ନକଲି କମର୍ସିଆଲ ଟ୍ୟାକ୍ସ ଅଫିସର ଗିରଫ

ଭୁବନେଶ୍ୱର,୨୬ା୧୧(ବ୍ୟୁରୋ): ନିଜକୁ ଜଣେ କମର୍ସିଆଲ ଟ୍ୟାକ୍ସ ଅଫିସର ଭାବେ ପରିଚୟ ଦେଉଥିଲେ। ମୋବାଇଲ୍‌ ନମ୍ବର ଟ୍ରୁ-କଲରରେ ନିଜର ଭିନ୍ନ ଭିନ୍ନ ନାମ ସହ କେତେବେଳେ ସରକାରୀ ଅଫିସର ତ ପୁଣି ଗୁଗୁଲ୍‌ର ସର୍କଲ ରିଜିଓନାଲ ମ୍ୟାନେଜର ବୋଲି ରଖୁଥିଲେ। ବଡ଼ ବଡ଼ ବ୍ୟବସାୟୀ ଓ ଶୋ’ରୁମ୍‌ ମାଲିକଙ୍କୁ ନାନା ଧମକ ଦେଇ କେତେବେଳେ ଟଙ୍କା ତ ଆଉ କେତେବେଳେ ଦାମୀ ସାମଗ୍ରୀ ନେଉଥିଲେ। ଏହି ନକଲି କମର୍ସିଆଲ ଟ୍ୟାକ୍ସ ଅଫିସରଙ୍କୁ କମିଶନରେଟ ପୋଲିସର ସ୍ପେଶାଲ ସ୍କ୍ବାଡ୍‌ ଗିରଫ କରିଛି। ସେ ହେଲେ କଳିଙ୍ଗନଗର ପ୍ଲଟ୍‌ ନଂ.କେ-୭ରେ ରହୁଥିବା ସୂର୍ଯ୍ୟକାନ୍ତ ଓରଫ ସୌମ୍ୟଜିତ୍‌ ତ୍ରିପାଠୀ। ତାଙ୍କ ନାମରେ ଶହୀଦନଗର ଥାନାରେ ୩ଟି ମାମଲା ରୁଜୁ ହୋଇଛି। ତାଙ୍କଠାରୁ ପୋଲିସ ୬ ଲାପ୍‌ଟପ୍‌, ୧୦ଲକ୍ଷ ଟଙ୍କାର ମୋବାଇଲ୍‌ ଫୋନ୍‌, ସିପିୟୁ, ପ୍ରିଣ୍ଟିଂ ମେଶିନ ଜବତ କରିଛି। ତାଙ୍କ ନାମରେ ଅଭିଯୋଗ ସଂଖ୍ୟା ବଢ଼ି ଚାଲିଥିବାବେଳେ ପୋଲିସ ପଚରାଉଚରା ପରେ କୋର୍ଟଚାଲାଣ କରିଛି।
ପୋଲିସ ସୂଚନାନୁଯାୟୀ, ସୌମ୍ୟଜିତ୍‌ ମେକାନିକାଲ ଇଞ୍ଜିନିୟରିଂ ପଢ଼ିଛନ୍ତି। ଚାକିରି ନ ପାଇବାରୁ ଏଭଳି ଠକେଇ କରିବାକୁ ଅଭିନବ ପନ୍ଥା ଆପଣାଇଥିଲେ। କମର୍ସିଆଲ ଟ୍ୟାକ୍ସ ଅଫିସର ବିପିନ ବିହାରୀ ତ୍ରିପାଠୀ ପରିଚୟ ଦେଇ ଇଲେକ୍ଟ୍ରୋନିକ୍ସ ଶୋ’ରୁମ୍‌ ମାଲିକଙ୍କୁ ଫୋନ୍‌ କରି ତାଙ୍କ ଅଫିସ ପାଇଁ ଆବଶ୍ୟକ ସାମଗ୍ରୀର ଅର୍ଡର ଦେଉଥିଲେ। ଜଣେ ପିଅନ୍‌ଙ୍କୁ ପଠାଉଛି, ଟଙ୍କା ପରେ ନେଇଯିବାକୁ କହୁଥିଲେ। ଶୋ’ରୁମ୍‌ ମାଲିକ ରାଜି ନ ହେଲେ ତାଙ୍କୁ ଟ୍ୟାକ୍ସ ଫାଙ୍କିଥିବା କେସ୍‌ରେ ଫସାଇଦେବାକୁ ଧମକ ଦେଉଥିଲେ। ଶୋ’ରୁମ୍‌ ମାଲିକମାନେ ତାଙ୍କ ମୋବାଇଲ୍‌ ନମ୍ବର ଟ୍ରୁ କଲର ଦେଖି ବିଶ୍ୱାସ କରି ନେଉଥିଲେ। ଏହାପରେ ଶୋ’ରୁମ୍‌ରୁ ମନଇଚ୍ଛା ବିଭିନ୍ନ ସାମଗ୍ରୀ ନେଇ ବାହାରେ ବିକ୍ରି କରୁଥିଲେ ସୌମ୍ୟଜିତ୍‌। ଟଙ୍କା ନ ଦେଇ ଡରାଉଥିଲେ। ଏହିଭଳି ସେ ବିଏମ୍‌ସି ମଲ୍‌ରେ ଥିବା ପ୍ରୋପ୍‌-ଦିଭା ଇଣ୍ଟରପ୍ରାଇଜେସ୍‌ ମାଲିକ ନିକୁଞ୍ଜ ଖେମାନୀଙ୍କଠାରୁ ଗତ ୧୯ ତାରିଖରେ ୧୧ ଆଇଫୋନ୍‌ ନେଇ ଟଙ୍କା ଦେଇ ନ ଥିଲେ। ସନ୍ଦେହ ହେବାରୁ ନିକୁଞ୍ଜ ଶହୀଦନଗର ଥାନାରେ ଅଭିଯୋଗ କରିଥିଲେ। ପୋଲିସ କେସ୍‌ ନଂ-୬୧୩/୧୯ ମାମଲା ରୁଜୁ କରିଥିଲା। ସେହିଭଳି ସମାନ ଠକେଇର ଶିକାର ହୋଇଥିବା ଏହି ଥାନାଞ୍ଚଳର ୩ ଶୋ’ରୁମ୍‌ ମାଲିକ ଅଭିଯୋଗ କରିବା ପରେ ଡିସିପି ସ୍ପେଶାଲ ସ୍କ୍ବାଡ୍‌କୁ ତଦନ୍ତ ଦାୟିତ୍ୱ ଦେଇଥିଲେ। ପୋଲିସ ମୋବାଇଲ୍‌ ନମ୍ବର ଯାଞ୍ଚ କରିବା ସହ କମର୍ସିଆଲ ଟ୍ୟାକ୍ସ ଅଫିସ୍‌କୁ ଯାଇ ଯାଞ୍ଚ କରାଯିବା ପରେ ଉକ୍ତ ବ୍ୟକ୍ତିଜଣକ ଠକ ବୋଲି ଜାଣିବାକୁ ପାଇଥିଲା। ପୂର୍ବରୁ ମଧ୍ୟ ଏଭଳି ଅଭିଯୋଗ ଆସିଥିବା ଅଫିସ ପକ୍ଷରୁ କୁହାଯିବା ପରେ ପୋଲିସ ଉକ୍ତ ମୋବାଇଲ୍‌ ନମ୍ବରକୁ ଟ୍ରେସ୍‌ କରି ତାଙ୍କୁ ଧରିବା ପରେ ଅସଲ ପରିଚୟ ଓ କାର୍‌ନାମା ପଦାକୁ ଆସିଥିଲା। ଟ୍ରୁ କଲରରେ ଆସୁଥିବା ବିପିନ ବିହାରୀ ତ୍ରିପାଠୀ ତାଙ୍କ ବାପାଙ୍କ ନାମ ବୋଲି ଜଣାପଡିଛି।


