ପୁରୁଷୋତ୍ତମପୁର,୨୬ା୪(ଡି.ଏନ୍.ଏ.): କରୋନାକୁ ନେଇ ଗଞ୍ଜାମ ଜିଲାପାଳ ମଦ କାରବାର ସମ୍ପୂର୍ଣ୍ଣ ରୂପେ ବନ୍ଦ ଲାଗି କଡ଼ା ନିର୍ଦ୍ଦେଶ ଜାରି କରିଥିବା ସତ୍ତ୍ୱେ ପୁରୁଷୋତ୍ତମପୁର ଅଞ୍ଚଳରେ ମଦମାଫିଆମାନେ ବିନା ଦ୍ବିଧାରେ ମଦ କାରବାର ଚଳାଇଛନ୍ତି। ଏହାକୁ ନେଇ ରବିବାର ସକାଳେ ପୁରୁଷୋତ୍ତମପୁର ଥାନା ଏଏସ୍ଆଇ ରବିନ୍ଦ୍ର ନାଥ ପାଣିଗ୍ରାହୀ ଗ୍ରାମାଞ୍ଚଳରେ ପାଟ୍ରୋଲିଂ କରୁଥିବା ବେଳେ ଦୁଇ ଅଭିଯୁକ୍ତଙ୍କୁ ଗିରଫ କରିଛନ୍ତି। ଏଥିସହ ୮୦ ଲିଟର ଦେଶୀ ମଦ ସହ ମୋଟରସାଇକେଲକୁ ଜବତ କରିଛନ୍ତି। ଗିରଫ ବ୍ୟକ୍ତିମାନେ ହେଲେ ବଡଖରଡ଼ର ହୀନ ବେହେରା ଓ ଝରଣର ପ୍ରଦୀପ ପ୍ରଧାନ। ଆଇଆଇସି ଜଗନ୍ନାଥ ମଲ୍ଲିକଙ୍କ କହିଛନ୍ତି, ବଡ଼ଖରିଡ଼ା ଗ୍ରାମର ହୀନ ବେହେରା ମୋଟରସାଇକେଲ ଓଡି ୦୭ ଏଚ୍ ୨୦୧୮ଯୋଗେ ୮୦ଲିଟର ଦେଶୀ ମଦ ପାଉଚ୍ ଧରି ଯାଉଥିବା ବେଳେ ରାଜପୁର ଗ୍ରାମ ନିକଟରେ ଜବତ କରାଯାଇଛି ଯାହାର କେସ ନଂ ୯୩/୨୦। ସେହିପରି ଝରଣ ଗ୍ରାମର ପ୍ରଦୀପ ପ୍ରଧାନ ମୋଟରସାଇକେଲ ଓଡି ୦୭ ବି ୪୩୩୫ ଯୋଗେ ୪୦ ମଦ ପାଉଚ ଧରି ନିଜ ଗ୍ରାମକୁ ଯାଉଥିବା ବେଳେ ଜବତ କରାଯାଇଛି ଯାହାର କେସ୍ ନଂ.୯୪/୨୦ ଅଟେ।
