୋସଲା କମିଶନ ଗଠିତ ହୋଇଥିବାବେଳେ ୨୦୦୫ରେ ମୁଖାର୍ଜୀ କମିଶନ ଗଠନ କରାଯାଇଥିଲା। ୨୦୧୬ ସେପ୍ଟେମ୍ବର ୧ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ଜାପାନ ସରକାରଙ୍କ ରିପୋର୍ଟର ଯାଞ୍ଚ୍ କରିଥିଲେ।
