ମୋନାକୋ, ୧୮।୪- କ୍ଲେ କୋର୍ଟର ରାଜା ଭାବେ ପରିଚିତ ସ୍ପେନର ରାଫାଲ ନାଡାଲ ଏଠାରେ ଚାଲିଥିବା ମଣ୍ଟେ କାର୍ଲୋ ମାଷ୍ଟର୍ସ ପ୍ରତିଯୋଗିତାରେ ବିଜୟରୁ ଅଭିଯାନ ଆରମ୍ଭ କରିଛନ୍ତି। ସିଜନରେ ନିଜର ପ୍ରଥମ କ୍ଲେ କୋର୍ଟ ମ୍ୟାଚ୍ ଖେଳିଥିବା ନାଡାଲ ପୁରୁଷ ସିଙ୍ଗଲ୍ସ ରାଉଣ୍ଡ-୩୨’ର ଏକ ମୁକାବିଲା ୬-୧, ୬-୧ ସିଧାସଳଖ ସେଟ୍ରେ ରବୋର୍ଟ ବୌତିଷ୍ଟାଙ୍କୁ ପରାସ୍ତ କରିଥିଲେ। ପ୍ରି-କ୍ୱାର୍ଟର ଫାଇନାଲରେ ନାଡାଲଙ୍କ ମୁକାବିଲା ବୁଲଗେରିଆର ଗ୍ରିଗୋର ଦିମିତ୍ରୋଭାଙ୍କ ସହ ହେବ। ଦିମିତ୍ରୋଭାଙ୍କ ବିପକ୍ଷରେ ନାଡାଲ ୧୨ଟି ମ୍ୟାଚ୍ ଖେଳିଥିବାବେଳେ ସେଥିରୁ ସେ ୧୧ ମ୍ୟାଚ୍ରେ ବିଜୟୀ ଲାଭ କରିଛନ୍ତି। ଯଦି ଏଠାରେ ନାଡାଲ ଚାମ୍ପିୟନ ହୁଅନ୍ତି ତେବେ ରେକର୍ଡ ଦ୍ୱାଦଶଥର ଲାଗି ଏହି ସମ୍ମାନଜନକ ଟ୍ରଫି ହାସଲ କରିବେ। ତୃତୀୟ ସିଡ୍ ଆଲେକ୍ସଜାଣ୍ଡର ଜେଭରେଭ, ଡୋମିନିକ ଥିଏମ, ଡାନିଲ ମେଡଭେଡେଭ ଓ ଫାବିଓ ଫୋଗନିନି ମଧ୍ୟ ୩ୟ ରାଉଣ୍ଡରେ ପ୍ରବେଶ କରିଛନ୍ତି।