Enter your email to get our daily news in your inbox.

All Right Reserved By Dharitri.Com

ଲକ୍‌ଡାଉନ୍‌ କୋହଳ ଅର୍ଥ ନୁହେଁ ‘ଅଲ୍‌ କ୍ଲିୟର’: ବାଗ୍‌ଚୀ

ଭୁବନେଶ୍ୱର,୬।୬(ବ୍ୟୁରୋ): ଜୁନ୍‌-ଜୁଲାଇର ସମ୍ଭାବ୍ୟ ପରିସ୍ଥିତି ମୂଳରେ ଗୋଟିଏ ଆତ୍ମସଚେତନତାର କଥା। ସେଇଟି ହେଲା ଲକ୍‌ଡାଉନ୍‌ରେ କୋହଳ ଅର୍ଥ ନୁହେଁ କରୋନାର ଶେଷ। ଏହା ମୁଖ୍ୟମନ୍ତ୍ରୀ କହିଛନ୍ତି।...

ବନ୍ଦ ପାଳନ, କଂଗ୍ରେସ କର୍ମୀଙ୍କ ଧାରଣା

ଯାଜପୁର ଅଫିସ,୧୩।୧୧: ମମିତା ମେହେର ହତ୍ୟା ଘଟଣାରେ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କୁ ବହିଷ୍କାର ଦାବିରେ ଶୁକ୍ରବାର କଂଗ୍ରେସ ପକ୍ଷରୁ ୬ ଘଣ୍ଟିଆ ବନ୍ଦ ଡାକରା...

