ନୂଆଦିଲ୍ଲୀ, ୧୭।୫: ମାଲେଗାଁଓ ବିସ୍ଫୋରଣରେ ଅଭିଯୁକ୍ତ ତଥା ଭୋପାଳ ଲୋକସଭା ଆସନର ଭାଜପା ପ୍ରାର୍ଥୀ ସ୍ବାଧୀ ପ୍ରଜ୍ଞା ଠାକୁର ମହାତ୍ମା ଗାନ୍ଧୀଙ୍କ ହତ୍ୟାକାରୀ ନାଥୁରାମ ଗଡସେଙ୍କୁ ଦେଶଭକ୍ତ ମନ୍ତବ୍ୟ ପରେ ଏହାକୁ ନେଇ ରାଜନୀତି ଜୋର ଧରିଛି। କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଏହାକୁ ବିରୋଧ କରି ନିଜ ଟୁଇଟରରେ ଲେଖିଛନ୍ତି, ବାପୁଙ୍କ ହତ୍ୟାକାରୀ ଦେଶଭକ୍ତ ‘ହେ ରାମ୍’।୧୯୪୮ରେ ମହାତ୍ମା ଗାନ୍ଧୀଙ୍କୁ ନାଥୁରାମ ଗଡସେ ଗୁଳି ମାରିବାବେଳେ ବାପୁଙ୍କ ମୁହଁରୁ ଏହି ଦୁଇଟି ଶବ୍ଦ ଆସିଥିଲା। ସୂଚନାଯୋଗ୍ୟ, ଅଭିନେତା କମଲ ନାଥୁରାମ ଗଡସେଙ୍କୁ ହିନ୍ଦୁ ଆତଙ୍କବାଦୀ କହିବା ପରେ ଏହାର ପ୍ରତିକ୍ରିୟା ରଖି ସ୍ବାଧୀ ପ୍ରଜ୍ଞା କହିଥିଲେ, ନାଥୁରାମ ଦେଶଭକ୍ତ ଥିଲେ, ଅଛନ୍ତି ଏବଂ ରହିବେ ମଧ୍ୟ। ଭାଜପା ମଧ୍ୟ ସ୍ବାଧୀଙ୍କ ଏହି ମନ୍ତବ୍ୟକୁ କଡା ନିନ୍ଦା କରିିଛି।
