ବୋଲଗଡ,୧୩ା୨(ଡି.ଏନ.ଏ.): ଚାଷୀମାନଙ୍କ ନ୍ୟାଯ୍ୟ ଦାବି ହାସଲ ପାଇଁ ସଂଗ୍ରାମ ଚଳାଇଥିବା ନବନିର୍ମାଣ କୃଷକ ସଙ୍ଗଠନର ନ୍ୟାୟ ଯାତ୍ରା ବୁଧବାର ବୋଲଗଡ଼ ବ୍ଲକ ସାଗରଗଁା ପଞ୍ଚାୟତରେ ପହଞ୍ଚତ୍ଥିଲା। ସଙ୍ଗଠନର ରାଜ୍ୟ ସଂଯୋଜକ ଶେଷଦେବ ନନ୍ଦଙ୍କ ନେତୃତ୍ୱରେ ଆସିଥିବା କର୍ମକର୍ତ୍ତାଙ୍କୁ ପାଇକ ସମରକଳା ପ୍ରଦର୍ଶନ ପୂର୍ବକ ପାଛୋଟି ନିଆଯାଇଥିଲା। ଖୋର୍ଦ୍ଧା ଜିଲା ସଂଯୋଜକ ସୁରେଶ କୁମାର ମାନସିଂହଙ୍କ ପୌରୋହିତ୍ୟରେ ପଥପ୍ରାନ୍ତ ସଭା ଅନୁଷ୍ଠିତ ହୋଇଥିଲା। ଏଥିରେ ସଙ୍ଗଠନର କେନ୍ଦ୍ରୀୟ ସଂଯୋଜକ ଅକ୍ଷୟ କୁମାର ଯୋଗଦେଇ କହିଥିଲେ ଯେ, ଭାରତ କୃଷିପ୍ରଧାନ ଦେଶ ହୋଇଥିଲା ବେଳେ ସରକାରୀ ଚାକିରିଆମାନଙ୍କୁ ୭ମ ବେତନ କମିଶନ ହାରରେ ଦରମା ଦିଆଯାଉଛି। ମାତ୍ର ଆମତ୍ନିର୍ଭରଶୀଳ ହୋଇ ବଞ୍ଚତ୍ବାକୁ ସଂଘର୍ଷ କରୁଥିବା ଚାଷୀ ପାଇଁ ସରକାର ଆତ୍ମହତ୍ୟାର ବାଟ ଦେଖାଇ ଦେଇଛନ୍ତି। ହକ୍ ପାଇଁ ଚାଷୀ ଲଢେଇ କରିବା ସମୟରେ ସରକାର ପୋଲିସ ଲଗାଇ ଦମନ କରିଚାଲିଛି। କିନ୍ତୁ ଏଥର ଚାଷୀ ସଙ୍ଗଠନ ସଶକ୍ତ ଆନ୍ଦୋଳନ କରିବ, ଯେପରି ସରକାର ସେମାନଙ୍କ ନ୍ୟାଯ୍ୟ ଦାବି ଆଗରେ ମୁଣ୍ଡ ନୁଆଁଇବ। ଅନ୍ୟମାନଙ୍କ ମଧ୍ୟରେ ବେଗୁନିଆ ବ୍ଲକ ସଂଯୋଜକ ମଦନ ସାହୁ, ନୟାଗଡ ସଂଯୋଜକ ମହେଶ୍ୱର ଜେନା, କାହ୍ନୁ ବେହେରା, ନିରଞ୍ଜନ ପ୍ରଧାନ ପ୍ରମୁଖଙ୍କ ସମେତ ଅଞ୍ଚଳର ଚାଷୀମାନେ ଯୋଗ ଦେଇଥିଲେ।