ସହର ସୀମାରେ ସଜାଗ ପୋଲିସ

ଢେଙ୍କାନାଳ ଅଫିସ, ୨୩।୩: ମହାମାରୀ କରୋନାକୁ ପ୍ରତିହତ କରିବାକୁ ରାଜ୍ୟ ସରକାରଙ୍କ ନିର୍ଦ୍ଦେଶରେ ଢେଙ୍କାନାଳ ଜିଲାକୁ ସୋମବାର ଲକ୍‌ଡାଉନ୍‌ ଘୋଷଣା କରାଯାଇଛି। ଏହାପରେ ଜିଲା ପ୍ରଶାସନ...

ଦିନିକିଆ କୋରାପୁଟ ଗସ୍ତରେ କେନ୍ଦ୍ର ଆଦିବାସୀ କଲ୍ୟାଣ ଓ ଜଳଯୋଗାଣ ରାଷ୍ଟ୍ରମନ୍ତ୍ରୀ

କୋରାପୁଟ,୬।୧୧(ସ୍ବ.ପ୍ର.): କେନ୍ଦ୍ର ଆଦିବାସୀ କଲ୍ୟାଣ ଓ ଜଳଯୋଗାଣ ରାଷ୍ଟ୍ରମନ୍ତ୍ରୀ ବିଶେଶ୍ୱର ଟୁଡୁ ଶନିବାର ଦିନିକିଆ କୋରାପୁଟ ଗସ୍ତରେ ଯାଇଛନ୍ତି। ସେଠାରେ ସେ ପହଞ୍ଚି ଆଦିବାସୀଙ୍କ ବିକାଶ...

ଉପକୂଳରେ ବର୍ଷା, ଦକ୍ଷିଣ ଶୁଖିଲା

ଭୁବନେଶ୍ୱର,୨୪।୭(ବ୍ୟୁରୋ): ଉତ୍ତର-ପଶ୍ଚିମ ବଙ୍ଗୋପସାଗର ଏବଂ ଏହାର ଆଖପାଖ ଅଞ୍ଚଳରେ ସୃଷ୍ଟି ହୋଇଥିବା ଲଘୁଚାପ ଯୋଗୁ ଗୁରୁବାର ରାତିରୁ ଉପକୂଳ ଏବଂ ଆଭ୍ୟନ୍ତରୀଣ ଓଡ଼ିଶାର ଅନେକ ଜିଲାରେ...

ନବୀନ ନିବାସରେ ବାଦ୍‌ ପଡ଼ିଥିବା ମନ୍ତ୍ରୀ

ଭୁବନେଶ୍ୱର,୬ା୬(ବ୍ୟୁରୋ): ନବୀନ ସରକାର ରବିବାର ତାଙ୍କର ନୂଆ ମନ୍ତ୍ରିମଣ୍ଡଳ ଗଢ଼ିଛନ୍ତି। ତେବେ ଏହି ମନ୍ତ୍ରିମଣ୍ଡଳରୁ ୧୦ ମନ୍ତ୍ରୀ ବାଦ୍‌ ପଡ଼ିଛନ୍ତି। ବାଦ୍‌ ପଡ଼ିଥିବା ଏହି ମନ୍ତ୍ରୀମାନେ...

‘ଆମ ନେତା କାମ ନ କରି ଶୋଇଲେ’

ଭୁବନେଶ୍ୱର, ୧୨।୧୧ (ବ୍ୟୁରୋ):ବାଲେଶ୍ୱର ଏବଂ ତିର୍ତ୍ତୋଲ ବିଧାନସଭା ଆସନରେ ହୋଇଥିବା ଉପନିର୍ବାଚନର ଫଳ ବିଜେଡି ସପକ୍ଷରେ ଯାଇଛି। ଦୁଇଟି ଯାକ ଆସନରେ ଶାସକ ଦଳର ବିଜୟ...

ଶେଷ ହେଲା ‘ବିଜ୍‌ନେସ୍‌ ଏମିନେନ୍ସ ଆୱାର୍ଡ୍ସ’: ପୁରସ୍କୃତ ହେଲେ ଓଡ଼ିଶାର ପ୍ରତିଷ୍ଠିତ ବ୍ୟବସାୟୀ

ଭୁବନେଶ୍ୱର,୨୦।୩(ବ୍ୟୁରୋ): ଧରିତ୍ରୀ ଏବଂ ଓଡିଶାପୋଷ୍ଟ ଆନୁକୂଲ୍ୟରେ ଶନିବାର ହୋଟେଲ ସ୍ବସ୍ତି ପ୍ରିମିୟମରେ ଅନୁଷ୍ଠିତ ହୋଇଯାଇଛି ‘ବିଜ୍‌ନେସ୍‌ ଏମିନେନ୍ସ ଆୱାର୍ଡ୍ସ’। ଏଥିରେ ଭିଡିଓ କନ୍‌ଫରେନ୍ସିଂ ଜରିଆରେ ମୁଖ୍ୟମନ୍ତ୍ରୀ...

Advertisement
Archives

Model This Week